Arsk

Arsk
Arsk
Флаг	Герб
	56°05′26″ с. ш. 49°52′35″ в. д.GЯO
Valdkund	Venäma;
Istorii da geografii
Tegemižen päiv	XIII век
Высота	100
Aigvö	UTC+3[d]
Eläjad
Eläjad	▼20 106 чел. (2023);
Lugud
Telefonan kod	84366
Počtan indeksad	422000 da 422002
	Mediafailad RUWIKI-tedoiš

Arsk (tot.: Арча / Arça, ven.: Арск) om Venäman lidn Tatarstanan Tazovaldkundan lodehes. Se om Arskan rajonan i lidnankundan administrativine keskuz.

Istorii

Eländpunkt mainitase 13. voz'sadaspäi kuti Kazanin hankundan pohjoine Arč-kaičendlidnuz. Vspäi 1606 kätihe Venäman palaks. Vozil 1781−1926 oli Kazanin gubernijan makundan lidnaks. Vl 1926 Arsk kadoti lidnan statusad, panihe küläks. Vozil 1938−2008 oli lidnanvuiččeks žiloks, sid' om sanu lidnan statusad tošti.

Arskan ižandusen päsarakod oma sauvondmaterialiden pästand (savič, asfal't) i sömtegimišt (maidtegim, trahmalantegim, kartohkan kuivadamižtegim). Koume znamasišt muzejad ratas lidnas: totaran kirjankelen Gabdulla Tukai-sädajan, «Elifba» (totaran abekirjan), istoriž-etnografine.

Geografijan andmused

Lidn sijadase Kazank-jogen randal (tot.: Казансу/Qazansu, Volgan hurapol'ne bassein), 97 m ü.m.t. keskmäižel korktusel. Matkad Kazanihesai om 65 km suvipäivlaskmha. Arsk-raudtestancii om olmas «Kazan' — Jekaterinburg»-jonol.

Koume küläd mülüdas lidnankundha Arskan ližaks.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 18 114 ristitud, lidnankundan — 20 598 ristitud, rajonan eläjiden kaks' videndest. Kaikiš suremb lidnan ristitišt om nügüd'. Vl 2017 kaik 20 419 ristitud elihe lidnas i 23 107 ristitud kaikes lidnankundas.

Rahvahad (vn 2002 rahvahanlugemine): totarlaižed — 88,2%, venälaižed — 10,7%, toižed rahvahad — 1,1%.

Islaman koume mečetid oma olmas: Keskuzline pämečet', «Көнбатыш» («päivlaskm» totaran kelespäi) i Päivnouzmaine. Ortodoksižen hristanuskondan kaks' jumalanpertid^[2] oma kaičenus: Jumalanmaman Katken (om avaitud, letihe vll 1865−1882) i Jumalannägundan (om saudud vll 1869−1873, ei ole väges).

Arskan gumanitariž-tehnine tehnikum^[3] i Arskan pedagogine kolledž^[4] oma lidnan profopendusen aluzkundoikš.

Galerei

Дом Советов в Арске.jpg

Lidnan da rajonan tobmuden sauvuz (2019)
Церковь Покровская в Арске.jpg

Jumalanmaman Katken jumalanpert', vn 2019 nägu
RIAN archive 404296 Mintimer and Airat Shaimiyev at the Arsk Asphalt Concrete Plant during the launch of new asphalt mixers.jpg

Asfal'tbetontegim vl 2009
Арча, мәдәният йорты.jpg

Kul'turkeskuz (2014)
Arsk-päraudtestancijan sauvuz vl 2011

Homaičendad

Irdkosketused

Municipaližen «Arsk-lidn»-ühtnikan da Arskan rajonan oficialine sait (arsk.tatarstan.ru) Tatarstanan Tazovaldkundan tobmuden portalal. (ven.) (tot.)

Šablon:Tatarstanan Tazovaldkundan lidnad

[_ffc0ebc4237a74a3-1] ttps://rosstat.gov.ru/storage/mediabank/Bul_MO_2023.xlsx

[2] Arskan pühäpertid sobory.ru-saital. (ven.)

[3] Arskan gumanitariž-tehnižen tehnikuman sait (arsk-teh.ru). (ven.)

[4] Arskan pedagogine kolledž edu.tatar.ru-saital. (ven.) (tot.)

[1]

[2]

[3]

[4]