Venäman rahvahiden keliden päiv

Рувики-späi
Venäman rahvahiden keliden päiv
Народы России.jpg
Tip Muštpäiv[1]
Oficialižesti Venäman rahvahiden keliden päiv[2]
Znamoičend Venäman rahvahiden keliden da kul'turjäl'gestusen tugemine, kehitoitamine, rahvahidenkeskeižen ühtištusen vahvištamine[3]
Om tehtud Om tehtud Vladimir Putinan taričendan mödhe 5. kezakud vodel 2025[4]. Om tehtud runoilijan Rasul Gamzatovan sündundpäiväl[1]
Tegii Vladimir Putin[1]
Praznuitas Venäma
Päiv 8. sügüz'kud[1]
Praznuičend Tematižed azjtegod openduz- da kul'turorganizacijoiš[5]
Tradicijad Konkursoiden, ozutelusiden, azjtegoden pidämine, miččed om omištadud Rasul Gamzatovale[6]
Om sidotud Rahvahidenkeskeine mamankelen päiv

Venäman rahvahiden keliden päiv (ven.: День языков народов России) — muštpäiv Venämal, om taritud tehta Venäman Prezidental Vladimir Putinal Valdkundaližen politikan venän kelen da Venäman rahvahiden keliden sirdämižen nevondišton ištundal, mitte mäni 5. kezakud vodel 2025[7]. Praznik om pättud pideta 8. sügüz'kud — runoilijan Rasul Gazmatovan (ven.) (vep. sündundpüiväl. Taričend necen praznikan pidämižes oli anttud Venäman prezidentan käskös № 474 11. heinkud vodel 2025 "Valdkundaližen kel'pokitikan" vahvištamižen aigan[8].

Venäman tedoakademijan kel'tedon institutan tedoiden mödhe Venämal kävutoitas 277 kel't da paginad[9].

Istorii

5. kezakud vodel 2025 Valdkundaližen politikan venän kelen da Venäman rahvahiden keliden sirdämižen nevondišton ištundal oli taritud tehta Venäman rahvahiden keliden päiv[7]. Vladimir Putin tariči praznuita sidä runoilijan Rasul Gazmatovan sündundpüiväl — 8. sügüz'kud[8].

11. heinkud vodel 2025 Vladimir Putin allekirjuti käskön № 474, miččel vahvišti "Venaman valdkundaližen kel'politikan pohjad". Necen azjbumagan mödhe prezidentan administracijale da Venäman valdmehištole oli taritud 1. redukuhusai vodhesai 2025 vaumita da ezitada eriližen käskön projektad Venäman rahvahiden keliden päivän tegemižes. Elokun augotišes vodel 2025 Tedištelusen ministerstv vaumiči mugoižen käskön projektad, mitte oli pandud federaližele normativižiden oiktusiden aktoiden projektoiden portalale rahvahan mel'pidoiden täht, завершившегося 14 августа[10].

Venäman Prezident johtuti tarbhudes kaita da edemba kehitoitta Venäman rahvahiden kelid, kaiken aigan tugeta niid da holduda Venäman üleižes kel'avarudes. Vladimir Putin mugažo homaiči, miše om tarbhuz' vaumita udištoittud zakonad Venäman rahvahiden keliden polhe da tehta Venäman kaikiden keliden valdkundaližen lugetišen.

Vladimir Putin:

...om tärged vähäižin heitta paginaspäi pagansanoid da verazmaižid velgsanoid, miččed ei tehkoi meiden kel't bohatambaks, а, vastkarin, hubenzoitaba, hunhutaba meiden kel't.

Status da praznikan znamoičend

Venäman rahvahiden keliden päiv om muštpäiv. Nece om radpäiv. Praznikan tegemižen päazjad - kaita, tugeta da kehitoitta Venäman rahvahiden kelid da kul'turjäl'gestust, mugažo vahvištoitta ühtenzoitust rahvahiden keskes[11]. Päivän valičend oli tehtud Rasul Gamzatovan sündundpäiväl. Hän kirjuti avarskan da venän kelel, kucui ähtenzoitta Venäman rahvahiden kul'turad. Praznikan tegemine om Venäman valdkundaližen kel'politikan levinzoitamiüen pala.

Tradicijad da praznuičend

Sikš ku praznik oli tehtud vaiše vodel 2025, sidotud senke tradicijad oma völ tegemižen stadijas.

Päivän simvolizm

Praznuičendan päiv, 8. sügüz'kud, om omištadud sovetskijan avaralaižen runoilijan, prozaikan da publicistan Rasul Gamzatovan sündundpäiväle. Necen päivän valičend om simvoline, sikš ku gamzatov kirjuti kahtel kelel — avarskan mamankelel da venän kelel. Prezidentan Vladimir Putinan sanoiden mödhe, nece pagižeb Venäman rahvahiden kul'turiden ühtmudes da venän kelen tarbhudes kut keles paginan täht rahvahiden keskes, sen abul rahvahaližiden avtoroiden kirjutesed, runod tegesoiš tutabikš rahvahiden keskes[12].

