Paaso

Paaso
	Arheologine muštpacaz
Paaso
	61°43′55″ с. ш. 30°41′59″ в. д.GЯO
Valdkund	Venäma;
Местоположение	Sortavala
Status	Venäman rahvahiden kul'turjäl'gestusen objekt federaližel znamoičendal. Рег. № 101540275940006 (ЕГРОКН). Objekt № 1001499000 (БД Викигида)
	Mediafailad RUWIKI-tedoiš

Paaso (ven.: Паасо) om amuižiden karjalaižiden lidn Paasonvuori-mägel läz Sortavala-lidnad. Lidnan löuzi vozil 1880 suomalaine arheolog Otto Appel'gren. Nimi voib olda sündui suomen Paaso-sanaspäi, mitte venän kelel znamoičeb "pagast", vai paaso voib olda lapak kivi vai plita. Völ om versii, miše se sündui ičeze nimespäi. Nügüd'läižes Suomes paksus vastasoiš mugomad familijad, miččiden pohjas om nece sana, ozutesikš, — Paasio. Sen mel'pidon mödhe, necel tahol voi eläda Paaso-sugu, mitte andoi-ki nimen lidnale.

Paasonvuori-mägi

Tedod

Paaso sijadase korktal mägel^[1] läz Karmalanjärved da Helülänjoged. Lidnan pind om läz 1000 m². Päkaivandad oliba sid' vozil 1970 voz'sadal XX. Om löutud kuverz'-se kümenikoid keramikan pilazmoid, noliden da keihiden nökuid da suren veičen jänduz.

Arheologad oma sidä mel't, miše lidnan tehtihe voz'sadoiden XII—XIII aigan, no voib olda se oli-ki edel vikingoiden aigan, sikš ku necel tahol voz'sadoiden VII—VIII aigan jo eliba suomalaiž-ugrilaižed heimod.

Lidn Paaso-mägel ei olend sijaližen rahvahan kaikenaigaine eländtaho, a oli peituztaho, kuna voi tulda oldes varuvaldas.

Suvipautkel mägenladvaha mäneb lapak tehut, neces polespäi oli tulend lidnaha, mitte oli vahvištoitud valal da puižil verajil. Maval kiviplitoišpäi mugažo kaiči lidnan päivnouzman polen. Mägenladval oli sauvotud elotahod alandusidenke ei surišpäi kivišpäi, miččel ei olend kingituzsegoitust. Elotahoiden südäimes oliba kehkerforman leded (ven.) (vep.. Arheologižiden kaivaidoiden aigan S. I. Kočkurkinan ohjandusel, oli löutud seičeme elotahod, miččed seižuiba šahmatjäl'genduses. Niiden sijaduz ozutab, miše elosauvotusil Paasonvuori-mägel oli polestuzfunkcii. Elotahoiden üläpol' oli puine, sauvosen vuitte. Keskaigaks Paaso-lidnas voi eläda sada mest.

Paaso-lidnan istorii jatksihe voz'sadahasai XIV. Sid' löutud äiluguižed juvelirčomitesed, elomišton kalundišt, astjoiden jändused da pažagan jäl'ged ozutadas, miše eläjad koliba vai rigehtusiš läksiba poiš.

Völ om löutud mäton jändused, ka voib meletada, miše ristitud saubatusen aigan (ven.) (vep. voiba tehta vai koheta oružjan, ozutesikš noliden da keihiden nökuid.

Paaso-lidn tegihe Kul'turjäl'gestusen objektaks federaližen znamoičendad Karjalan valdmehišton pämehen käskon № 142-р mödhe 12. elokud voden 1994^[2].

Homaičendad

↑ Кочкуркина, Светлана Ивановна. Археологические памятники Корелы V—XV вв. — Л.: «Наука», Ленинградское отделение, 1981. — 158 с.Архивная копия от 20 heinkud 2021 на Wayback Machine (Дата обращения: 27 tal'vkud 2025)
↑ Список объектов культурного наследия и выявленных объектов культурного наследия, находящихся на территории Сортавальского муниципального округа (рус.). monuments.karelia.ru. Дата обращения: 27 tal'vkud 2025.

Lähtked

Легендарная Карелия. Городище Паасо

[1] Кочкуркина, Светлана Ивановна. Археологические памятники Корелы V—XV вв. — Л.: «Наука», Ленинградское отделение, 1981. — 158 с.Архивная копия от 20 heinkud 2021 на Wayback Machine (Дата обращения: 27 tal'vkud 2025)

[2] Список объектов культурного наследия и выявленных объектов культурного наследия, находящихся на территории Сортавальского муниципального округа (рус.). monuments.karelia.ru. Дата обращения: 27 tal'vkud 2025.

[1]

[2]