Lučin Viktor Osipovič

Lučin Viktor Osipovič
Sündundpäiv	26. keväz'kud 1939(1939-03-26)
Sündundtaho	Änižröun, Karjalan ASSR[d], RSFSR[d], Sovetskii Sojuz
Kolendpäiv	7. elokud 2021(2021-08-07) (82 года)
Kolendtaho	Moskva, Venäma
Ma	Sovetskii Sojuz  Venäma
Radsija	Voronežan valdkundaline universitet[d] Samaran valdkundaline universitet[d] Venäman akademijan valdkundan da oiktuden institut[d] MGU-universitetan juridine tedokund[d] Venäman Konstitucionine Sud[d]
Openduz	Voronežan valdkundaline universitet[d]
Tedostepen'	juristan tedodoktor[d]
Tedonimi	professor[d]
Pauklahjad da premijad

Viktor Osipovič Lučin (ven.: Ви́ктор Осипо́вич Лу́чин, 26. keväz'kud 1939, Änižröun, Karjalan ASSR^[d] — 7. elokud 2021, Moskva) — om sovetskii da venälaine jurist, Venäman Konstitucionižen sudan sudja varas. Juridine tedodoktor, professor, Venäman arvostadud tedoradnik, Venäman arvostadud jurist.

Elostarin

Om sündunu 26. keväz'kud vodel 1939 Karjalan ASSRan Änižröunan Ladva-Vetka-stancijal.

Vodel 1965 lopi Voronežan valdkundaližen universitetan juridižen tedokundan.

Vozil 1966—1971 — radoi opendajan Voronežin valdkundaližes universitetas.

Vodel 1971 — V. S. Osnovinan ohjandusel polesti kandidatan dissertacijan ven.: "Процессуальные нормы в советском государственном праве"-teman mödhe.

Vozil 1972—1978 — Kuibiševan valdkundaližen universitetan docent, valdkundan teorijan da istorijan da oiktuden tedokundan ohjandai.

Vozil 1979—1989 — Sovetskijan Sojuzan tedoakademijan valdkundan da oiktuden institutan vanhemb tedoradnik.

Vozil 1989—1991 — Venäman social'no-politižen institutan valdkundaližen sauvondan da oiktuzpolitikan tedokundan docent.

Politikrad da KPSSaspäi heitänd

Kaks' kerdad om heittud KPSS-partijaspäi:

• ezmäižen kerdan — ezitandas partijan azmehišton jandandan vasthapäi tegendan- da küläazjmehištoile KPSSan käskkirjan keskistuses;
• toižen kerdan — KPSSan Keskuzkomitetan da sovetskijan valdmehišton pätandoiden arvosteluses voiskiden sirdändas Čehoslovakijaha vodel 1968.

Jäl'ges oli udištadud. Oli partijan ühtnikan kül'mkuhusai vodehesai 1991.

Karjera Konstitucionižes sudas

29. redukud vodel 1991 Rahvahaližiden deputatoiden suiman sudjoiden kandidaturoiš diskutiruindan aigan tedoti, miše kuverz'-se vot tagaze vaumiči tedodoktoran dissertacijan "Zakonkogomuz da kundaline praktik"-teman mödhe, no polestusen pidi sirtta, sikš ku ezitadud dissertacijas toziazjad "keskustiba tetabale tezisale siš, miše meiden Zakonkogomuz om tehtud ei dekoracijan täht, miše se eläb da radab". Toižel päiväl toižes änestamižen turas om valitud Venäman Konstitutionižen Sudan sudjaks Venäman kommunistad-frakcijan tomotusen mödhe.

Tal'vkus vodel 1992 "KPSSan azjan"-processal änesti Venäman Konstitucionižen Sudan pätandan vastha, da sidä aigan tedoti, miše "kaičeb kommunistoiden oiktuzid vaiše siš stepeniš, miččes niid kaičeb Zakonkogomuz". Tedoti erilaižen mel'pidon azjoiden mödhe. Ei üht kerdad ezini Pravda- da Sovetskaja Rossia-lugendlehtesiš azjan satusiden sel'genzoitusidenke.

Uhokus vodel 1993 oli RSFSRan Kommunistižen partijan udištuzsuimal. Hänen sanoiden mödhe, hän oli sigä Konstitucionižen sudan ohjandajan Valerii Zor'kinan käskon mödhe, miše ei laskta suiman küksendad.

Heinkus vodel 1993 polesti tedodoktoran dissertacijan ven.: "Теоретические проблемы реализации конституционных норм"-teman mödhe.

