Pr'ahin Artur Borisovič

Artur Borisovič Pr'ahin
Artur Borisovič Pr'ahin
Federaližen antimonopoližen služban ohjandusen pämez' Karjalan mödhe
	Uhokuspäi vodelpäi 2014 — 04.02.2025
Ken oli ende	Mihail Jendza
Sündundpäiv	20. tal'vkud 1968; Leningrad[d], Sovetskii Sojuz;
Kolendpäiv	4. uhokud 2025 (56 лет); Petroskoi
Openduz	Piterin mectehnine akademii S. M. Kirovan nimel (vodel 1994), Venäman Sijaližiden azjoiden ministerstvan Piterin universitet (vodel 2004)
Pauklahjad

Artur Borisovič Pr'ahin (ven.: Артур Пряхин, 20. tal'vkud 1968, Leningrad^[d] — 4. uhokud 2025) — Piterin mectehnine akademijan S. M. Kirovan nimel pästnik (vodel 1994), Federaližen antimonopoližen služban ohjandusen pämez' Karjalan mödhe (vodelpäi 2014), RANHiGSan Karjalan filialan Konkurentoiktusen keskusen üks' pämehišpäi, Venäman valdkundaline 2. klassan nevonik^[2].

Elostarin

Sündui 20. tal'vkud vodel 1968 Leningradas. Norištos navedi regbijad, ühtni Sovetskijan Sojuzan, RSFSRan, Leningradan čempiatoihe. Kandidat sportmasteraha. Vozil 1987–1989 oli voinslužbal.

Vodel 1994 Artur Pr'hin lopi Piterin mectehnižen akademijan S. M. Kirovan nimel, vodel 2004 - Venäman Sijaližiden azjoiden ministerstvan Piterin universitetan jurisprudencijan special'nostin mödhe.

Karjer

Vozil 1991–1997 radoi inžener-tehnižil radsijoil mectegeližuden kompleksan organizacijoiš da predprijatijoil Karjalas.

Vozil 1997–2011 oli službal sijaližiden azjoiden erištoiš ekonomižid pahoid tegoid vasthapäi. Vozil 2010–2011 oli Karjalan Sijaližiden azjoiden ministerstvan Ekonomižiden pahoiden tegoiden vastustuzerišton pämez', läksi lebule milicijan podpolkovnikan, hänel oma erištoiden pauklahjad.

Vozil 2012–2013 — "Segežan cell'ulozno-bumagan kombinatan" pämez' varumatomuden mödhe. Vodel 2014 oli pandud Venäman Federaližen antimonopoližen služban ohjandusen pämeheks karjalan mödhe.

Hänen radon aigan Karjalan Federaližen antimonopoližen služban ohjanduz ühtni erazvuiččihe tetabihe tedišteluzazjoihe kartelijoiden peitpaginoiden mödhe.

Vodel 2015 hänen služb zavodi pahoiden tegoiden azjad "Market Farm", OOO PIK, Rosmedkomplekt da Etalon-Treiding - kompanijoiden mödhe. Heiden keskes oli peitpagin 11 enektronižen aukcionan mödhe, miše toda tervhuz'ladehed Karjalan Tervhuz'ministerstvan täht üleižele summale 47 mln rubl'ad.

Vodel 2016 služb löuzi kartelijoiden peitpaginoiden jäl'ged aukcionan aigan lapsiden lebun tegemižen mödhe, kuna ühtni "S'amozero" - park-otel', kus koli 14 školan openikad.

Vodel 2017 služb löuzi tot kartelijoiden peitpaginoiš 94 aukcionan tegemižen aigan zel'l'iden ostmižen täht üleižele summale enamba 74,6 mln rubl'ad koumel farmacevtkompanijal Piterišpäi.

Pauklahjad

Federaližen antimonopoližen služban pämehen kitändkirjeine (2015, 2021).
Venäman da Karjalan Federaližen antimonopoližen služban arvkirjeine (2016).
Venäman Federaližen antimonopoližen služban arvznam "Hüväs rados konkurencijan kehitoituses Venämal" (2018).
Venäman Prezidentan kitändkirjeine (2019).
Venäman Federaližen antimonopoližen služban "30 vot antimonopoližile erištoile" - medal'(2020).
Venäman Federaližen antimonopoližen služban III stepenin medal' (2023) "Parahimas službas".
"#Federaližen antimonopoližen služban Lideroiden akademii – 2023" (2023).
II da III stepenin medalid "Parahimas službas", "200 vot Venäman Sijaližiden azjoiden ministerstvale" da toižed^[3].

Klassan čin

Venäman valdkundaline 2. klassan nevonik.

Surm

4. uhokud vodel 2025 Artur Pr'ahin läksi iknaspäi videndes žiruspäi da koli^[4]. Händast löutihe Petroskoiš Varkausan randirdal radpertinno^[5]. Ižeze radhonuses hän jäti kirjutesen, kus sanui, miše ei tariž nikeda väritada da pakiči prostindad ičeze akal. Hänele oli 56 vot^[6].

Kanz

Artur Pr'ahinal oli poig da ak.

Homaičendad

[1] Новым начальник УФАС Карелии стал экс-руководитель УБЭП

[2] Что известно о погибшем главе ФАС по Карелии Артуре Пряхине (неопр.).

[3] Глава УФАС Карелии Артур Пряхин. Досье (неопр.).

[4] Причиной смерти главы управления ФАС по Карелии назвали самоубийство (неопр.).

[5] Следствие проводит проверку по факту гибели главы УФАС Карелии Артура Пряхина (неопр.).

[6] В Карелии глава управления ФАС покончил с собой (неопр.).

[1]

[2]

[3]

[4]

[5]

[6]