Temnikov

Temnikov
Temnikov
	Герб
	54°38′00″ с. ш. 43°13′00″ в. д.GЯO
Valdkund	Venäma;
Istorii da geografii
Tegemižen päiv	1536
Eläjad
Eläjad	▲6451 чел. (2021);
Lugud
Telefonan kod	83445
Počtan indeksad	431220
	Mediafailad RUWIKI-tedoiš

Temnikov (ven.: Те́мников, erz.: Чополт ош, mokš.: Темникав, tot.: Төмән) om Venäman lidn Mordovijan Tazovaldkundan lodehes. Se om Temnikovan rajonan lidnankund da administrativine keskuz.

Istorii

Tazovaldkundan kaikiš amuižemb olii lidn, mainitase ezmäižen kerdan 12. voz'sadal. Vl 1536 eländpunktan aluz om pandud udhe sijha, Mokšan vastrandan 10 km ülezjogen, Jelena Glinskajan käskön mödhe. Šingotihe porcellanastjoiden koumel fabrikal 19. voz'sadal. Nevondkundaližen aigan nened edheotandad radoiba: špaleroiden da bumagan «Krasnaja roza»-fabrik, peniden lampoiden tegim, meckombinat, linkapken tegim.

Geografijan andmused

Lidn seižub Mokš-jogen oiktal randal (Okanjogen oigedpol'ne bassein), 120 m ü.m.t. keskmäižel korktusel. Mordovijan londuseline kel'dtaho zavodiše 10 km pohjoižhe lidnaspäi. Matkad Saranskhasai om 158 km suvipäivnouzmha avtotedme. Lähembaine lidn da raudtestancii om sauptud administrativiž-territorialižes Sarov-ühtnikas 35 km pohjoižhe orhal vai 46 km avtotedme.

Temnikov om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 7 243 ristitud, rajonan ristitišton nell' ühesandest. Kaikiš suremb lidnan ristitišt oli enamba ühesad tuhad eläjid vll 1989−2001 (9 600 rist. vozil 1996−1998).

Rahvahad (2002): venälaižed — 61,1 %, mordvinalaižed — 33,7 %, totarlaižed — 3,3 %, toižed rahvahad — 1,9 %.

Temnikovan maižanduzkolledž^[2] i medicinine kolledž^[3] oma professionaližen opendusen aluzkundoikš.

Galerei

Kodirandantedištandmuzei Ušakov-maršalan nimed (2012)
Церковь Успения пресвятой Богородицы. г.Темников.JPG

Jumalanmaman Emäganpäivän jumalanpert', vn 2015 nägu
Здание купеческих лавок. Темников. Мордовия.JPG

Torgovanoiden laukoiden istorine sauvuz vl 2015
Темников. 2021 (2) 05.jpg

Kul'turan da joudan keskuz (2020)
Jumalanmaman Sündundan Sanaksaran mez'jumalankodi koumes kilometras lidnaspäi, vn 2010 nägu

Homaičendad

Irdkosketused

Lidnankundan lehtpoled Temnikovan rajonan oficialižel saital (temnikov.e-mordovia.ru). (ven.)

Šablon:Mordovijan Tazovaldkundan lidnad

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Temnikovan maižanduzkolledžan sait (tcxk-rm.ru). (ven.)

[3] Temnikovan medicinižen kolledžan sait (temmk.ucoz.ru). (ven.)

[1]

[2]

[3]