Bogdanova Jelena Viktorovna

Рувики-späi
Jelena Viktorovna Bogdanova
Елена Богданова.jpg
Sündundpäiv 23. heinkud 1973(1973-07-23) (53 года)
Sündundsija
Rahvahuz' Sovetskii SojuzSovetskii Sojuz SSSR→VenämaVenäma Venäma
Rad "Kiži" muzei-kaičuztahon pämez'
Pauklahjad da premijad

Орден «За заслуги в культуре и искусстве»

Jelena Viktorovna Bogdanova (ven.: Еле́на Ви́кторовна Богда́нова, om sündunu 23. heinkud 1973, Sured Mäged[d], Karjalan ASSR[d]) om "Kiži" muzei-kaičuztahon pämez', Venäman prezidentaks kandidatan, todesižen prezidentan Vladimir Putinan voden 2024 valičendoil täuz'valdaline ezitai[1]. Kul'turan da taidehen nevondišton Venäman prezidentanno ühtnik (vodelpäi 2024)[2].

Elostarin

Jelena Bogdanova om sündunu 23. heinkud vodel 1973 Oloncan rajonan Sured Mäged-küläs Karjalas. Om karjalaine[3].

Vodel 1995 lopi Petroskoin valdkundaližen universitetan "Filologii. Karjalan da suomen kelen opendai. Kändai" special'nostin mödhe[3].

Vodel 2000 lopi Petroskoin valdkundaližen universitetan aspiranturan, sai filologian tedokandidat-stepenin' da docent-tedonimen[3].Polesti dissertacijan "Refleksivine kändluz karjalan kelen paginoiš" teman mödhe[4].

Rad

Vozil 1995—2007 radoi opendajan Petroskoin valdkundaližes universitetas[5].

Vozil 2007—2010 oli Karjalan rahvahaližen politikan ministran varapämehen[3].

Sügüz'kuspäi vodelpäi 2010 oli Karjalan kul'turan ministran. Sidä aigal aktivišti radoi, miše kehitoitta Karjalan turizmad, ohjanzi Karjalas Venäman voinistoriližen sebran (ven.) (vep.. Tegi valdkundaližen ministerstvan pohjal regionkeskeižen da maröunaižen kul'turan ühthižvenälaižen metodikkeskusen, miše kehitoitta Venäman regionoiden ühthižtöd verhiden maidenke[5].

Venäman regionoiden kul'turministrad valitihe Jelena Bogdanovad Öbokan federaližen ümbruzkundan kul'turan Nevondišton ohjandajaks, ühthižvenälaižen Koordinacionnižen kul'turnevondišton prezidiuman ühtnikaks, änestiba mülütada hänen kandidaturad Venäman kul'turministerstvan ülämbaižehe azjmehištoho — Kollegijaha[5].

Redukus vodel 2015 om pandud "Kiži" muzei-kaičuztahon pämeheks Venäman kul'turministran Vladimir Medinskijan käskon mödhe[6].

Vilukus vodel 2024 mülüi Venäman prezidentaks kandidatan Vladimir Putinan täuz'valdaližiden ezitajiden joukuhu.

Venäman prezidentaks kandidatan Vladimir Putian täuz'valdaližen ezitajan sijal Jelena Bogdanova vastase Eriližen voinoperacijan ühtnikoiden heimalaižidenke da läheližidenke, otab homaičusehe küzundoid da taričendoid eriližen voinoperacijan ühtnikoiden da heiden kanzoin tugeduses[7].

Redukus vodel 2024 mülüi Venäman kul'turan da taidehen nevondištoho prezidentanno[8][9].

Kiži-muzejan pämez'

Vodelpäi 2015 J. V. Bogdanova om Kiži-muzei-kaičuztahon pämez'. Hänen ohjandusel muzei todenzoitab eloho erazvuiččed projektad. Nece om objektoiden endištuz, ozutelusiden sädand, turistkompleksan kehitoituz.

