Dubovk

Dubovk
Dubovk
	Fail:Усадьба Грязева (ныне педагогический колледж).JPG
Флаг[d]	Герб
	49°03′00″ с. ш. 44°50′00″ в. д.GЯO
Valdkund	Venäma;
Istorii da geografii
Tegemižen päiv	1734
Pind	20;
Высота	50
Aigvö	UTC+4:00[d] da UTC+3[d]
Eläjad
Eläjad	▲14 779 чел. (2021);
Lugud
Telefonan kod	84458
Počtan indeksad	404002
	Mediafailad RUWIKI-tedoiš

Dubovk (ven.: Дубо́вка) om Venäman lidn Volgogradan agjan keskuzpalan suves. Se om Dubovkan rajonan administrativine keskuz.

Istorii

14. voz'sadan Kuldaižen Ordan lidnan jändused (Vodänan lidneihut) sijadasoiš kahtes kilometras pohjoižhe Dubovkaspäi vezivaradimen randal.

Eländpunktan aluz om pandud kozakoil vl 1734 Venälaižen imperijan ohjastusen käskön mödhe elänzoitmaha da kaičemha tahondad ümbrištonke. Stanic kätihe posadaks vl 1785, sai lidnan statusad vl 1803. Dubovk oli torgovanoiden lidnaks, om kaičenus äi vanhid pertid heišpäi. 1860-nzil vozil saudihe raudted Caricinhasai, i lidnan znamoičend poleni, no se-žo tegimišt šingotihe. Ristitišt poleni Rahvahanikoiden sodan jäl'ghe i Caricinan lähembusen tagut. Suren voinan aigan lidn jäi nevondkundaližen, varaväged da sodagospitalid sijazisoiš lidnas.

Dubovk šingotase sömtegimišton keskuseks (villänpurnud, lihakombinat, leibtegim, mineraližen veden edheotand), mugažo gofriruidud kartonan pästandan kompanii i sauvondmaterialiden minikombinat ratas.

Geografijan andmused

Lidn sijadase Volgogradan vezivaradimen (Volgan) oiktal randal, Volgaveren ülüden päivnouzmaižil pautkil, 50 m ü.m.t. keskmäižel korktusel. Matkad Volgogradhasai om 37 km suvhe avtotedme vai mödvedhe, keskushesai — 52 km. Toine lähembaine lidn om Volžskii.

Dubovk om lidnankundan üks'jäine eländpunkt. Lidnankundan pind — 409,83 km².

Eläjad

Vn 2010 Venäman rahvahanlugemižen mödhe eläjiden lugu oli 14 347 ristitud, rajonan pol'. Kaikiš suremb ristitišt oli 18 203 eläjad vl 1913.

Ortodoksižen hristanuskondan kahesa pühäpertid^[3] oma olmas lidnas: Voznesenjan naižjumalankodi (Joann-endustajan jumalanpert' i nell' časounäd), kaks' jumalanpertid i časoun'.

Dubovkan zooveterinarine^[4] i pedagogine^[5] kolledžad oma lidnan professionaližen opendusen aluzkundoikš.

Galerei

Дом Бауэра.jpg

Dubovkan tobmuden sauvuz (2015, ende Bauer-edheotajan konditerine lauk)
Joann-endustajan jumalanpert' Voznesenjan naižjumalankodiš, vn 2016 nägu
Магазины в дубовке.jpg

Torguindkeskuz vl 2015
Усадьба Грязева (ныне педагогический колледж).JPG

Pedagogine kolledž (2013)
Pühän Stroican jumalanpert', vn 2015 nägu

Homaičendad

Irdkosketused

Lidnankundan tobmuden aluzkundoiden oficialine sait (admdubovka.ru). (ven.)

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[_b3788f6da358ae20-1] ОКТМО. 185/2016. Southern FD

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Dubovkan pühäpertid sobory.ru-saital. (ven.)

[4] Dubovkan zooveterinarižen kolledžan sait (dzvc.ru). (ven.)

[5] Dubovkan pedagogižen kolledžan sait (dpk2005.ru). (ven.)

[1]

[2]

[3]

[4]

[5]