Agriz

Agriz
Agriz
	tot.: Әгерҗе
	Герб
	56°31′00″ с. ш. 52°59′00″ в. д.GЯO
Valdkund	Venäma;
Istorii da geografii
Tegemižen päiv	1646
Pind	8,6;
Высота	90
Aigvö	UTC+3[d]
Eläjad
Eläjad	▼19 860 чел. (2023);
Lugud
Telefonan kod	85551
Počtan indeksad	422230
	Mediafailad RUWIKI-tedoiš

Agriz (tot.: Әгерҗе / Ägerce, ven.: Агры́з, mugažo nitmarin kelel, udm.: Огырчи) om Venäman lidn da lidnankund Tatarstanan Tazovaldkundan pohjoižpäivnouzmas. Se om Agrizan rajonan administrativine keskuz (vspäi 1927).

Istorii

Eländpunkt mainitase ezmäižen kerdan vl 1646. Kätihe radnikžiloks vl 1928. Žilo sai lidnan statusad vl 1938.

Agrizan ižandusen sarakod oma sömtegimišt (kaks' leibänkombinatad, maidkombinat), sauvondmaterialiden pästand, mecan ümbriradmine, mugažo raudtedepo om olmas lidnas.

Geografijan andmused

Lidn sijadase penen Agrizk-jogen (tot.: Әгерҗе, udm.: Огырчи, Iž-jogen oiged ližajogi, Kaman i Volgan bassein) randal, 90 m ü.m.t. keskmäižel korktusel, ani Udmurtijan röunal. Matkad Kazanihesai om 330 km päivlaskmha, Iževskhasai — 36 km pohjoižhe. Agriz-raudtestancii om olmas vspäi 1919, «Iževsk — Jarčalli»- i «Kazan' — Jekaterinburg»-raudtejonod ristikoittas lidnas.

Agriz om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 19 300 ristitud. Kaikiš suremb ristitišt oli 20 270 eläjad vl 1959, sil aigalpäi vajehtase 18..20 tuh. ristituid röunoiš.

Rahvahad (ozutadud rahvahudenke vl 2010): totarlaižed — 59%, venälaižed — 25%, marilaižed — 8%, udmurtalaižed — 6%, toižed rahvahad — 2%.

Islaman kaks' mečetid oma saudud: «Hasan» i «Nur». Ortodoksižen hristanuskondan kaks' jumalanpertid^[2] oma olmas: ph. Sergii Radonežalaižen jumalanpert' (om letud vll 2005−2008) i Sündun Eläbzdusen loičendpert' (1995, om sauptud jumalanpertin sauvondan jäl'ghe).

Nižnekamskan agrariž-tegimištoližen kolledžan filial nomer kaks'^[3] om professionaližen opendusen aluzkundaks.

Galerei

Водонапорная башня в Агрызе. 02.jpg

Vezičuhunduz Vokzal'nai-irdal (2020)
Памятник красноармейцам в Агрызе. 01.jpg

Rusttan Armijan 106 sodamehen velleskaum Vokzal'nai-irdal, vn 2020 nägu
Локомотивное депо Агрыза.jpg

Vedimdepo vl 2020
Raudtestancijan ühthine nägu (2011)
Agriz-päraudtestancijan sauvuz vl 2011

Homaičendad

Irdkosketused

Lidnan da Agrizan rajonan oficialine sait Tatarstanan Tazovaldkundan tobmuden portalal (agryz.tatarstan.ru). (ven.) (tot.)

Šablon:Tatarstanan Tazovaldkundan lidnad

[_ffc0ebc4237a74a3-1] ttps://rosstat.gov.ru/storage/mediabank/Bul_MO_2023.xlsx

[2] Agrizan pühäpertid sobory.ru-saital. (ven.)

[3] Nižnekamskan agrariž-tegimištoližen kolledžan filial Agriz-lidnas edu.tatar.ru-saital. (ven.)

[1]

[2]

[3]