Šoutarven vepsän küläkund
.svg)
Šoutarven vepsän küläkund (ven.: Шелтозерское вепсское сельское поселение) om municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Šoutjärv'-žilo.
Küläkund om sätud Vepsän rahvahaližen volostin tühjitusen jäl'ghe vl 2005.
Pämez' — Irina Safonova vn 2011 tal'vkuspäi[1], radab kahtenden strokun jäl'geten.[2]
Geografijan andmused
Küläkund sijadase rajonan suvipäivnouzmas, röunatab Leningradan agjanke suves. «Petroskoi — Šušt»-avtote läbitab küläkundad. Änižen päivlaskmaižen randan pala om pohjoižpäivnouzmas.
Eländpunktad
Kaik kuz' eländpunktad sijadasoiš küläkundan territorijal, sidä kesken üks' žilo i viž küläd:
- Išan'-külä
- Matfejansel'g-külä
- Mecantaga-külä
- Mägikülä
- Šoutjärv'-žilo (administrativine keskuz)
- Vehkoi-külä
Eläjad
Vn 2010 kaiken Venäman rahvahanlugemižen mödhe küläkundan eläjiden lugu oli 980 ristitud. Vl 2018 sen ristitišt oli 882 eläjad.[3]
Homaičendad
- ↑ 4. tal'vku 2011: Šoutarven vepsän küläkundan pämehen edelstrokuižed valičendad, andmused kandidatoiš. — Karel.vybory.izbirkom.ru. (ven.)
- ↑ 6. tal'vku 2015: Šoutarven vepsän küläkundan pämehen toštmižvaličendad, andmused kandidatoiš. — Karel.vybory.izbirkom.ru. (ven.)
- ↑ Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)
Irdkosketused
- Šoutjärven vepsän küläkundan sait (sheltozero.ru). (ven.)
- Küläkund Änižröunan rajonan tobmuden prionego.ru-saital. (ven.)
Änižröunan municipaližed eländtahod | |||
|---|---|---|---|
 |
| .jpg) | |
