Petroskoin lidnanznam

Petroskoin lidnalaižen ümbrusen lindanznam
*Petroskoin linnupiirin vuakuna*
Petroskoin lidnalaižen ümbrusen lindanznam ; Petroskoin linnupiirin vuakuna
Версии
	; Keskmäine lindanznam
	; Pen' lindanznam
Tedod
Om vahvištadud	19. sulakud vodel 2016
Ščit	francialaine
Pämel'	Om tetpas
Nomer в Venäman valdkundaližes geral'dikan lugetišes	10444

Petroskoin lidnalaižen ümbrusen lidnanznam (ven.: Герб Петрозаводского городского округа, karj.: Petroskoin linnupiirin vuakuna) — Petroskoin lidnalaižen ümbrusen da Petroskoi-lidnan oficialine simvol. Om vahvištadud Petroskoin lidnnevondišton pätusel 19. sulakud vodel 2016 № 27/48-749 "Vajehtusiden da ližatedoiden panendas Petroskoin lidnalaižen ümbrusen käskkirjaha". Mülütab Venäman valdkundaližehe geral'dižehe lugetišhe, sille om anttud registracijan nomer 10444^[1]^[2].

Nügüd'aigaline lidnanznam

Tedod:

"Ščit om ülitadud: ülähän kuldaižes pöudos, oiktas ülembaižes čogaižespäi, hobedaižiš pil'višpäi lähteb hur käzi, mitte pidäb ozutadud südäimespäi ovalas sinine ščit hobedaižiden petlidenke, alahan om kaks' mustad artillerijan snar'adad, kuti kaks' kehkerad jadrad, miččed om ristitadud, alemba nel'l'kerdašti ristitadud vihandas da kuldaižes pöudos om koume hobedad malatad: kaks' ristati pandud toine toižen päle, a koumanz' om kuvertud pachaze da om pandud alemba.
Ščitan päl om municipaline koron, miččehe om ližatud kuldaine obruč, se om čomenzoittud karjalaižel rahvahaližel poimitišel da sil oma rel'jefröunad, kuti sidotud nor, da kaks' ristitadud hobedad mečud kuldaižiden käzipidimidenke, ned om pandud koronan alle. Ščit om ümbärtadud Rusttan Radznamenin ordenan lentaižel.
Ščitan pidäjad: sep kuldaižen bardanke da hibusidenke, miččed om sidotud mustal lentaižel, kuldaižiš štanoiš da mustan käzipaikanke, kudamb pidäb oiktas kädes hobedan malatan, huras kädes — znamenin, mitte om tehtud kuldaižes puspäi, nel'l'čogaižes, ümbärtadud bahromal, kanghaspäi, täutab lidnanznaman ščitan alembaižen palan kompozicijad, da Preobraženskijan polkun (ven.) (vep. leib-gvardijan oficer voden 1700 formas, kudamb pidäb oiktas kädes znamenin kuldaižes puspäi, nel'l'čogaižes, ümbärtadud bahromal, kanghaspäi, täutab lidnanznaman ščitan ülembaižen palan kompozicijad. Alanduses om äi mustid kivid. Deviz — "OM TETPAS", mitte om pirttud mustil literoil hobedal leital".

Lidnanznam voib olda kut täudes versijas (kaikiden ülemba sanutud artibutoidenke), muga lühenzoittud versijoiš (kaikita atributoita libo miččeta-se niišpäi, no alanduz ščitanpidäjita ei voi olda, a ristitadud mečid ei voigoi olda koronata), ku nece ei telusta geral'dikan sändoihe. Lidnanznaman täuz' da lühenzoittud versijad oma ühtenarvoižed da molembad voiba kävutadas oficialižesti^[2].

Simvolik

Petroskoin lidnanznamal om ičeladuine istorii. Vahvištadud 16. (27.) elokud vodel 1781 sil oli koume ristitadud malatad nel'l' kerdad ülitadud vihandas da kuldaižes pöudos, sikš ku sil aigal Petroskoi oli Novgorodan namestničestvan ujezdan lidn, se voi kävutadas kahtes palaspäi tehtud ščitan alembaižes palas, ülembaižes palas oliba Novgorodan lidnanznaman simvolad.

