Šagonar

Šagonar
51°32′00″ с. ш. 92°54′00″ в. д.
Valdkund	Venäma
Istorii da geografii
Tegemižen päiv	1888
Pind	59
Высота	560
Eläjad
Eläjad	▲11 772 чел. (2021)
Lugud
Telefonan kod	39436
Počtan indeksad	668210
Mediafailad RUWIKI-tedoiš

Šagonar (ven.: Шагонар, tuv.: Шагаан-Арыг) om Venäman lidn da lidnankund Tuvan Tazovaldkundan keskuzpalan päivlaskmas. Se om Ulug-Heman kožuunan administrativine keskuz.

Istorii

Eländpunktan aluz om pandud vl 1888 (nüg. Vanh Šagonar). Se sai lidnan statusad vl 1945 Tuvan mülütamižen jäl'ghe NSTÜ:he. Šagonar oli sirtud 7 kilometraks Sajanan-Šušenskojen vezivaradimen täutmižen tagut vspäi 1975.

Šagonar šingotase sauvondmaterialiden pästandan (savič, šlakblokad, mecanpilind) i sömtegimišton penil edheotandoil. Om živatvodindan rajonan keskuseks.

Geografijan andmused

Lidn sijadase Jenisein hural randal (Ülembaine Jenisei, tuv.: Улуг-Хем), 560 m ü.m.t. keskmäižel korktusel. Matkad Kizilhasai om 105 km päivnouzmha orhal vai 115 km avtotedme. Toine lähembaine lidn om Čadan 97 km päivlaskmha orhal vai 112 km avtol.

Šagonar om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 10 956 ristitud. Kaikiš suremb ristitišt oli 11 386 eläjad vl 2009.

Rahvahad (enamba 0,6% vn 2002 Venäman rahvahanlugemižen mödhe): tuvalaižed — 81,9%, venälaižed — 15,1%, komilaižed — 0,8%, hakaslaižed — 0,6%, toižed rahvahad da rahvahuden ozutandata — 1,6%. Uskojad oma buddizman, lamaizman da paganusen (šamanizm) polestajad tobjimalaz.

Galerei

• 

  Znam lidnan röunal (2014)

• Заправка.jpg

  Benzintäutim läz lidnad vl 2016

Irdkosketused

• Lidnan tobmuden aluzkundoiden oficialine sait (shagonar17.ru). (ven.)