Üks' niišpäi om Preobraženijan jumalanpertin endištuz, mitte lopihe vodel 2020. Praznikavaidusel Ol'ga L'ubimova lahjoiči Jelena Bogdanovale Venäman prezidentan Vladimir Putinan kitändkirjeižen[10].

Preobraženijan jumalanpertin "taivhan", Anikinoiden pertin, Pokrova Bogoridici jumalanpertin endištuz[11].

Muzejas mäneb rad miše todenzoitta eloho "Änižröunan vepsläižed"-ozutelusen projekt[12].

Jelena Bogdanovan mel’vehen mödhe planuičese avaita Piteriš Kiži-muzejan erišton, miše tundištoitta Piterin eläjid da adivoid Änižtagaižen turistižen vägenke. Uz’ erišt avaidase istoriližes pertiš Teatraližel avoirdal Piteriš[13].

Om saudud "Änižtaga"-turistkompleksan Kažma-küläs da uden turistmatkan vaumičend, mitte ühtenzoitab Kiži-saren Änižen petroglifoidenke[14].

Pauklahjad

  • Orden "Arvtegoiš kul'turas da taidehes" — sures panendas kodiman kul'turan da taidehen kehitotusehe, äivozižes hüväs rados[15].

Homaičendad

  1. ↑ Сведения о доверенных лицах кандидата на должность Президента Российской Федерации: Путин Владимир Владимирович (20 vilukud 2024). Дата обращения: 14 uhokud 2026.
  2. ↑ Указ Президента Российской Федерации от 15.10.2024 г. № 889. Дата обращения: 14 uhokud 2026.
  3. ↑ 1 2 3 4 Богданова Елена Викторовна. https://karelnovosti.ru/. Информационное агентство «КарелНовости» (30 sulakud 2017). Дата обращения: 3 uhokud 2026.
  4. ↑ Возвратное спряжение в диалектах карельского языка. ru. Дата обращения: 14 uhokud 2026.
  5. ↑ 1 2 3 Елена Богданова назначена директором музея-заповедника "Кижи". https://culture.gov.ru/. Министерство культуры Российской Федерации (6 redukud 2017). Дата обращения: 3 uhokud 2026. Архивировано 14 sulakud 2024 года.
  6. ↑ Директором музея «Кижи» стала Елена Богданова. https://kizhi.karelia.ru/. Музей Кижи (21 redukud 2015). Дата обращения: 3 uhokud 2026. Архивировано 10 kezakud 2023 года.
  7. ↑ Елена Богданова встретилась с родными и близкими бойцов СВО в Карелии. Столица на Онего - новости Петрозаводска и Карелии (9 uhokud 2024). Дата обращения: 3 uhokud 2026.
  8. ↑ Путин обновил состав Совета по культуре и искусству. interfax.ru. Дата обращения: 3 uhokud 2026.
  9. ↑ Директор музея «Кижи» Елена Богданова вошла в состав Президентского совета по культуре. kizhi.karelia.ru. Дата обращения: 3 uhokud 2026. Архивировано 4 kül'mkud 2024 года.
  10. ↑ Открытая Преображенка: главная церковь острова Кижи доступна туристам впервые за 40 лет. ИА "Республика". Дата обращения: 15 uhokud 2026. Архивировано 7 tal'vkud 2024 года.
  11. ↑ В Кижах восстановят «небо» Преображенской церкви. Дата обращения: 15 uhokud 2026.
  12. ↑ Новый комплекс экспозиций «Прионежские вепсы» появится на острове Кижи. Дата обращения: 15 uhokud 2026.
  13. ↑ Концепция Музея «Путешествие на остров Кижи». Дата обращения: 15 uhokud 2026.
  14. ↑ По дороге к музею-заповеднику «Кижи» построили круглогодичный гостиничный комплекс. Дата обращения: 15 uhokud 2026.
  15. ↑ Директору музея Кижи вручили государственную награду. karelia.news (25 sulakud 2024). Дата обращения: 3 uhokud 2026.

Lähtked

Om sadud "https://vep.ruwiki.ru/w/index.php?title=Bogdanova_Jelena_Viktorovna&oldid=528541"