Mujezerskii
| Mujezerskii | |||||
|---|---|---|---|---|---|
| Fail:Muyezerskii01.jpg | |||||
|
|||||
| 63°56′00″ с. ш. 31°39′00″ в. д.GЯO | |||||
| Valdkund | |||||
| Eläjad | |||||
| Eläjad |
|
||||
| Lugud | |||||
| Telefonan kod | 81455 | ||||
| Počtan indeksad | 186960 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
.jpg)
Mujezerskii (ven.: Муезерский, karj.: Mujejärvi, suom.: Mujejärvi / Muujärvi) om Venäman lidnanvuitte žilo Karjalan Tazovaldkundan keskuzpalan päivlaskmas. Se om Mujezerskijan rajonan administrativine keskuz da kaikiš suremb eländpunkt, mugažo Mujezerskijan lidnankundan keskuz da sen üks'jäine eländpunkt.
Istorii
Eländpunktan aluz om pandud 16. voz'sadal kuti Mujezero-külä. Toižen mail'man sodan aigan külä oli muretud. Vl 1962 Päivlaskmaine Karjalan raudte ühtenzoiti küläd Sojärvenke. Vl 1965 žilo Mujezerk-raudtestancijanno sai lidnanvuiččen žilon statusad, nimitihe žilod nügüdläižikš.
Vl 1966 tal'vkun 30. päiväl Mujezerskijan rajonan aluz om pandud, Mujezerskii-žilo kändihe sen administrativižeks keskuseks.
Geografijan andmused
Žilo sijadase rajonan keskuzpalas, enččiden Reboli- da Rugjärv-rajonkeskusiden kesktahos, Mujezerk-jogen hural randal tobjimalaz. Mec ümbärdab žilod. Žilon pen' pala sijadase 15 km päivlaskmha Mui-järven lodehližel randal. Matkad Petroskoihesai om 270 kilometrad suvipäivnouzmha orhal, 375 km raudtedme, 440 km avtotedme. Lähembaine lidn om Kostamukš, 97 km lodeheze orhal.
Klimat om ven. Voden keskmäine lämuz om +1,3 C°.
Tobmuz
Kaik 10 ezitajad mülüdas Lidnankundan Nevondkundha (ven.: Совет поселения). Valitihe heid järgenduseližen kerdan vn 2013 sügüz'kun 8. päiväl (koumanz' kucund)[2].
Lüdmila Barinkova radab lidnankundan pämehen vn 2013 sügüz'kun 8. päivän valičendoiden jäl'ghe. Hänen valdatusiden strok om viž vot.
Eläjad
Kaikiš suremb žilon ristitišt oli 4 400 eläjad vl 1989. Vn 2002 Venäman rahvahanlugemižen mödhe eläjiden lugu oli 4 007 ristitud, vl 2010 — 3 328 ristitud. Rajonan ristitišton kaks' seičemendest eläb žilos.
Ortodoksižen hristanuskondan Jumalanmaman «Kaiken car'ak»-jumalaižen (ven.: «Всецарица») pühäpert' om žilos.
Ižanduz da transport
Ižandusen sarak oma mecižandusen edheotand.
Sojärv — Kostamukš-raudtekeskust läbitab žilod, Mujezerk-raudtestancii om siš.
Kul'turpert' i rajonan kirjišt ratas žilos. Opendusen aluzkundad oma keskškol da čomamahtoiden lapsidenškol.
Galerei
- Муезерский, администрация.jpg
Rajonan administracijan sauvuz i skver (2021)
- Муезерский, церковь иконы Всецарица (2).jpg
Jumalanmaman «Kaiken car'ak»-jumalaižen pühäpert' (2021)
- Муезерский, дом культуры.jpg
Kul'turkeskuz vl 2021
- Муезерский, ул.Гагарина, братская могила 10-267 (1).jpg
Rajonan läžundkodi i nevondkundaližiden röunmansodamehiden velleskaum (2021)
- Стация Муезерка.jpg
Mujezerk-raudtestancii vl 2021
Homaičendad
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Выборы депутатов Муезерского городского поселения третьего созыва (Mujezerskijan lidnkundan ezitajiden valičendad — koumanz' kucund). — Tedod mänijoiš valičendoiš da referendumiš // Venälaižen Federacijan keskuzline valičemižlaudkund (vybory.izbirkom.ru). (ven.)