Paginad tärktoiš azjoiš

Рувики-späi

Paginad tärktoiš azjoiš (ven.:  Разговоры о важном) — klassan irdpoližed urokad, miččed vedädas Venäman školiš da miččed oma omištadud valdkundan istorijale, tradicijole da kul'turjälgendusele. Oma mülütadud školprogrammaha vodel 2022. Ezmäižen urokan vedi Venäman prezident Vladimir Putin 1. sügüz'kud vodel 2022 Kaliningradas. Vodelpäi 2025 om sätud Ühthižvenälaine "Paginad tärktoiš azjoiš"-premii, mitte avaidab necen openduzpredmetan parahimid opendajid da openduzpraktikoid.

Vladimir Putin vedäb ezmäižen urokan.
1.09.2022, Kaliningrad

Istorii

Tarbhaižen klassan irdpoližen urokan otandas školprogrammaha tedottihe 20 . kezakud vodel 2022 ven.: «Знание»-sebran ištundal. Openduzvoden augotišeks Venäman openduzministerstv (ven.) (vep. vaumiči metodiknevondad opendajiden täht[1]. Venämal radoi 700 tandreht, kus openziba udeks openduzpredmetaks klassan ohjandajid[2].

Ezmäižen "Paginad tärktoiš azjoiš" urokan vedi Venäman prezident Vladimir Putin 1 .sügüz'kud vodel 2022 radmatkan aigan Kaliningradas. Avoinuden urokan täht kuctihe tedon, kul'turan da sportan olimpiadoiden da konkursoiden vägestajid, kudambad tuliba Kaliningradaha erazvuiččiš Venäman lidnoišpäi. Urokal ei olend üht temad; ühtnikad starinoičiba prezidentale tärktoiš heiden täht azjoiš da tegiba küzundoid tedos, istorijas, ekologijas da toižid. Urokan stenogramm om paindud Venäman Prezidentan saital[3].

Venäman kaikiš školiš ezmäine "Paginad tärktoiš azjoiš" urok oli openduzvoden ezmäižen ezmärgen, 5. sügüz'kud. Urokan tem oli Tedoiden päiv-praznik. Temad oma märitud edel jogahižen nedalin täht openduzvoden lophusai, niiden keskes istorian azjtegod, tetabiš ristituiš elostarinad, Venäman praznikad, socialižed tarbhaižed projektad da toižed[4].

Materialad urokoiden täht vaumiči Venäman openduzakademijan Opendusen kehitoitusen strategijan institut[5]. Temoiden da urokoiden planoiden valičendan pohjal oma tedotöd, pedagogine literatur da normativ-oiktuližed azjbumagad[6]. Projektan todenzoitab Laps'aigan, kanzan da kazvatusen oppindon institut.

Vodelpäi 2024 "Paginad tärktoiš azjoiš" vedädas päivkodiš lapsiden täht, kudambile om enamba 5 vot. Taričendan ezitiba päivkodiden lapsidenkazvatajad, kudambad vediba urokoid augotižškolan openikoiden metodikan mödhe päivkodin vanhembiš da vaumičendgruppiš da homaičiba, miše lapsile oma melentartuižed taritud temad[7]. Ezmäižed Venämal vilukus vodel 2025 urokan mänettihe Vologdan päivkodid[8].

1. sügüz'kud vodel 2025 Venäman tedištelusen ministerstv pästi eloho "Paginad tärktoiš azjoiš"-programman aprobacijad päivkodin lapsiden täht Venäman 22 regionas[9][10].

Urokan järgenduz

Urokan pidab vedäda kerdan nedališ, ezmäižen urokan ezmärgen. Urok om tarbhaine kaikiden openikoiden täht 1. klassaspäi — 11 klassahasai. Jogahine urok zavodiše Venäman gimnal da valdkundaližen flagan libutandal.

Joga urokan täht oma tehtud metodikmaterialad. Ned jagasoiš 5 kategorijaha openikoiden igän mödhe: 1 — 2 klassad, 3 — 4 klassad, 5 — 7 klassad, 8 — 9 klassad, 10 — 11 klassad. Völ om materialoiden kategorii, miččed om tehtud kesktedomahtoižen opendusen kolledžoiden täht[11].

Jogahižehe kategorijaha mülüb urokan südäimišt da metodikmaterialad, videorolikad, prezentacii da plakat, miččen voib kävutada urokan kuvaks. Vanhembiden openikoiden täht om tehtud ližamaterialad. Oletase, miše ezmäi openikad kactas video, jäl'ges tehtas interaktivižen harjoitusen da lopiše urok paginal. Opendai voib valita, kävutada taritud südäimišt da materialad vai vedada urokan toižes formatas[4].