Levitadud vär voden 1781 lidnanznaman kuva — ilman rudanecijad lozad

22. semendkud (2. kezakud) vodel 1784 oli tehtud Oloncan namestničestvo, Petroskoi tegtihe sen pälidnaks (9. (21.) sügüzespäi — Oloncan gubernijan pälidnaks tegihe Petroskoi), sikš Petroskoin lidnanznaman kahtes palaspäi tehtud ščitan ülembaine pala vajehtihe da siš oli Oloncan-lidnanznam — lähttud pil'višpäi käzi ščitanke ülemba kaht ristitadud knippel'ad kuldaižes pöudos (mugoine kompozicii kut Oloncan simvol vedäb ičeze istorijad emblemaspäi Oloncan voden 1712 polkan znamenil).

Uzil voz'kümnil hot' juridihe lidnanznam kädenke da ščitanke oli Oloncan lidnanzman, a malatad kuldaižiden da vihandoiden lentaižidenke pöudos — Petroskoin lidnanzman, praktikal tegihe Oloncan da Petroskoin lidnanznamoiden änetoi vajehtuz, mittušt ei olend enamba venälaižes geral'dižes istorijas: kuldaine ščit kädenke da knippelidenke kävutoitihe kut Petroskoin lidnanznam, a kuldaižiden da vihandoiden lentaižidenke pöudos malatoidenke — kut Oloncan lidnanznam, i mugoine praktik oli vodhesai 1917, konz lidnanznamad läksiba kävutamižespäi.

Konz oli udessündutadud Petroskoin lidnanznam vodel 1991 tegihe ičeladuine lidnanznamoiden vajehtuz kahten lidnan keskes, konz oli ottud homaičushe Petroskoin lidnanznam, miččel oli vahvištadud simvol oficialižen vahvištusen mödhe 22. semendkud (2. kezakud) vodel 1784, mitte ühtenzoiti ühtes ščitas kaks' lidnanznamad: oficialižesti se oli Petroskoin lidnanznam XVIII—XX voz'sadoil da elos oli Petroskoin lidnanznamnecil-žo aigal. Muga Petroskoin nügüdläine lidnanznam laskeb endevanhad gerel'dik-juridišt kazusad, ühtenzoitab kaik simvolad, miččed om istoriližesti sidotud Petroskoin lidnanke da oma sen tarbhaine geral'dine jäl'gestuz.

Edel revol'ucijad

Petroskoin ezmäine lidnanznam oli vahvištadud 16. elokud vodel 1781. Sikš ku siloi Petroskoi mülüi Novgorodan namestničestvaha, lidnanznaman (ven.) (vep. ülembaižes palas oli ozutadud Novgorodan simvolik:

XVIII voz'sadan lopun lidnanznam

Ščitan ülembaižes palas hobedaižes pöudos oma kuldaižed ištimed, miččil venub rusked pöluz, miččen päl seižuba ristati oiktas polespäi skipetr, huras polespäi ištimiden päl om tohuzpidim, kus om koume polttud tohust, kahtes polespäi seižub kaks' kondjad, alembaižes palas jagatud erimujuižihe pöudoihe - kuldaižes da vihandas päudos om koume raudmalatad, miččed om kattud rudanecijal lozal, kut znam, miše tägä om äi rudad da zavodoid.

Petroskoi oli Oloncan namestničestvan (1784—1796) da Oloncan gubernijan (1801) administrativine keskuz. Om kaitud äi todištusid, miše XVIII voz'sadan keskes Petroskoiš kävutadihe Oloncan lidnanznamad. Oloncan ujezdanlidnal oli Petroskoin voden 1781 lidnanznam. Muga lidnad vajehtihe lidnanznamoil^[3]. Lidnanznaman tedod:

Kuldaižes pöudos pil'vespäi lähteb käzi, mitte pidäb sinižen ščitan, a käden al čepil om nel'l' jadrad.

Sovetskii aig

Vaumičemine lidnan jubilejannoks da lidnoiden-velliden (ven.) (vep. sündumine päivlaskmanpoles, kus oliba endevanhad lidnanznamad, kingitiba enamba homaitust lidnalaižehe simvolikaha.

