Novoanninskii
| Novoanninskii | |
|---|---|
 | |
| 50°31′00″ с. ш. 42°40′00″ в. д.GЯO | |
| Valdkund | |
| Istorii da geografii | |
| Tegemižen päiv | 1872 |
| Высота | 87 |
| Aigvö | UTC+4:00[d] da UTC+3[d] |
| Eläjad | |
| Eläjad |
|
| Lugud | |
| Telefonan kod | 84447 |
| Počtan indeksad | 403950 |
 Mediafailad RUWIKI-tedoiš | |
Novoanninskii (ven.: Новоа́ннинский) om Venäman lidn da lidnankund Volgogradan agjan lodehes. Se om Novoanninskijan rajonan administrativine keskuz.
Istorii
Eländpunktan aluz om pandud vl 1872 kuti Samsonovskii-futor läz Filonovo-raudtestancijad. Vl 1918 udesnimitihe futorad Novo-Annenskai-stanicaks. Vl 1936 se kätihe Novo-Annenskii-radnikžiloks. Vl 1956 radnikžilo sai lidnan statusad nügüdläiženke nimenke.
Novoanninskijan ižandusen päsarakod oma sömtegimišt (pühävoin tegim, pühävoinümbriradai tegim, lihakombinat, leibtegim) da elektromedicinižladimišton pästand. Ende valamižmehanine tegim i savičun tegim radoiba mugažo.
Geografijan andmused
Lidn sijadase Buzuluk-jogen hural randal (ven.: Бузулук 314 km pitte, Hopran hura ližajogi, Donan bassein), 87 m ü.m.t. keskmäižel korktusel. Filonovo-raudtestancii om «Volgograd — Povorino (Voronežan agj)»-keskustal vspäi 1870. Matkad Volgogradhasai om 254 km suvipäivnouzmha «Kaspii»-avtotedme (R22, edel 2018. vot M6) vai raudtedme. Lähembaižed lidnad oma Mihailovk 75 km suvipäivnouzmha avtol i Urüpinsk 55 km lodeheze orhal.
Pen' Novoanninskijan maižanduztehnikuman učhozan žilo (kahesa ristitud vl 2017) mülüb lidnankundha Novoanninskijan ližaks. Lidnankundan pind — 63,31 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 17 912 ristitud, lidnankundan — 17 920 ristitud, rajonan pol'. Kaikiš suremb lidnan ristitišt oli enamba 20 tuhad vozil 1967−2001 (20 932 rist. vl 1979). Vl 2017 kaik 16 436 ristitud eliba lidnas.
Ortodoksižen hristanuskondan kaks' pühäpertid[3] oma avaitud lidnas: ph. Feofan-eriželäjan jumalanpert' (om saudud vll 2000−2017) i Jumalanmaman Emäganpäivän časoun'.
Novoanninskijan maižanduzkolledž[4] om lidnan professionaližen opendusen aluzkundaks.
Edeline lidnan pämez' (Administracijan pämez') om Aleksandr Türin (reduku 2011 — sulaku 2021).
Galerei
- Братская могила участников гражданской войны и советских воинов, погибших в период Сталинградской битвы, Новоаннинский.jpg
Rahvahanikoiden sodan ühtnijoiden i pölištunuziden Stalingradan toras nevondkundaližiden sodamehiden velleskaum (2018)
Ph. Feofan-eriželäjan jumalanpert', vn 2007 nägu
Federaline R22 «Kaspii»-trass lidnas vl 2007
Homaičendad
Irdkosketused
| Volgogradan agjan lidnad | ||
| Dubovk | Frolovo | Kalač Donal | Kamišin | Kotel'nikovo | Kotovo | Krasnoslobodsk | Leninsk | Mihailovk | Nikolajevsk | Novoanninskii | Pallasovk | Petrov Val | Serafimovič | Surovikino | Žirnovsk | Urüpinsk | Volgograd | Volžskii | ||