Rahvahidenkeskeine kaičuztahoiden päiv
| Rahvahidenkeskeine kaičuztahoiden päiv | |
|---|---|
 Rahvahaline Abisku-puišt. Ezmäine švecialaine rahvahaline praznik Zapol'arjes | |
| Om tehtud | vodel 2000 Rahvahidenkeskeižen londusen kaičuzsebran tahton mödhe |
| Praznuitas | kaikuččen voden |
| Päiv | 24. semendkud |
| Om sidotud | tehtud vodel 1909 rahvahaližiden puištoidenke Švecijas |
Rahvahidenkeskeine kaičuztahoiden päiv (ven.: Междунаро́дный день запове́дников) — praznik, mitte praznuitas kaikuččen voden 24. semendkud kaikes mail'mas Rahvahidenkeskeižen londusen kaičuzsebran. Üks' professionaližiš praznikoišpäi neniden ristituiden täht, ked kaičeba da holduba kaičuztahoiš.
Istorii
24. semendkud vodel 1909 Švecijas oli tehtud rahvahaline puišt. Nece ma tegihe ezmäižeks Jevropas, kus oli tehtud rahvahaližiden puištoiden da rezervatoroiden sistem.
Rahvahidenkeskeine kaičuztahoiden päiv praznuitas vodelpäi 2000 kaikuččen voden Rahvahidenkeskeižen londusen kaičuzsebran tahton mödhe. Päidei — kaita londust da živatoiden mirud[1][2].
Venämal om eriline Kaičuztahoiden da rahvahaližiden puištoiden päiv?!, mitte praznuitas 11. vilukud, konz oli tehtud ezmäine kaičuztaho valdkundas — Barguzinskii kaičuztaho.
Praznikan tradicijad
Necil päiväl kaičuztahoiš da puištoiš avaidasoiš ozutelused, pidetas ekskursijad, lugetas lekcijad londuzkaišusen mödhe, tehtas festivalid da azjtegod.
Kaičuztahod
Kaičuztahod - territorijan libo akvatorijan pala, kus ristitule om kel'tüd tehta hot' midä, miše kaita florad da faunad, mugažo vezilanktusid, endevanhoid manondusid da kal'l'oid[3].
Ezmäine mirus kaičuztaho oli tehtud Šri-Lankas III voz'sadal edel meiden erad. Siloi car' Devanampijatissa eriližel zakonal kel'di ičeze abunikoile tulda saren erasile paloile, miše kaita niid ičeze jäl'gnikoiden täht[4].
Rahvahidenkeskeižen londusen kaičuzsebran tedoiden mödhe vodel 2024 mirus oli 6555 rahvahališt puištod da enamb 630 londuselišt kaičuztahod, miččed oma 119 valdkundas[5].
Kaikid suremb mirus kaičuztaho om Afrikas. Se ühtenzoitab koume rahvahališt puištod — Kr'ugeran rahvahališt puištod Suvi-Afrikan Valdkundas, Limpopon rahvahališt puištod Mozambikas da Gonarežun rahvahališt puištod Zimbabves. Üleine pind — 35 tuh. nellikkilometrad[6]. Üks' kaikiš penembiš Galičja Gora-kaičuztahoišpäi om Venämal. Sen pind om 2,3 km²[7].
Galerei
Serengeti. Rahvahaline puišt Tanzanijan pohjoižes
Barguzinan kaičuztaho. Venäma (Bur'atii)
Šri-Lankan rahvahaline puišt
Vilpattu. Šri-Lanka. Kaikid vanhemb kaičuztaho mirus
Rahvahidenkeskeine Limpopon puišt. Kaikid suremb mirus.
Homaičendad
- ↑ 24 мая отмечается Международный день заповедников. gorodirkutsk.ru. Город Иркутск.РУ (22 semendkud 2019). Дата обращения: 25 sulakud 2025.
- ↑ Заповедный мир "Ненецкий", Русское географическое общество (24 semendkud 2023). Дата обращения: 25 sulakud 2025.
- ↑ Что такое заповедник, и чем он отличается от заказника: примеры, Моя планета. Дата обращения: 25 sulakud 2025.
- ↑ Национальные парки Шри-Ланки. travellanka.ru. Дата обращения: 25 sulakud 2025.
- ↑ Тамара Казарина. Заповедные места, ТАСС. Дата обращения: 25 sulakud 2025.
- ↑ В Африке создан крупнейший национальный парк, РИА Новости (11 tal'vkud 2002). Дата обращения: 25 sulakud 2025.
- ↑ Международный день заповедников, Парламентская газета (24 semendkud 2019). Дата обращения: 25 sulakud 2025.
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |