Rahvahaline donoran päiv Venämal
| Rahvahaline donoran päiv Venämal | |
|---|---|
 | |
| Om tehtud | 20. uhokud vodel 2007 |
| Praznuitas |
 Venäma |
| Päiv | 20. sulakud |
| Praznuičend | kaikuččen voden |
| Tradicijad | pauklahjoičend, konferencijad |
| Om sidotud | ezmäižen hüvän veren sirdändanke Venäman imperijas |
Rahvahaline donoran päiv Venämal (ven.: Национа́льный де́нь до́нора в Росси́и) — venälaine praznik, mitte praznuitas kaikuččen voden 20. sulakud. Radkodeksan mödhe ei ole lebupäiv. Om sidotud ezmäižen hüvän veren sirdändanke Venäman imperijas, procedur tehtihe 20. sulakud vodel 1832.
Istorii
20. sulakud vodel 1832 piterilaine akušer Andrei Vol'f ezmäižen kerdan tegi hüvin veren sirdändad akale-sündutajale, kudambal oli akušerverenvodand[1]. Hän kävutoiti apparatad da Džeims Bladellan metodikad, kudamb aigemba (25. sügüz'kud vodel 1818) tegi hüvin tranfuzijad Londonas[2]. Jäl'ges Vol'f tegi völ kuz' veren sirdändad, sid' necidä procedurad äi kerdoid tegi venälaine lekar' da professor Sergei Kolomnin (Коломнин, Сергей Петрович).
20. uhokud vodel 2007 ahvahaline donoran päiv oli vahvištadud Venäman Valdkundaližel Dumal ištundal donorstvan da veren služban problemoiden mödhe[3]. Vodelpäi 2008 Venäman Terhvuz'ministerstv da Venäman Federaline tervhuz'-biologine agenstv pästab eloho rahvahan ičetahtoižen veren donorstvan da sen komponentoiden suren kehitoitusen programman[4]. Voden 2024 tedoiden mödhe Veren službaha mülüb 487 organizacijad, läz 100 tuhad tervhuz'radnikad korktan kvalifikacijanke[5].
Praznikan tradicii
Rahvahaližel donoran päiväl Venämal mäneba press-konferencijad tervhuz'radnikoidenke, tematižed ozutelused, konferencijad. Tervhuz'keskused da stancijad tegeba ližaakcijad veren andamižen mödhe[6]. Necil päiväl pauklahjoitas ristitud, kudambad andoiba vert libo sen komponentad[7]. Venäman arvostadud donorad oma ned, kudambad olman rahoita andoiba ičeze vert da sen komponentad 40 kerdad libo andoiba plazmad 60 kerdad. Paiči rindznamad venälaižed saba ližal'gotad, siš lugus oiktuz' ajada ilman rahoita kundaližes transportas[8].
Ližatedod
- Vodel 2005 oli vahvištadud Mail'man donoran päiv. Sidä praznuitas 14. kezakud, praznik om omištadud Karl Landšteineran sündundpäiväle, kudamb sai Nobelin premijan fiziologijan da tervhuden mödhe ristitun veren gruppoiden avaidamižes[9].
- Federaližen tervhuz'-biologižen agenstvan tedoiden mödhe veren panend varhu Venämal vodel rindatades männuden vodenke kazvoi 6% da tegihe 2,6 millionad litrad, enamb 458 tuhad donorad mülüškanzi federaližehe lugetišehe[6].
- Donoroiden lugumär Suren Kodiman voinan aigan kazvoi 5,5 mln ristituhusai, nügüdläine armii sai enamb 1,7 mln litrad konservoitud vert, mitte ottihe 7 millionan veren sirdändan täht. Voinan voziš oli pauklahjoitud 15 000 "Sovetskijan Sojuzan arvostadud donor" rindznamal[10].
Donorad tetabiden ristituiden keskes
- Džeki Čan — kaiken aigan andab vert, vodel 2002 tegihe Kanadan Veren služban donoraks "Smoking"-fil'man sjomkoiden aigan.
- Krištianu Ronaldu — vodel 2008 oli "Rusttan ristan sščet"-kompanijan ezitai, om lunsüdäimusen donor.
- Džessika Al'ba — andab vert lapsiden gospitalin täht.
- Jekaterina Striženova — andaškanzi vert völ üläopenikan voziš[4].
- Tatjana Navka — vodel 2011 oli LG-kompanijan ezitai donorstvan kehitoitusen alovehes[11].
Ноmaičendad
- ↑ Национальный день донора в России. gkdc1.ru. Дата обращения: 17 sulakud 2025.
- ↑ Есть повод гордиться. Медицинская газета (17 sulakud 2007). Дата обращения: 17 sulakud 2025.
- ↑ Национальный День донора крови в России, РИА Новости (11 sulakud 2025). Дата обращения: 17 sulakud 2025.
- ↑ 1 2 Навка сдаёт кровь168#id1887947 Звездная кровь, Коммерсантъ (20 sulakud 2022). Дата обращения: 18 sulakud 2025.
- ↑ Вероника Скворцова: В России донорство является не только почетной и благородной миссией, но и важнейшей государственной задачей. bloodfmba.ru (11 kezakud 2024). Дата обращения: 18 sulakud 2025.
- ↑ 1 2 «Единая Россия» организует по всей стране мероприятия к Национальному дню донора крови. er.ru (16 sulakud 2025). Дата обращения: 17 sulakud 2025.
- ↑ 14 июня — Всемирный день донора крови: традиции, тема и мероприятия 2024 года, Известия (13 kezakud 2024). Дата обращения: 17 sulakud 2025.
- ↑ Национальный день донора в России. pnp.ru (20 sulakud 2020). Дата обращения: 17 sulakud 2025.
- ↑ Всемирный день донора крови, РИА Новости (14 kezakud 2024). Дата обращения: 17 sulakud 2025.
- ↑ Любопытные факты. yadonor.ru. Дата обращения: 17 sulakud 0202.
- ↑ Татьяна Навка стала послом донорства. sport-express.ru (20 sulakud 2011). Дата обращения: 18 sulakud 2025.