Praznuičendan formad

Päsijad praznikaližiden azjtegoiden täht linneba openduz- da kul'turorganizacijad: školad, kirjuštod, kul'turpertid. Planiruitas tehta tehatižed konkursad, ozutelused da onlain-flešmobad. Pähomaičuz linneb oigetud Rasul Gazmatovan sädandradole. Ezmäižel praznuičendpäiväl 8. sügüz'kud vodel 2025 oliba mugoižed azjtegod:

  • Piteriš Venälaižes rahvahaližes kirjištos oli pidetud "Vauktad kurged"-praznikazjtego, sen aigan pandihe änikod runoilijan rindvestatusennoks, avaitihe hänen runoiden ozuteluz da lugetihe runod Dagestanan rahvahiden kelil.
  • Mahačkalas oli tehtud azjtego üläopenikoiden da openikoiden täht, kudambad eziniba projektoid dagestanan rahvahiden kul'turas da lugiba runoid mamankelil[13].

Ero Rahvahidenkeskeižes mamankelen päiväspäi

Venäman rahvahiden keliden päiv (8. sügüz'kud) om toine, mi Rahvahidenkeskeine mamankelen päiv (ven.) (vep., mitte praznuitas 21. uhokud. Venämal Rahvahidenkeskeižel mamankelen päiväl oma ičeze tradicijad, mugoižed kut diktantad rahvahaližil kelil, onlain-marafonad, kehkerad stolad da venälaižed akcijad, ozutesikš, "Minun mamankelen opendai"[14]. Voib olda miččed-se formatad sirdäsoiš udele praznikale[14].

Statistik

  • Venäman tedoakademijan kel'tedon institutan tedoiden mödhe 193 rahvast, mitte eläb Venämal, kävutoitab 277 kel't da paginad[9].
  • Keliden lugumär ülitab rahvahiden lugumärad, sikš ku erasil rahvahil om kaks' oficiališt vahvištadud kel't, ozutesikš, marilaižil (ven.) (vep., mordvalaižil (ven.) (vep. da altaicoil (ven.) (vep.[15].
  • Venäman openduzsistemas küvutoitas 105 kel't, 24 niišpäi — kaiken opendusen täht, 81 — urokan opendamižen täht[15].

Homaičendad

  1. ↑ 1 2 3 4 День языков народов России. Hi-Tech Mail.ru. Дата обращения: 10 tal'vkud 2025.
  2. ↑ Путин поручил учредить День языков народов России. Интерфакс. Дата обращения: 10 tal'vkud 2025.
  3. ↑ День языков народов России появится в стране. Победа.рф. Дата обращения: 10 tal'vkud 2025.
  4. ↑ Владимир Путин поручил учредить День языков народов России. Русский мир. Дата обращения: 10 tal'vkud 2025.
  5. ↑ День языков народов России. Ярославский областной центр дистанционного обучения. Дата обращения: 11 tal'vkud 2025.
  6. ↑ В РНБ — день рождения Гамзатова. Российская национальная библиотека. Дата обращения: 11 tal'vkud 2025.
  7. ↑ 1 2 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 kezakud 2025.
  8. ↑ 1 2 Путин предложил учредить День языков народов России, РБК (05.06.2025). Дата обращения: 5 kezakud 2025.
  9. ↑ 1 2 277 языков и диалектов используют народы России. Минобрнауки (21 uhokud 2021). Дата обращения: 5 kezakud 2025.
  10. ↑ В Минпросвещения подготовили проект указа о Дне языков народов России. Национальный акцент (1 elokud 2025). Дата обращения: 29 heinkud 2025.
  11. ↑ В России появится новый праздник — День языков народов РФ. Реальное время. Дата обращения: 11 tal'vkud 2025.
  12. ↑ Путин предложил учредить День языков народов России 8 сентября. Ведомости (5 kezakud 2025). Дата обращения: 11 tal'vkud 2025.
  13. ↑ Мероприятие к Дню языков народов. ГородЗовёт. Дата обращения: 11 tal'vkud 2025.
  14. ↑ 1 2 В России масштабно отметят День родного языка. Национальный акцент. Дата обращения: 29 heinkud 2025.
  15. ↑ 1 2 277 языков и диалектов используют народы России. Минобрнауки (21 uhokud 2021). Дата обращения: 11 tal'vkud 2025.
Om sadud "https://vep.ruwiki.ru/w/index.php?title=Venäman_rahvahiden_keliden_päiv&oldid=514794"