Čistopol'

Čistopol'
Čistopol'
Флаг	Герб
	55°22′00″ с. ш. 50°38′00″ в. д.GЯO
Valdkund	Venäma;
Istorii da geografii
Tegemižen päiv	XVIII век
Pind	19,24;
Высота	100
Aigvö	UTC+3[d]
Eläjad
Eläjad	▼58 368 чел. (2023);
Lugud
Telefonan kod	84342
Počtan indeksad	422980
	Официальный сайт(ven.)(tot.)
	Mediafailad RUWIKI-tedoiš

Čistopol' (tot.: Чистай / Çistay, ven.: Чи́стополь) om Venäman lidn Tatarstanan Tazovaldkundan keskuses. Om Čistopolin rajonan administrativine keskuz, vspäi 2011 mülüb rajonha lidnankundaks.

Istorii

Eländpunktan aluz om pandud 17-18. voz'sadal kuti Čistoje Pole-külä. Se sai makundan lidnan statusad vl 1781 udenke nügüdläiženke nimenke.

Čistopolin ižandusen päsarakod oma sömtegimišt (maidkombinat) da omblendtegimišt, mugažo časuidentegim i laivoiden kohendusen tegim, avtomašiništon edheotandad oma olmas.

Geografijan andmused

Lidn sijadase Kamanjogen hural randal (Kuibiševan vezivaradim), 100 m keskmäižel korktusel valdmeren pindan päl. Matkad Kazanihesai om 103 km lodeheze orhal vai 130 km avtotedme. Lähembaižed lidnad oma Mamadiš 60 km pohjožpäivnouzmha orhal vai 220 km avtotedme, Nižnekamsk 105 km pohjožpäivnouzmha avtotedme i Laiševo 85 km päivlaskmha avtotedme.

Klimat om ven kontinentaline. Voden keskmäine lämuz om +4,1 C°.

Čistopol' om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 60 755 ristitud, se om rajonan ristitišton koume nelländest. Kaikiš suremb lidnan ristitišt oli 67 500 eläjad vl 1996.

Rahvahad (enamba 1% vn 2002 rahvahanlugemižen mödhe, ozutadud rahvahudenke): venälaižed — 62,6%, totarlaižed — 32,8%, čuvašalaižed — 2,3%, toižed rahvahad — 2,3%.

Islaman kuz' pühäpertid oma avaitud lidnas: Ezmäine pämečet', «Munir», «Iman», «Anas», «Ihlas», «Eniler». Ortodoksižen hristanuskondan 17 pühäpertid^[2] oma olmas: ph. Mikulai-čudonsädajan kafedraline päjumalanpert' (1838), kuz' jumalanpertid, koume loičendpertid, koume časounäd, mugažo vanhuskolaižiden koume loičendpertid oma lidnas i Jumalanmaman Emäganpäivän naižjumalankodin sauvused (1864−1879) oma kaičenus.

Koume specialižen keskopendusen sijališt aluzkundad om lidnas: maižanduztehnikum^[3], medicinine škol, äiprofil'ne kolledž. Kazanin üläopendusen aluzkundoiden kaks' filialad oma avaitud.

Galerei

Käskuzkundoiden pert' (2020, ende gorispolkom, Adivpertin tanaz)
«Iman»-mečet', vn 2011 nägu
Kama River. Chistopol. Church of Saint Nicholas P6263679 2350.jpg

Ph. Mikulai-čudonsädajan kafedraline päjumalanpert' Kaman randal, vn 2021 nägu
«Vostok»-časuidentegim vl 2011 (Päivnouzm)
Gimnazii nomer 1 (2016, ende hengeline škol)

Homaičendad

Irdkosketused

Lidnan da Čistopolin rajonan oficialine sait (chistopol.tatarstan.ru) Tatarstanan Tazovaldkundan tobmuden aluzkundoiden portalal. (tot.) (ven.)

Šablon:Tatarstanan Tazovaldkundan lidnad

[_ffc0ebc4237a74a3-1] ttps://rosstat.gov.ru/storage/mediabank/Bul_MO_2023.xlsx

[2] Čistopolin pühäpertid sobory.ru-saital. (ven.)

[3] Čistopolin maižanduztehnikum edu.tatar.ru-saital. (ven.) (tot.)

[1]

[2]

[3]