Menzelinsk

Menzelinsk
Герб
55°43′00″ с. ш. 53°05′00″ в. д.
Valdkund	Venäma
Istorii da geografii
Tegemižen päiv	1586
Высота	90
Aigvö	UTC+3[d]
Eläjad
Eläjad	▼15 846 чел. (2023)
Lugud
Telefonan kod	85555
Počtan indeksad	423700
Официальный сайт
Mediafailad RUWIKI-tedoiš

Menzelinsk (ven.: Мензели́нск, tot.: Минзәлә / Minzәlә) om Venäman lidn da lidnankund Tatarstanan Tazovaldkundan pohjoižpäivnouzmas. Se om Menzelinskan rajonan administrativine keskuz i üks'jäine lidn.

Istorii

Eländpunktan aluz om pandud 16.−17. voz'sadoil kuti kaičendlidnuz kalaidajiden rahvahiden hogahtusespäi. Nimitihe jogen mödhe. Žilo lidnusenke saiba makundan lidnan statusad vl 1781.

Menzelinsk šingotase sömtegimištol (südäiveded, mineraline vezi), sauvondal, avtotransportan i maižanduztehnikan kohendusen edheotandoil, meblin tehmižel lapsiden täht.

Geografijan andmused

Lidn sijadase läz Menzel'-jogensud (tot.: Минзәлә, ven.: Мензеля, 123 km pitte), Kamanjogen hural randpolel (Alakaman vezivaradim), 90 m keskmäižel korktusel valdmeren pindan päl. Matkad Kazanihesai om 292 km päivlaskmha. Lähembaine järed lidn om Jarčalli 50 km päivlaskmha «Volg»-avtotedme (M7), trass om lidnan suvipäivlaskmaižeks röunaks.

Menzelinsk om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 16 476 ristitud, rajonan ristitišton koume videndest. Vl 1979 i vspäi 2002 om enamba mi 16 tuhad eläjid, kaikiš suremb ristitišt oli 17 153 eläjad vl 2017.

Rahvahad (enamba 1% vn 2002 rahvahanlugemižen mödhe): venälaižed — 50,2%, totarlaižed — 45,2%, marilaižed — 1,7%; toižed rahvahad — 2,9%.

Islaman kaks' pühäpertid oma avaitud: pämečet' i vn 2012 mečet' M7-trassanno. Ortodoksižen hristanuskondan nell' pühäpertid oma olmas lidnas: ph. Mikulai-čudonsädajan päjumalanpert', kaks' jumalanpertid, mugažo Illä-endustajan naižjumalankodin (1860) sauvused oma kaičenus.

Menzelinskan maižanduztehnikum, pedagogine kolledž i medicinine škol oma professionaližen opendusen aluzkundoikš.

Galerei

• Дом купца А.Пасмурова.jpg

  Lidnan i rajonan tobmuden sauvuz (2021, ende A. Pasmurov-torgovanan pert')

• Соборная Мечеть.jpg

  Islaman pämečet', vn 2021 nägu

• Никольский Кафедральный Собор.jpg

  Ph. Mikulai-čudonsädajan päjumalanpert', vn 2021 nägu

• Дом, где учился Муса Джалиль.jpg

  Pedagogine kolledž Musa Džalilän nimed hänen muzejanke (2021)

• Здание народной аудитории г.Мензелинск.jpg

  Menzelinskan dramteatr vl 2021

Homaičendad

Irdkosketused

• Lidnan da Menzelinskan rajonan sait (menzelinsk.tatarstan.ru) Tatarstanan Tazovaldkundan tobmuden aluzkundoiden oficialižel portalal. (tot.) (ven.)
• Lidnan informacine sait (menzelinsk.ru). (ven.)

Šablon:Tatarstanan Tazovaldkundan lidnad