Serafimovič (lidn)

Serafimovič
Флаг Герб
49°35′00″ с. ш. 42°44′00″ в. д.
Valdkund	Venäma
Istorii da geografii
Tegemižen päiv	1589
Pind	7
Высота	110
Aigvö	UTC+3[d]
Eläjad
Eläjad	▼8633 чел. (2021)
Lugud
Telefonan kod	84464
Počtan indeksad	403441
Официальный сайт
Mediafailad RUWIKI-tedoiš

Serafimovič (ven.: Серафимо́вич) om Venäman lidn Volgogradan agjan päivlaskmas. Se om Serafimovičun rajonan lidnankund da administrativine keskuz.

Istorii

Eländpunktan aluz om pandud vl 1589 kuti Ust'-Medvedickai-stanic (ven.: станица Усть-Медведицкая) Donan hural randal. Aigan mändes sirtihe Medvedic-lidnut korktha oiktaha randha sur'veziden tagut. Vl 1933 stanic sai lidnan statusad nügüdläiženke nimenke, Aleksandr Serafimovič-kirjutajan oiktastuseks.

Serafimovičun ižandusen päsarakod oma sömtegimišt (jauhtegim, elevatorad, voisagudkombinat) da turizm.

Geografijan andmused

Lidn sijadase Don-jogen oiktal randal, 110 m keskmäižel korktusel valdmeren pindan päl. Reljef om vanoikaz. Medvedic-jogensu om vastrandal, kahesas kilometras Donan ülezjogen. Matkad Volgogradhasai om 160 km suvipäivnouzmha orhal vai 260 km avtotedme. Lähembaine lidn om Frolovo 70 km päivnouzmha orhal vai 120 km avtotedme Mihailovk-lidnan kal't.

Serafimovič om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 9 368 ristitud, rajonan ristitišton kaks' videndest. Kaikiš suremb ristitišt oli enamba 10 tuhad eläjid vozil 1979−1998 (10 200 rist. vl 1996). Vl 2017 kaik 8 987 ristitud eliba lidnas.

Ortodoksižen hristanuskondan nell' pühäpertid ratas lidnas: Sündun Eläbzdusen i Pühän Jumalanmaman Katken (vai Eläban Eziauguižen Stroican) jumalanpertid, Ust'-Medvedican Spasan Toižetamižen naižjumalankodi (alusenpanend 1638) Kazanin Jumalanmaman päjumalanpertinke i Spasan Toižetamižen jumalanpertinke.

Serafimovičun maižandusen mehanizacijan tehnikum om lidnan specialižen keskopendusen aluzkundaks.

Transport

Avtobusad, maršruttaksid da taksid oma kundaližtransportaks lidnas da sen ümbrištos. Avtotesild ühtenzoitab Donan randoid lidnan pohjoižen röunan taga.

Lähembaine Sebräkovo-raudtestancii sijadase Mihailovk-lidnas 84 km pohjoižpäivnouzmha avtotedme.

Galerei

• 

  Torgovanoiden skver (2020)

• Church-serafimovich-volgograd-oblast-july-2012.jpg

  Spasan Toižetamižen jumalanpert', vn 2012 nägu

• 

  Sündun Eläbzdusen jumalanpert', vn 2017 nägu

• Серафимовичский техникум.jpg

  Serafimovičun maižandusen mehanizacijan tehnikum (2009)

• Кинотеатр Дон.jpg

  «Don»-kinoteatr vl 2009

Homaičendad

Irdkosketused

• Serafimovičun lidnankundan tobmuden sait (serafimadmin.ru). (ven.)
• Lidnan informacine sait (усть-медведицкая.рф vai serafimovich.org). (ven.)