Čudovo

	Čudovo
	Герб
	59°07′41″ с. ш. 31°39′33″ в. д.GЯO
Valdkund	Venäma;
Istorii da geografii
Pind	14;
Высота	30
Aigvö	UTC+3:00[d]
Ekonomik
Eläjad
Eläjad	▲14 302 чел. (2021);
Lugud
Telefonan kod	81665
Počtan indeksad	174210 и 174211
-
	Официальный сайт
	lugeda • diskussii • redaktiruida

Čudovo (Čudovon rajonan administrativine keskuz.

Istorii

Čudovo-eländpunktad mainitasoiš ezmäižen kerdan Uz'lidnan Vodin pätinan aigkirjas vl 1539 kuti Čudovo Kerestil- (ven.: Чудово на Керести) i Čudovskai Luk- (ven.: Чудовская Лука) küläd. Kätihe Jam-Čudovo:ks «Piter — Moskv»-počtraktal, se läbiti Uz'lidnad. Vll 1849−1851 saudihe «Moskv — Piter»-raudted, i Čudovo šingotaškanzihe raudtežiloks. Vl 1871 raudte ühtenzoiti sidä Uz'lidnanke. Vl 1923 kätihe lidnanvuiččeks žiloks, vn 1937 20. päiväl kezakud anttihe lidnan statusad.

Suren sodan aigan lidn oli okkupiruidud nacistižen Germanijan sodavägil (20. eloku 1941 — 29. viluku 1944).

Čudovo šingotase energetižen mašinansauvomižen tegimel^{faner, špon, mineraline lämuzizoläcii, raudtebetonšpalad, metallkonstrukcijad), järedal konditerfabrikal i virifabrikal, mugažo cementan tegim om sauvomas.}

Geografijan andmused

Lidn sijadase Kerest'-jogen hural randal tobjimalaz (Leningradan agjahasai om 12 km lodeheze, Surhe Uz'lidnhasai om 70 km suvhe kaikil teil, Moskvhasai — 532 km suvipäivnouzmha. Lähembaižed lidnad oma Leningradan agjan Lüban' 30 km lodeheze avtotedme vai raudtedme i Kiriši 42 km pohjoižpäivnouzmha orhal, raudtel vai 57 km avtol.

Lidn om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 15 397 ristitud, rajonan seičeme kümnendest. Kaik 14 730 eläjad oli lidnas vl 2017. Kaikiš suremb ristitišt oli 17..18 tuh. eläjid vll 1989−2005 (18 100 rist. vll 1992−1996).

Ortodoksižen hristanuskondan Jumalanmaman Kazanin jumalaižen jumalanpert'^[3] om avaitud, letihe vll 1904−1906.

Čudovon tehnikum^[4] om lidnan professionaližen opendusen aluzkundaks.

Galerei

Kerest'-jogi lidnas
Казанская богородица. Алтарная часть..JPG

Jumalanmaman Kazanin jumalaižen pühäpert', vn 2013 nägu
«Cadbury»-kompanijan konditerine fabrik vl 2005
Nikolai Nekrasov-runokirjutajan muzei (2010, radab vspäi 1971)
Lidnan päraudtestancii vl 2010
(Čudovo-Moskovskoje-stancii)

Homaičendad

Irdkosketused

Čudovo Vikiaitas

	Uz'lidnan agjan lidnad
	Sur' Uz'lidn \| Valdai \| Vanh Russ

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Energetižen mašinansauvomižen «Energomaš»-tegimen sait (energomach.com). (ven.)

[3] Čudovon pühäpertid sobory.ru-saital. (ven.)

[4] Čudovon tehnikuman sait (npopu2.ru). (ven.)

[1]

[3]

[4]