Venän kelen päiv
Prezidentan kirjišton B.N. Jel'cinan nimel materialad
| Venän kelen päiv | |
|---|---|
 Venän kelen päivän praznuičend Valdkundaližes A. S. Puškinan muzejas. | |
| Tip | Kul'turan |
| Oficialižesti | Venän kelen päiv |
| Toižin | Puškinan päiv Venämal |
| Om tehtud | Venäman prezidentan Vladimir Putinan käskön mödhe voden 2011 kezakun 6. päiväspäi venän kelen abul |
| Päiv | 6. kezakud |
| Om sidotud | Aleksandr Puškinan, nügüdläižen venän literaturan kelen augonpanijan sündundandke |
Venän kelen päiv (ven.: День русского языка), (vai Venäman Puškinan päiv) — Ühthižrahvazkundoiden rahvahidenkeskeine päiv, om omištadud venän kelele, om vahvištoittud Ühthižrahvazkundoil vodel 2010, praznuitas 6. kezakud, tetaban venälaižen runoilijan Aleksandr Puškinan sündundpäiväl[1].
6. kezakud vodel 2011 Venäman Prezident Dmitrii Medvedev allekirjuti käskön: "Vahvištoitta Venän kelen päiv i praznuita se joga voden 6. kezakud tetaban venälaižen runoilijan, nügüdläižen venän literaturan kelen augonpanijan Aleksandr Puškinan sündundpäiväl[2].
6. kezakud Venämal vedetas azjtegoid, miččed om omištadud runoilijan sädairadole: literaturlugendoid, konkursoid, ozutelusid, klassčasuid da koncertoid.
Istorii
Venän kelen päivän vedändan polhe ezmäižen kerdan pagižeškanzi "Venälaine vaihiden vänd"-projektan avtor Ivan Klimenko "Parlamentan lehtesen" lehtpolil 26. tal'vkud vodel 2007[3]. Ičeze kirjuteses avtor tehtes Venän kelen voden ühthevedoid homaiči: "... Voden satused pagižeba siš, miše kelen kehitoitusen täht kaikuččes kalendar'vodes pidaiži olda völ üks' praznikpäiv. Nece om Venän kelen päiv. Mail'man praznik kaiken venälaižen mirun täht." No Venäman valdmehišt ei andand vastust.
Völ aigemba, vodel 1996, Kriman venälaine kund 6. kezakud, Aleksandr Puškinan sündundpäiväl, zavodi praznuita Venäman kelen kaičuzpäivad. Vodelpäi 2007 Krimas 6. kezakud zavottihe tehta Rahvahidenkeskeine venän, slavilaižen kul'turan festival' "Sur'kulu Venälaine Sana". Necil päiväl festivalin ühtnikoid jo äi vot ozateleb Venäman Prezident.
Konz Ühthižrahvazkundad vahvištoitiba oficialižiden organizacijan keliden päivid, 6. kezakud vodel 2011 Venäman Prezident Dmitrii Medvedev allekirjuti käskön: "Vahvištoitta Venän kelen päiv i praznuita se joga voden 6. kezakud, tetaban venälaižen runoilijan, nügüdläižen venän literaturan kelen augonpanijan Aleksandr Puškinan sündundpäiväl"[2].
Ühthižrahvazkundoiden keliden päiväd
Venän kelen päivän rindal Ühthižrahvazkundoiš praznuitas organizacijan toižiden oficialižiden keliden päivid[4]. Ned oli vahvištoittud vodel 2010 Ühthižrahvazkundoiden tedoerištol, miše tugeta äikeližut da kul'turad. Azjtegod, miččid tehtas nenil päivil, om oigetud oficialižiden keliden ühtenarvoižudehe, a mugažo sihe, miše Ühthižrahvazkundoiden radnikad tezižiba ÜRK-en keliden istorijas da kehitoituses.
Keliden muštpäiväd Ühthižrahvazkundoiden programman aigan
- 20. keväz'kud — Francian kelen päiv Ühthižrahvazkundoiš.
- 20. sulakud — Kitajan kelen päiv Ühthižrahvazkundoiš om omištadud kitajan kirjkelen augonpanijale Can Czele.
- 23. sulakud — Anglian kelen päiv Ühthižrahvazkundoiš (Uiljam Šekspiran sündundpäiv.
- 23. sulakud — Ispanian kelen päiv Ühthižrahvazkundoiš (Migel' Servantesan surmpäiv).
- 6. kezakud — Venän kelen päiv (Aleksandr Puškinаn) sündundpäiv.
- 18. tal'vkud — Araban kelen päiv Ühthižrahvazkundoiš (päiv, konz vodel 1973 pättihe panda araban kel't Ühthižrahvazkundoiden oficialižiden da radkeliden lugetišehe)[1].
Homaičendad
- ↑ 1 2 День русского языка в ООН. Дата обращения: 6 kezakud 2025.
- ↑ 1 2 О Дне русского языка : Указ Президента РФ от 06.06.2011 № 705 // Собрание законодательства РФ. 13.06.2011. № 24. Ст. 3401.
- ↑ Иван Клименко. «Да будет день!», Парламентская газета (27 tal'vkud 2007). Дата обращения: 6 kezakud 2025.
- ↑ Список международных дней на сайте ООН. Дата обращения: 26 sulakud 2017. Архивировано 27 semendkud 2016 года.
Lähtked
- Официальный сайт Российской академии наук
- В России появился новый праздник — День русского языка (Грамота.ру)
- Указом Президента установлен День русского языка — 6 июня (Кремлин.ру)
- Стенограмма встречи в Институте русского языка, на которой Президент объявил о подписании указа «О Дне русского языка»
- Официальный сайт празднования Дня Русского языка в Москве «Русский Лад»
- День русского языка