1. tal'vkud vodel 1993 Venäman Konstitucionine Sud azoti valdoiktuded Viktor Lučinan da hänen ühtenradnikan Valerii Zor'kinan "ühtnendas politikradoho" (Lučin oli mülütadud Venäman Valdkundaližen duman deputatoiden lugetišehe Venäman agrardnijas partijaspäi, no pätti jada Konstitucionižen sudan sudjan radsijal da völ edel valičendoid heitti ičeze kandidaturad).

14. vilukud vodel 1994 Konstitucionine sud udišti (7 än't ž. änen vasthapäi) Lučinad Venäman Konstitucionižen sudan sudjan radsijal.

14. uhokud vodel 1995 om mülütadud Konstitucionižen sudan toižehe honusehe. Om Venäman subjektoiden da valdkundaoiden — SNG-ühtištusen ühtnikoiden sudan konstitucionižen tarkištelendan azjmehištoiden ohjandusedme laudkundan ühtnik.

Elokus vodel 1995 Lučin udes pučihe ühtneda valičusihe Valdkundaližehe dumaha, necil kerdal Venäman Kommunistižen partijan federaližen lugetišen mödhe. No, kut sel'genzoiti KPRF-partijan ohjandai Gennadii Z'uganov, jo lugetišen ezmäižel vahvištoituzetapal Lučin tedoti, miše ladib lopta radon Konstitucionižen sudan sudjan radsijal.

Kaiken voziden 1995—1996 aigan tedoti 3 erilašt mel'pidod: zakonoiden hüväksindan aigan azjoiden mödhe, Čečn'an azj, administracijoiden pämehiš käskos azj.

Konstitucionižen sudan sudjan valdoiktuded lopihe 31. keväz'kud vodel 2004 sikš, ku hänele täudui 65 vot, radoi sudjan uhokun 25. päivähasai vodehesai 2005.

Opendajan rad

Sügüz'kuspüi vodelpäi 2005 — elokuhusai vodehesai 2008 — ohjanzi Venäman valdkundaližen socialižen universitetan juridižen tedokundan konstitucionižen da rahvahidenkeskeižen (valdkundaližen) oiktuden kafedran (ven.: РГСУ). Lugi openduzkursad: "Venäman konstitucionine (valdkundaline) oiktuz'", "Zakonkogomusen kävutamižen problemad Venämal".

Vodelpäi 1994 — radoi Moskvan valdkundsližen universitetan juridižel tedokundal. Openzi Venäman konstitucionižen oiktuden, lugi erilaižen "Konstitucionine oiktuz' Venämal"-openduzkursan.

Koli 7. elokud vodel 2021. Om pandud maha Moskvan Vagan'kovon kaumištol (taho 16).

Kanz

Ezmäine ak — Violetta Larina (sünd. vodel 1942) — advokat. Tütär — Irina (sünd. vodel 1971). Om kaks' akpolišt vunukad.

Paindused

Om enamba 100 painusiden avtoran, sen lugus openduzkirjad, abuopenduzkirjad da monografijad, miččiden keskes oma:

• Теоретические проблемы реализации конституционных норм: диссертация … доктора юридических наук. — М., 1993. — 412 с.
• Конституция и общественная практика: (Проблемы реализации). — Саратов: Изд-во Саратовского ун-та, 1989. — 168 с.
• Источники советского государственного права. — Куйбышев, 1976.
• Процессуальные нормы в советском государственном праве. — М., 1976.
• Конституционные нормы и правоотношения. — М., 1996.
• Жалобы граждан в Конституционный Суд РФ (в соавторстве). — М., 1998.
• Конституционное право. Учебник (в соавторстве). — М., 1999.
• Теория государства и права. Учебник. (в соавторстве). — М., 2000.
• Указы Президента РФ (в соавторстве). — М., 2000.
• Конституционное право зарубежных стран. Учебник (в соавторстве). — М., 2001.
• Конституция Российской Федерации. Проблемы реализации. — М., 2002.

Pauklahjad

• Venäman arvostadud tedoradnik (30. sügüz'kud vodel 1999) — arvtegoiš tedorados;
• Venäman arvostadud jurist (15. vilukud vodel 2004) — arvtegoiš oiktuden tugeduses da äivozižes hüväs rados

Homaičendad

Lähtked

• Информация на сайте Конституционного суда Российской Федерации
• Информация на сайте Воронежского государственного университета
• Лучин Виктор Осипович, судья КС РФ
• Некролог на сайте Право.ру