Äjiden temoiden mödhe kirjutadas video federaližiden skiperoidenke, kudambad oma valitud temoiden azjtedajad. Muga, "Venäman legendad" teman mödhe ezini Gosduman varapämez' P'otr Tolstoi, "Volont'oran päiv" teman mödhe — ven.: «Старость в радость»-fondan augonpanii Jelizaveta Oleskina, "Venäma — terveh ma" teman mödhe — olimpikčempion Maksim Tran'kov. Video om kirjutadud dialog-formas: skiperad andaba vastused lapsiden küzundoihe[4].

Materialad urokoiden täht pandas oficialižele "Paginad tärktoiš azjoiš" saitale. Kaik materialad voib kebnas otta, sen lugus i enččiden voziden arhivižed.

Premii

Vodeks 2025 Venämal mäni 105 "Paginad tärktoiš azjoiš"-urokad, miččihe ühtni enamba 20 millionad openikad. Federaližikš skiperoikš tegihe 120 valdmest da federaližiden azjmehištoiden ezitajad. Openduzmaterialoiden vaumičendaha ühtniba venälaižed päkompanijad: ven.: Российские железные дороги, ven.: Росатом, ven.: Сбербанк, ven.: Первый канал, ven.: Артек, ven.: Российское военно-историческое общество da toižed.

Homaites projektan sociališt znamoičendad, pättihe säta jogavoččen ühthižvenälaižen "Paginad tärktoiš azjoiš"-premijan. Premijan ramkoiš pauklahjoičend om nellän nominacijan mödhe:

  • Parahim voden pagištoituz;
  • Parahim videoanonsoiden vedäi;
  • Parahim partn'oroiden openduzurok;
  • "Ezmäižed. Paginad tärktoiš azjoiš"-serialan parahim akt'or (serii).

Opendajiden täht om tehtud eriline "Tege tärktan paginan"—nominacii. Konkursaha voidas ühtneda tegijoiden urokoiden planoiden vaumičendad, metodikmaterialad, urokoiden paginoiden videokirjutesed.

Laudkundan joukus oma Kazvatusen, kanzan da laps'aigan institutan radnikad, Ühthižvenälaižen kazvatajiden komitetan ezitajad da "Kazvatada mest"-konkursan finalistad[12].

Homaičendad

  1. ↑ «Разговоры о важном» в школе: что это и какие темы обсуждаются, Коммерсантъ (11 vilukud 2024). Дата обращения: 10 tal'vkud 2025.
  2. ↑ Кравцов: «Разговоры о важном» позволят интересно рассказать о ценностях и истории России. Минпросвещения России. Дата обращения: 10 tal'vkud 2025.
  3. ↑ Открытый урок «Разговор о важном», Президент России. Дата обращения: 10 tal'vkud 2025.
  4. ↑ 1 2 3 Разговоры о важном. Министерство просвещения Российской Федерации. Дата обращения: 10 tal'vkud 2025.
  5. ↑ Все параметры шаблона {{cite web}} должны иметь имя. Разговоры о важном. Методические рекомендации. Институт стратегии развития образования.
  6. ↑ Классный час "Разговоры о важном" 2025-2026: что это такое, программа, темы уроков, Комсомольская правда. Дата обращения: 10 tal'vkud 2025.
  7. ↑ Путин поддержал идею проводить "Разговоры о важном" в детских садах, РИА Новости (3 redukud 2024). Дата обращения: 10 tal'vkud 2025.
  8. ↑ Власти Вологды первыми в стране ввели еженедельные «Разговоры о важном» в детсадах, Известия (21 vilukud 2025). Дата обращения: 10 tal'vkud 2025.
  9. ↑ В детских садах с сентября появятся уроки о важном, BFM.ru (19 elokud 2025). Дата обращения: 10 tal'vkud 2025.
  10. ↑ Минпросвещения запустит программу «Разговоры о важном» в детских садах - Газета.Ru | Новости, Газета.Ru (19 elokud 2025). Дата обращения: 10 tal'vkud 2025.
  11. ↑ Разговоры о важном в колледже: как организовать внеурочные занятия для СПО. Единый всероссийский институт дополнительного профессионального образования. Дата обращения: 10 tal'vkud 2025.
  12. ↑ Старт первой Всероссийской премии «Разговоры о важном» (12 semendkud 2025). Дата обращения: 10 tal'vkud 2025.
© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».
Om sadud "https://vep.ruwiki.ru/w/index.php?title=Paginad_tärktoiš_azjoiš&oldid=502894"