L'ovkin Ivan Ivanovič

Рувики-späi

Venäman tedoakademijan azjtarkištuz

Logo-ran.png
Om tehtud
Venäman tedoakademijan azjtarkištuz
Подробнее
Aprove.svg

Venäman tedoakademijan azjtarkištuz

Arrow-Right.png
Logo-ran.png
Om tehtud
Venäman tedoakademijan azjtarkištuz
Venäman tedoakademii
Kodvdud kirjutez
В Рувики есть статьи о других людях с фамилией L'ovkin.
Ivan Ivanovič L'ovkin
Ivan L'ovkin.jpg
Sündundpäiv

1903(1903-04-20)

Sündundsija

Munozero-külä, Petroskoin ujezd, Oloncan gubernii, Venäman imperii

Kolendpäiv

1974(1974-06-21) (71 vot)

Kolendsija

Spasskaja Guba, Karjalan ASSR, RSFSR, SSSR

Rahvahuz'

 Venäman imperii
 SSSR

Rad

runoilii, muzikan kirjutai

Pauklahjad da premijad
«Arvostusen znam» orden
Honored Cultural Worker of the RSFSR.jpg
This box: diskussii • redaktiruida

Ivan Ivanovič L'ovkin (1903, Munozero-külä, Petroskoin ujezd, Oloncan gubernii, Venäman imperii - kol. 1974, Spasskaja Guba, Karjalan ASSR, RSFSR, SSSR) — sovetskii karjalaine muzikantegii, runoilii, Karjalaiž-Suomalaižen SSRan arvostadud artist (1949), RSFSRan arvostadud kul'turradnik (1968). Kirjuti enamba 70 pajod karjalan kelel[1].

Elostarin

Oli sündunu maorjan kanzas, kus oli äi lapsid, karjalaine. konz lopi cerkovno-prihodskijan školan Spasskaja Guba-küläs, oli batrakon.

Vozil 1925—1927 oldes Rad-Maorjan Rusttas Armijas, služi Karjalan jegeriden bataljonas. Vozil 1927—1929 — radnik Onegzavodal.

Vozil 1929—1931 openzihe Leningradan karjalaižes dramatižes tehnikumas. Vozil 1931—1935 agitacionnijan taidehgruppan pämez' Avtonomižen Karjalan SSRan openduzkomissariatas.

I. I. L'ovkin — surembiden horoiden tegii da ohjandai Karjalas. Vodel 1936 kerazi Petrovskijad rahvahan horad, ezmäižen rahvahaližen horan Karjalas. Hän oli horan pämehen vodhesai 1953. Horan repertuaras oliba rahvahaližed pajod, miččid Ivan Ivanovič kuli laps'aigas, mugažo pajod, miččid hän kerazi da kirjuti suren da tärktan radon aigan. Möhemba repertuaraha tuliba avtoroiden pajod, miččid hän kirjuti iče[2].

Vodel 1938 Ivan Ivanovič oli oigetud Vedlozero-küläha rajonan festivalin tegemižen täht, no hänele sanutihe, miše küläs ei ole nimittušt kul'turradod. Tuldes sijale, hän pakiči tundištoitta händast miččenke-se akan-pajanikanke. Ivan Ivanovič johtuti, miše "ak-pajanik" küzui vahvas hänel: "Oled-ik sinä partijan mez' vai ed?" i konz kulišti, miše hän om partijan mez', pakiči händast ozutada partijan biletad. Konz bilet oli ozutadud, "ak-pajanik" sanui: "Naku nügüd' om toine azj. Ište, joškandem čajud, a sid' radaškandem". toižel päiväl külälaine kul'turpert' oli täuz' rahvast, ked tahtoiba pajatada horas. Kaikes kerazihe 130 mest. Jäl'ghe äikerdaižid repeticijoid koumes päiväs päliči mäni festival', miččel ezmäižen kerdan pajati Vedlozeron rahvahan hor[2].

Suren Kodiman voinan ühtnik, služi meripehotbrigadas, oli ranitud, demobilizoitud vodel 1945.

