Krivii Roh
| Krivii Roh | |||||
|---|---|---|---|---|---|
| ukr.: Кривий Ріг | |||||
 | |||||
|
|||||
| 47°54′31″ с. ш. 33°20′36″ в. д.GЯO | |||||
| Valdkund | |||||
| Глава | Yurii Vilkul[d] | ||||
| Istorii da geografii | |||||
| Tegemižen päiv | 27 sulakud (8. semendkud) 1775 | ||||
| Pind |
|
||||
| Высота | 84 ± 1 | ||||
| Aigvö | UTC+2:00[d], летом UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 056 da 0564 | ||||
| Počtan indeksad | 50000–50479 | ||||
| Avtomašinoiden nomeroiden kod | AE da КЕ / 04 | ||||
 Mediafailad RUWIKI-tedoiš | |||||
![Флаг[d]](/wiki/Fail:Banner_of_Kryvyi_Rih.svg)
![Герб[d]](/wiki/Fail:Coat_of_Arms_of_Kryvyi_Rih.svg)
Krivii Roh vai Krivii Rih (ukr.: Криви́й Ріг [krɪˈʋɪi̯ rʲiɦ], ven.: Криво́й Рог) om Ukrainan kahesanz' lidn eläjiden lugun mödhe. Mülüb Dnepropetrovskan agjha, sen kahtenz' lidn eläjiden lugun mödhe. Se om Krivii Rohan rajonan keskuz mugažo i om sen palaks vn 2020 heinkuspäi.
Istorii
Eländpunktan aluz om pandud kozakištol vl 1775. Se sai lidnan statusad vl 1919.
Krivii Roh šingotase raudan metallurgijan tegimel («ArselorMittal Krivii Rih»), raudkivendon da toižiden metalloiden kivendoiden samižel.
Geografijan andmused
1. Ternovskii rajon
2. Pokrovskii rajon
3. Saksaganin rajon
4. Keskuzliž-Lidnalaine rajon
5. Dolgincevskii rajon
6. Metallurgine rajon
7. Ingulecan rajon
Lidn sijadase agjan suvipäivlaskmas, Saksagan'-jogen lanktendan randoil Ingulecha huralpäi (ukr.: Інгулець / Малий Інгул, Dnepr-jogen oiged ližajogi), 84 m ü.m.t. keskmäižel korktusel. Üks' kaikiš pidembiš Evropan lidnoišpäi, 66 km pitte. Matkad agjan Dnipro-keskushesai om 137 km päivnouzmha-pohjoižpäivnouzmha orhal, 146 km avtol vai 168 km raudtel, Kijev-pälidnhasai om 428 km lodeheze avtotedme vai 448 km raudtedme.
Krivii Roh jagase seičemeks lidnrajonaks.
Eläjad
Vn 2001 rahvahanlugemižen mödhe eläjiden lugu oli 668 980 ristitud, vl 2010 — 670 397 ristitud. Kaikiš suremb ristitišt oli 713 059 eläjad vl 1989. Läz 1 mln ristituid (2010) elädas Krivii Rohan aglomeracijas 7470 km² pindal.
Rahvahad (enamba 0,4% vl 2001): ukrainalaižed — 79,1%, venänikad — 17,7%, vaugedvenälaižed — 0,9%, toižed rahvahad — 2,3%. Mamankel' (2001): ukrainan kel' — 71,4%, venäkel' — 27,2%, toine kel' — 1,4%.
Edeline lidnan pämez' om Jurii Vilkul (Юрій Вілкул, kül'mku 2010 — tal'vku 2020).
Transport
Avtobusad, trolleibusad, tramvaid, kiruhtramvai (vspäi 1986, 18 km, 11 stancijad), ezilidnelektrojonused i taksid oma kundaližeks transportaks lidnas. Krivii Roh-Päine päraudtestancii, 10 tošt raudtestancijad.
Rahvahidenkeskeine civiline Krivii Roh-lendimport[1] (KWG / UKDR, 21,3 tuh. passažiroid vl 2019) sijadase 20 km lodeheze lidnaspäi. Tehtas čarterreisid Lähižen Päivnouzmman lebutahoiže.