Mujezerskan Stroican monastir'
| Monastir' | |
| Mujezerskan Stroican monastir' | |
|---|---|
_-_panoramio.jpg) | |
| 64°37′35″ с. ш. 33°22′11″ в. д.GЯO | |
| Valdkund |
 Venäma |
| Belomorskan rajon | Uškovo[d] |
| Uskond | Ortodoksine uskond |
| Jeparhii | Kostomukšan |
| Tip | mužikoiden |
| Tegii | Kassian Mujezerskan |
| Ezmäine johtutez | 1573 |
| Sündundpäiv | XVI век |
| Loppäiv | 1764 |
| Status |
 Venäman rahvahiden kul'turjäl'gestusen objekt federaližel znamoičendal. Рег. № 101510247600006 (ЕГРОКН). Objekt № 1010010000 (БД Викигида) Venäman rahvahiden kul'turjäl'gestusen objekt federaližel znamoičendal. Рег. № 101510247920006 (ЕГРОКН). Objekt № 1010011000 (БД Викигида) |
| Rad | om saubatud |
 |
|
 Mediafailad RUWIKI-tedoiš | |
Mujezerskan Stroican monastir' (ven.: Муезерский Троицкий монастырь) om Venäman ortodoksižen jumalanpertin saubatud mužikoiden monastir' Karjalas, mitte om koumes kilometras Uškovo-küläspäi. Sijadase Mujezeron Stroic-sarel[1].
Istorii
Mujezerskan monastirin tegi voz'sadal XVI solovetskii monah Kassian Mujezerskan (elon da kanonizacijan polhe ei ole tedoid, om mülütadud Novgorodan pühämehiden lugetišehe) Pühä Stroican muštoks[2].
Vodel 1580 Mujezerskan monastir' vojevodan Kiprijan Oničkovan ohjandusel vägesti ročilaižiden anastusen, kudambiden lugumär oli 3 tuhad mest.
Jekaterina II käskon mödhe vodel 1764 monastir' oli saubatud, jumalanpertid pit'kan aigan oliba kirjutadud Maslozerskan prihodaha, ičeze pertid paiden täht ei olend.
Jäl'ghe sauptandad monastiriš voz'sadal XVIII eliba vanhuskondan monahad, om kaičenus vahnah uskondan kaumišt[3].
Nügüd'aigahasai kaičihesoiš Nikolan jumalanpert' (om udištadud vodel 1976), kerdan vodes jumalanpertiš vedädas loičendad; Pühä Spasan obrazan časouvn'.
Kaičihe grob-časoun', kus om grob ühten monastirin sauvojan, voib olda, Kassian Mujezerskan, pühäjändusidenke (toižiden tedoiden mödhe, prepodobnii Kassian koli Spaso-Preobraženskan Kenskan monastiriš da sidä jäl'ghe hänen pühäjändused sirttihe Antonijevo-Siiskan monastirihe).
RSFSRan ministroiden nevondišton käskon № 624 mödhe 04.12.1974 Nikolan jumalanpert' da časoun'ad tedotadihe arhitekturam muštpachikš — Venäman kul'turjäl'gestusen objektoiš[4].
12. tal'vkud vodel 2014 Karjalan kul'turministerstvas oli Kostomukšan da Kemin Ignatii-jepiskopan da kul'turministran Jelena Bogdanovan vastuz, miččel pagišttihe Mujezerskan Stroican mužikoiden monastirin udessündutamižes[5][6].
Arhitektur
Monastiriš oli Pühä Stroican jumalanpert' (ei ole kaičenus)[7].
Moskvan Rusin puižiden sauvotusišpäi, miččed om tehtud aigemba voz'sadan XVII kesked da kaičihe nügüd'aigahasai om jänu lujas vähä. Ned oma arvokahad sikš, ku abutadas ozutada venälaižen puižen arhitekturan kehitoitandad. Mujezeran Nikolan jumalanpert' mülüb niiden keskhe. Znamoičendan mödhe se mülüb jumalanpertid-sömsijoiden keskhe, miččed voz'sadan XVI augotišespäi sauvottihe Venäman monastiriš.
