Ladoga-Trofi

Ladoga-Trofi
Tip	festival'[d] da Q4463890?
Augon panijad	Piterin "Off-roud"-kluban
Ezmäine festival'	1997
Sijaduz
Ma	Venäma

"Ladoga-Trofi"-festival' (ven.: Фестиваль «Ладога-Трофи») — rahvahidenkeskeine ekstremaline festival' i trofi-reid, mitte mäneb Venäman Öbokas, päazjas ümbri Ladogan järves. Nece om üks' tetabambišpäi ekstremaližišpäi avtovoibuišpäi mirus da üks' melentartuižembišpäi azjtegoišpäi Venämal.

Festival' ühtenzoitab erazvuiččid ristituid — professionaližid sportmehid, aktivižen lebuaigan navedijoid, kanzoid lapsidenke. Ristitud tuleba, miše ühtneda voibuihe i ozutada sportmastarut, a mugažo tundištadas Priladožjen londusenke, kul'turanke melentartuisijoidenke da kosketadas üks'hengidenke.

Üleižed tedod

Voziš, konz pidetas festival', "Ladoga-Trofi" vajehtihe ekstremaližes avtovoibuišpäi äipoližeks festivalikš, mitte ühtenzoitab ičesaze sportad, turizmad da matkoid. Azjtego pidetas kut professionaližiden sportmehiden, muga turistoiden da avtomatknikoiden täht.

Ühtnikoid jagetas kategorijoihe kactes tehnikaha, vaumištandaha da ühtnendan pätegendaha. Festival' mäneb erazvuiččiš formatoiš: piguz'voibud da matkan mänend turisttegendoidenke.

Istorii

"Ladoga"-trofi-reidan istorii zavodiše vodel 1997, konz Venämal sündui idei tehta ekstremaline avtoazjtego, mitte kožui rahvahidenkeskeižihe "Camel Trophy"-avtovoibuihe. Jo ezmäižil vozil "Ladoga-Trofi" sai rahvahidenkeskeižen aigtegon statusan.

Ezmäšt 15 vot ühtnikoiden keskes päazjas oliba sportmehed, kudambad vägestiba jügedoid mecteid. Aigan mändes voibuihe zavodiba ühtneda tiristad da avtomatkoiden navedijad.

Vodelpäi 2018 festivalihe tuleba ühtnikad, kudambad tahtoiba tundištadas agjan istorijanke, londusenke da kul'turanke. Sil-žo vodel azjtegon nimi vajehtihe — oli "Trfi-reid Ladoga", tegihe "Ladoga-Trofi-festivalikš", nece oli hašk turizman kehitoitandaha.

Avtomobiliden, motokezroiden, kvadrocikloiden da vezdehodoiden ližaks progrrammas ozutihe velokezroiden matkad da treilranningan voibud.

Joukud da kategorijad

Festivalin ühtnikoid jagetas kategorijoihe da joukuihe ottes homaičusehe tehnikad da ühtnendan formatad. Päkategorijoihe mülüba:

• sportavtomobilid;
• vezdehodad;
• kvadraciklad;
• motokezrad;
• seriiavtomobilid;
• velokezrad i toižed ajamiden rodud.

Jagetas ühtnikoid azjtegon pätegendoiden mödhe:

• matkan mänendan aigan mödhe;
• matkan mänend kacmata aigaha;
• ühtnend sportturizmaha;
• avtoturizm.

Azjtegon rahvazkund da kategorijad aigan mändes vajehtihe. Muga, vodel 2019 fesivalil oli 17 kategorijad — professionaližid sportmehid eriližel tehnikal, zavodijad ühtnikad, kudambad matkustaba kanzoidenke.

Matk

Festivalin matk mäneb Piterin agjan da Karjalan sijoidme, Ladogan järven randoidme da ümbrištodme.

Matkan piduz' rippub kategorijaspäi i voib olda 1200—2500 kilometrad. Festivalin reglamentaha mülüba taričendad, miččed om oigetud londusen ümbrišton da agjan ekosisteman kaičendaha.

Pit'kän aigan festivalin päpala oli praznikavaiduz Piterin Isaakijan avoirdal. COVID-19-pandemijan aigan (2020—2021) nece tradicii heittihe.

Sädajad

Trofi-reidan augonpanijad oliba Piterin "Off-roud-kluban" sädajad:

• Jurii Ovččinnokov;
• Anatolii Molčanov;
• Aleksandr Der'ugin.

Möhemba sädajihe ühtenzoitihe Dmitrii Ovčinnikov. Vozil 2010—2020 ezmäižed festivalin sädajad jätiba projektan.

Voden 2022 lopuspäi festivalid ohjandab Andrei Buštarenko — Venäman trofi-reidoiden čempion i avtomatknik, vodelpäi 2004 ühtni "Ladoga-Trofi"-festivalihe i vodelpäi 2015 tarkišteli turizmad.

"Ladoga-Trofi" om znamasine aigtego ekstremaližen sportan da avtoturizman alovehes Venämal. Festival' abutab kehitoitta turizmad, popul'arizoitab aktivišt lebuaigad i kingitab homaičust Priladožjen londuz- da kul'turjäl'gestusehe.

Galerei

Ladoga Trofi 2025

• 
• 
• 

Homaičendad

Lähtked

• Официальный сайт соревнования
• Фотографии с проведённых мероприятий