Vodel 1950 I. I. L'ovkin tegi Venälaižen pajon hor Sv'atozero-küläs, vodel 1978 hor tegihe rahvahaližeks. hor ei üht kerdad ühtni Venäman konkursoihe, kus oli pauklahjoitud diplomoil professionaližes pajatamižes[2].

Vozil 1945—1963 — tehtud horoiden pämez'.

Vodelpäi 1963 — personaline pensioner.

Sädandrad

Ivan L'ovkin kirjuti enamba 70 pajod. Niiden keskes oma pajod, miččed om kätud venän kelespäi karjalan kel'he, mugažo tehtud karjalaižed pajod, lühüdad pajoižed da runod, äjad miččišpäi tegihe rahvahaližikš[3]. I. I. L'ovkinan pajod oma Karjalan tetabiden muzikaližiden pajosebroiden repertuaras: "Kantele"-ansambl', karjalaine Oma pajo-hor, "Myllärit"-folk-rok-grupp da toižed.

I. I. L'ovkin kirjuti pajoid da pani niiden pohjaze karjalaiž-lüdilaižid muzikaližid erigoičusid. I. I. L'ovkinan pajoiden keskes, miččed jo amu tegihe rahvahaližikš, oma mugoižed kut: karj.: "Ongo kaunis Karjala" (ven.: "Хороша Карелия"), karj.: "Kuldaizen kel istuimmo" (ven.: С милым сидели"), karj.: "Ruispeldo" (ven.: "Ржаное поле"), karj.: "Gul'aiсin min" (ven.: "Гуляла я"), karj.: "Kazvatti mami minun" (ven.: "Растила меня мать"), karj.: "Petroskoi" (ven.: "Петрозаводск"[4]) da toižed[5].

Pauklahjad

  • "Arvostusen znam"-orden (29. redukud vodel 1951) — hüväs rados karjalaiž-suomalaižen sovetskijan taidehen kehitoitandas da Karjalaiž-Suomalaižen muzikan da kargun nedalin taguiči Moskva-lidnas[6].
  • RSFSRan arvostadud kul'turradnik (29. semendkud vodel 1968) — hüväs rados ičetegendan taidehen kehitoitandas[7].
  • Karjalaiž-Suomalaižen SSRan arvostadud artist (1949).

Homaičendad

  1. ↑ ГУ "Национальный архив РК". К 120-летию Ивана Ивановича Левкина (неопр.). www.rkna.ru. Дата обращения: 17 keväz'kud 2025.
  2. ↑ 1 2 3 ГУ "Национальный архив РК". К 120-летию Ивана Ивановича Левкина (неопр.). www.rkna.ru. Дата обращения: 17 keväz'kud 2025.
  3. ↑ 120-летие карельского музыканта Ивана Лёвкина отметили в Спасской Губе. smotrim.ru (25 sulakud 2023). Дата обращения: 17 keväz'kud 2025.
  4. ↑ Песня «Petroskoi» («Петрозаводск») в исполнении группы «[[Myllärit]]». Дата обращения: 2 redukud 2017. Архивировано 17 kül'mkud 2019 года.
  5. ↑ И.И. Лёвкин – создатель современной «народной» лирической песни карелов-людиков (неопр.). taju.ru. Дата обращения: 17 keväz'kud 2025.
  6. ↑ Указ Президиума Верховного Совета СССР от 29 октября 1951 года «О награждении орденами и медалями работников искусств Карело-Финской ССР»
  7. ↑ Указ Президиума Верховного Совета РСФСР от 29 мая 1968 года «О присвоении почётного звания заслуженного работника культуры РСФСР Левкину И. И.»

Literatur

  • М. И. Гаврилов К 60-летию основателя Петровского народного хора И. И. Лёвкина. — Петрозаводск, 1963
  • Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 159—464 с.: ил., карт. ISBN 978-5-8430-0125-4 (т. 2)

Tarkendused

Om sadud "https://vep.ruwiki.ru/w/index.php?title=L%27ovkin_Ivan_Ivanovič&oldid=304321"