Vodel 1602 oli saudud läm' puine pit'kähkon nellikon formas Nikolan jumalanpert', katuz pordhiden da altarin päl om kaks'poline ühten pänke da keihaz-ristanke. Jumalanpertiš voz'sadal ΧVI vai möhemba jumalanpertin endištusen aigan oli tehtud unikaline puižen arhitekturan täht lämbituzsistem päčišpäi, mitte seižui sömsijan podkletas[8].
Vozil 1970 jäl'ghe jumalanpertin oppindod A. V. Opolovnikovan ohjandusel ühtes I.N. Šurginanke oli vaumitud projekt da tehtud täuz' jumalanpertin endištuz[9].
Völ monastiriš oli kellončuhu, Pühä Spasan obrazan klet'časoun', miččes oma puine 4-metrine rist, miččen tegi vanh Aleksei vodel 1672 da 3-metrine rist.
Nikolan jumalanpertin altariš oli rist kirjutesenke: ven.: «поставил сий крест первоначальной старец инок Генадей лета 7081 (1573) августа в 11 день». Voziden 1960 augotišes Venälaižen muzejan tedištuzjouk vei ristan Leningradaha.
Monastirin ižandoiden lugetiž
- Nikandr, igumen (Feodor Ioannovičan valdan aigan);
- Firs, igumen vozil 1600—1606;
- Gennadii vodel 1606;
- Makarii, igumen vodel 1611;
- Firs, igumen vodel 1613;
- Makarii, igumen vodel 1620;
- Savva, sauvoi vozil 1638—1641;
- Veniamin, igumen vozil 1644—1651;
- Simeon, sauvoi, ieromonah vozil 1653—1654;
- Nafanail, sauvoi, ieromonah vodehesai 1680;
- Pahomii, sauvoi vozil 1704—1706;
- Jepifanii vodel 1714;
- Varlaam vodel 1719;
- Filaret vozil 1721—1722[10].
Homaičendad
- ↑ Троица, остров. Муезерский Троицкий монастырь. Дата обращения: 26 vilukud 2026.
- ↑ Минеева И. Н. Почитание прп. Кассиана Муезерского в Карельском Поморье. Дата обращения: 26 vilukud 2026. Архивировано 19 redukud 2016 года.
- ↑ Муезерский Троицкий монастырь. Дата обращения: 26 vilukud 2026. Архивировано 9 elokud 2016 года.
- ↑ Список объектов культурного наследия (памятников истории и культуры), находящихся на территории Беломорского муниципального района. Дата обращения: 26 vilukud 2026. Архивировано 23 sügüz'kud 2018 года.
- ↑ https://web.archive.org/web/20161022084315/http://od.obsheedelo.ru/index.php?category=data&webpage=407. Дата обращения: 26 vilukud 2026.
- ↑ Обзор выступлений на Круглом столе. Дата обращения: 26 vilukud 2026.
- ↑ Краткое историческое описание приходов и церквей Архангельской епархии. Вып. 3.. — Архангельск, 1896. — 154 с.
- ↑ Шургин И. Н. Никольская трапезная церковь на Муеозере // Реставрация и исследования памятников культуры. Вып. 2. — М., 1982. — С. 89—95.
- ↑ Карелия: энциклопедия: в 3 т. / гл. ред. А. Ф. Титов. Т. 3: P — Я. — Петрозаводск: ИД «ПетроПресс», 2011. — С. 270. — 384 с. — ISBN 978-5-8430-0127-8.
- ↑ Строев П. М. Списки иерархов и настоятелей монастырей российской церкви. — СПб., 1877. — 1002 с.
Literatur
- Шургин И. Н. Никольская трапезная церковь на Муеозере // Реставрация и исследования памятников культуры. Вып. 2. — М., 1982. — С. 89—95.
- Titova, T. Mujejärven Troitskinsaarella oli ennen luostari. 29. heinäkuu. (№ 29) // Karjalan Sanomat. — Петрозаводск: Периодика, 2009. — С. 6.
- Titova, T. Троицкий остров [озера Муезеро]. 16 июля (№ 28) // Беломорская трибуна. — Петрозаводск: Периодика, 2009. — С. 4.