Voden 1973 lidnanznam

23. vilukud vodel 1973 Petroskoin lidnalaižen ispolkoman pätusel oli tehtud konkurs udele lidnanznamale. 21. kezakud necil-žo vodel ispolkom vahvišti lidnanznaman, mitte oli tehtud arhitektoroiden E. B. Adajevan da T. V. Kovalevkajan projektan mödhe. Lidnanznaman oficialižed tedod:

Lidnanznamal om ščit, mitte om jagatud gorizontaližesti kahthe palaha. Alahaižes palas om Petroskoin vanhan lidanznaman element, mitte oli vahvištadud völ vodel 1781. Jagatud kuldaižel da vihandal pöudol om koume malatad, miččed oma "tägälaižiden äjiden rudoiden da zavodoiden" simvolad, ozutaba eläbad radon väged.
Veneh om seižutadud Änižjärven randal lidnan, levedoiden sidoiden da Petroskoin portan znamoišendan simvol. Pureh om kut metallan libo bumagan lehtez, mitte pagižeb nügüd'aigaližes Petroskoin tegeližudes. Kantele, miččes pajatihe "Kalevalas" kut "rahvahan igähižes ilos", om karjalaižiden ozan, vouvhan tuleban aigan da mugažo lidnan kehitoitusen simvol. Purehes om lidnan augondpanendan voz' 1703.
Sovetskijan simvolikan elementoikš tuliba rusked flag, mitte lopib lidnanznaman keskpalan kompozicijad. Ülembaižes palas — lidnan nimi.

Lidnanznam vozil 1991—2016

Petroskoin lidnanznam (avtor — taidehpirdai O. V. Čumak)^[4] om vahvištadud Rahvahaližiden deputatoiden nevondišton Petroskoin lidnalaižen nevondišton käsköl (V sessii XXI kucund) 19. sulakud vodel 1991:

Vodel 1991 lidnanznam

Petroskoin lidnanznamas om ščit, mitte om jagatud kahthe ühtejiččehe palaha. Ščitan ülembaižes palas kuldaižes pöudos om ozutadud lähttud oiktas bokaspäi, hobedaižes pil'vespäi käzi, mitte om kätud südäimehe da pidetud hobedan ovalanvuiččen ščitan, miččen al om nel'l' mustad jadrad, ned om ühtenzoittud ristati mustil čepil. Petroskoin lidnanznam alembaižes palas jagatud koumel vihandal da kahtel kuldaižel pöudol om koume raudmalatad, "necen agjan äjiden rudoiden da zavodoiden znamaks"^[5].

Lidnan oficialižen simvolikan kävutoitamižen sändod reklamas da toižiš azjoiš märitadas Petroskoin lidnan nevondišton pätusel.

Vodhesai 2009 kävutadihe "vär" lidnanznam. Tämbei necil lidnanznaman variantal om tehtud kut stell, mitte om pandud lidnan administracijan da petrosovetan pertiden seinil.

Homaičendad

↑ Герб города Петрозаводск | Геральдика.ру (неопр.). geraldika.ru. Дата обращения: 22 tal'vkud 2025. Архивировано 9 tal'vkud 2016 года.
↑ ¹ ² Символика города (неопр.). petrozavodsk-mo.ru. Дата обращения: 22 tal'vkud 2025.
↑ Геральдика.ру. Уникальный случай Российской геральдики (О том, как Олонец и Петрозаводск обменялись гербами) (неопр.). Дата обращения: 22 tal'vkud 2025. Архивировано 22 redukud 2012 года.
↑ Неизвестный Олег Чумак (неопр.) (недоступная ссылка — история). Дата обращения: 22 tal'vkud 2025.
↑ Геральдика.ру. Герб города Петрозаводск (2001 г.) (неопр.). Дата обращения: 11 heinkud 2025. Архивировано 22 redukud 2012 года.

Lähtked

[1] Герб города Петрозаводск | Геральдика.ру (неопр.). geraldika.ru. Дата обращения: 22 tal'vkud 2025. Архивировано 9 tal'vkud 2016 года.

[petrozavodsk-2] ¹ ² Символика города (неопр.). petrozavodsk-mo.ru. Дата обращения: 22 tal'vkud 2025.

[3] Геральдика.ру. Уникальный случай Российской геральдики (О том, как Олонец и Петрозаводск обменялись гербами) (неопр.). Дата обращения: 22 tal'vkud 2025. Архивировано 22 redukud 2012 года.

[4] Неизвестный Олег Чумак (неопр.) (недоступная ссылка — история). Дата обращения: 22 tal'vkud 2025.

[5] Геральдика.ру. Герб города Петрозаводск (2001 г.) (неопр.). Дата обращения: 11 heinkud 2025. Архивировано 22 redukud 2012 года.

[1]

[2]

[3]

[4]

[5]