Pioneroiden päiv
| Pioneroiden päiv | |
 Pioneran znam | |
| Tip |
Socialistine |
|---|---|
| Oficialižesti |
Kaiken ühtištusen pioneroiden organizacii Vladimir Leninan nimel |
| Om tehtud |
pionerskijan radon muštoks |
| Praznuitas |
enččen Sovetskijan Sojuzan valdkundoiš |
| Päiv |
19. semendkun vodel 1922 |
| Praznoičemine |
erazvuitte |
| Om sidotud |
Pioneroiden rad |
Pioneroiden päiv (ven.: День пионерии) (nügüdläižel Venämal — Lapsiden kundaližiden sebrastusiden päiv[1]) — praznik lapsiden da noriden täht, mugažo nastavnikoiden da opendajiden täht, ked radaba lapsidenke - školan openikoidenke.
Vodelpäi 1991 «Pioneroiden päiv» praznuitas 19. semendku — kaiken ühtištusen pioneroiden Vladimir Leninan nimetadud organizacijan sündundpäiväl. Om vahvištoitud vodel 1922. Praznikan tegijoiden keskes oma pioneroiden da toižed lapsiden organizacijad, miččed jatktaba tradicijoid da radaba pioneroiden sändoiden mödhe. Sovetskijas Sojuzas Pioneroiden päiv oli üks' päpraznikoišpäi sovetskijoiden školan openikoiden täht.
Istorii
19. semendkud vodel 1922 Venäman toine komsomolan konferencijal oli pätud tehta pioneroiden päiv. Sovetskijas Sojuzas sid' praznuittihe kut pioneroiden sündundpäiv.[2]. Официальное название праздника — День Всесоюзной пионерской организации имени Ленина[2].
Sovetskijal aigal Pioneroiden päiväks školoiš pidetihe «Leninan urokad», tehtihe ühthevedoid, voibišteldihe okt'abadoiden, družinoiden keskes, ken opendase paremba, kerazihe ühtes metallolom, jänduzbumag da muga edemba. Mugažo Pioneroiden päiväl tehtihe da tehtas nügüd' keradused, koncertad, konkursad, parembiden pioneroiden da školan openikoiden pauklahjoičemine, pioneroiden paradad da mitingad.
Kaikid surembad azjtegod oliba Moskvas Rusttal avoirdal[2].
Vozil 1970—1980 erasiš školiš 19. semendkud pidettihe «Leninan urokad».
1. redukud vodel 1990 Ühthižsojuzižen pioneroiden sebran sijas oli tehtud Piioneroiden sebroiden ühtištuz — Lapsiden sebroiden federacii (SPO-FDO). Sidä voden organizacii oli nimitadud Pioneroiden da lapsiden keskuznevondištoks[3].
Jäl'ges Sovetskijan Sojuzan murendad nece praznik tegihe oficialiatomaks. Sidä vajehti Lapsiden sebroiden päi-praznik, mitte om 19. semendkud[4]. Ehtal školoiš libo toižiš mikrorajoinoiš tehtihe toižed praznikad, ozutesikš, tradicionaližidenke «pioneroiden pažaganke». Nügüdläižel Venämal ilotuzkeskusiš da kluboiš Pioneroiden päiväks paksus tehtas kargehtad «pioneroiden teman» mödhe, erazvuiččed akcijad, flešmobad.
Jäl'ghe Kaiken ühtištusen pioneroiden Vladimir Leninan nimetadud organizacijan sauptamišt Pioneroiden päiv praznuitas lapsiden organizacijoiš, miččeb kaičeba pioneroiden tradicijoid da radmahtoid.
Praznikaližed vastused pioneroiden teman mödhe pidetas Venämal da mugažo enččen Sovetskijan Sojuzan toižiš valdkundoiš.
Pioneroihe ottas Rusttal Avoinirdal Leninan Mavzolejal kaikuččen voden Venäman Kommunistižen partijan abul. Praznikaližele vastusele tuleb enamb 3000 last (vodel 2012, konz oli pioneroiden päivän jubilei, oli enamb 5000 mest). Necil päiväl avoinird sauptas, tuldud Venäman erazvuiččiš lidnoišpäi lapsiden edel ezineb partijan pämez' Gennadii Andrejevič Z'uganov, sid' sidotas pioneroiden rusked rindpaik, a sid', ottud pioneroihe lapsile tehtas koncert[5]..
Jäl'gmäine mugoine azjtego oli vodel 2024.
Vodel 2022 Venäman opeikoiden sirdändan pohjal oli tehtud Venäman {{lang-ru|Движение первых]]-sirdänd. Venäman prezident Vladimir Putin tariči sen nimen pohjaze otta «pionerad» nimen[6].
Tradicijad
Lapsiden sebroiden päiv kaičeb Pionerijan päiv-praznikan tradicijoid. Tradicijan mödhe 19. semendkud školiš mänetadas urokad, sportvoibud da koncertad[7].
Sevastopol'-lidnas kaikuččen voden 19. semendkud openikoad käveleba lidnan keskusedme[8].
Homaičendad
- ↑ Школьники по всей России отметили День детских общественных объединений. Российское движение школьников (19 semendkud 2017).
- ↑ 1 2 3 Хватова, Я., Роженцова, О. Когда отмечают День пионерии. История праздника от СССР до России. Как появилось движение и что с ним стало спустя 100 лет. РБК (4 redukud 2024). Дата обращения: 7 semendkud 2025.
- ↑ 19 мая — День детских общественных организаций: история и традиции праздника, Известия (18 semendkud 2024). Дата обращения: 7 semendkud 2025.
- ↑ 19 мая – День детских общественных организаций. Федеральное государственное бюджетное научное учреждение «Институт изучения детства, семьи и воспитания» (2024). Дата обращения: 7 semendkud 2025.
- ↑ КПРФ приняла в пионеры около пяти тысяч школьников, РИА Новости (22 semendkud 2022). Дата обращения: 7 semendkud 2025.
- ↑ Романов, Д.. «Движение первых». Как изменился День пионерии, Газета.Ru (2023). Дата обращения: 7 semendkud 2025.
- ↑ Страна Сюжет: Праздники и выходные в России в 2024 году 19 мая — День детских общественных организаций: история и традиции праздника. Известия (18 semendkud 2024). Дата обращения: 7 semendkud 2025.
- ↑ Парад детства вернулся в Севастополь в день 100-летия пионерии. Дата обращения: 19 semendkud 2022. Архивировано 19 semendkud 2022 года.
Literatur
- Артемьева, Г. Н., Миронычев, С. В. Теоретический анализ опыта пионерского движения, как метода воспитания и способа снижения преступности подростков // Семнадцатая региональная студенческая научная конференция Нижневартовского государственного университета. — 2015. — С. 452—455.
- Попова, И. Н. Трубит в наши горны серебряный ветер: 95-летию пионерского движения посвящается… // ВНЕшкольник. — 2017. — №. 2. — С. 51-53.