Mark Pimenovan sild

Рувики-späi
Mark Pimenovan sild
Мост Пименова 2.jpg
61°47′09″ с. ш. 34°23′21″ в. д.GЯO
Kävutamižen oblast' avto- da käveluzsild
Ristikoičeb Lososinka-jogi
Konstrukcii
Konstrukcijan tip puine (kivialandusel)
Irdlikundan matkad 2
Kävutamine
Avaiduz 1848
Логотип РУВИКИ.Медиа Mediafailad RUWIKI-tedoiš

Mark Pimenovan sild (ven.: Мост Марка Пименова, enččed nimed: Keskmäine, Pimenovan, Zareckii) om üks' vanhišpäi sildoišpäi Lososinka-joges päliči Petroskoiš, Lunačarskovan irdal.

Istorii

Om nimitadud ezmäižen Petroskoin arvostadud rahvahanikan, tetaban voz'sadal XIX petroskolaižen biznesmehen da hüväntegijan — ezmäižen gil'dijan vepsläižen kupcan Mark Pimenovič Pimenovan (1799—1865) muštoks[1]. Mark Pimenov ühtni päsauvotusiden sauvondaha, sen lugus Aničkov sild Piteriš[1], da oli Petroskoi-lidnan pämehen vozil 1853—1854[2].

Om tehtud vodel 1848 petroskolaižen ezmäižen gil'dijan kupcal Mark Pimenoval (toižiden tedoiden mödhe vodel 1854[3]). Nece oli puine sild kivisižel alandusel. Sild oli lähen Pimenovan pertid, miččen möhemba hän lahjoiči lapsiden prijutan täht (nügüd' nece om tervhuz'organizacijan pert' Lunačarskovan irdal, om saubatud udištusele)[4].

Vodel 1859 М. P. Pimenov lahjoiči sildan lidnan omištusele.

Vodel 1910 nece sild tegihe Petroskoin kundaližen gidroelektrovägišton vezisauptusen palaks, kaites ičeze ezmäižen znamoičendan — ajand da astund joges päliči[5].

Valdankumaidusen voden 1917 edel sildan "Pimenovan"-nimi kävutoitihe eländsijan adresan sijas. Vezisauotusel oliba sauvotused da pertid. Vozil 1910 "Pimenovan sild"-adresadme eli Lusman Al'fred Sem'onovič, elektrovägišton ohjandajan abunik.

23. redukud vodel 1918 Petroskoin lidnalaižen nevondišton ispolkoman käskon mödhe Pimenovan sildale anttihe uden Zareckii-nimen.

Vodel 2007 sild oli kohetud[6].

11. kezakud vodel 2013 Petroskoin lidnalaižen administracijan käskon mödhe sildale anttihe "Sild Mark Pimenovan nimel"[7].

20. sulakud vodel 2015 oli sijatud "Sild Mark Pimenovan nimel"-muštznam-ozutez[8].

Mark Pimenovan sildadme 25. talvkuhusai vodehesai 2017 mäni koume ajamiden matkad (Kirovan avoiradan polhe) — trolleibus № 4 da avtobusad № 19 и 25. Matkad oliba heittud sildan kohendusen täht. Vodel 2025 Petroskoin pämez' Inna Kolihmatova tedoti sildan avaiduses[9].

Redukus vodel 2024 oli sildan udištuz: tegiba täuden sildan pälustamižen vajehtusen da alandusen vahvištoituz. Radoiden maks om enamba 4 millionad rubl'ad[10]. Kohendusen pättihe tehta sikš, ku kazvoi likundjugu sildan sauvotusele jäl'ghe sidä, kut oli saubatud udištusele Lobanovan sild[11]. Radod zavodiba 10. redukud vodel 2024, a ajamiden likund oli avaitud jo 17. redukud[12]. Udištusen aigan om vajehtadud sildan pälustamine (puine pohj da asfal'tpälustamine), no sildan sauvotuz täuzin ei olend heittud[13].

Nügüd'aigaižed olod

Vodeks 2026 sild om ajamiden arterii, mitte ühtenzoitab lidnan keskusen Zareka-mikrorajonanke. Jäl'ghe kohendusr vodel 2024 sildan pälustamine om keskoloiš.

Semendkun 3. päiväspäi vodelpäi 2024 ajamiden likund sildadme om märitud juguajamiden täht: om kel'ttüd avtomašinoiden ajad, miččiden jugu om enamb 3,5 tonnad. Ende sen märituz oli enamb 5 tonnad[14].

31. keväz'kud vodel 2025 sildadme möst om pästtud trolleibusan matk, mitte ühtenzoitab lidnan keskusen edahaižiden rajonoidenkde[15]. Sulakus vodel 2025 tehtihe aidan da teznamoiden udištusen, da völ tehtihe sildanno karakohendusen[16][17].

  • Sild vodel 1901

    Sild vodel 1901

  • Пименовский мост Петрозаводск.jpg
  • Мост Пименова Петрозаводск.jpg
  • Мост имени Пименова.jpg

Homaičendad

  1. ↑ 1 2 Марк Пименов — имя в истории Петрозаводска. Карельский научный центр РАН (27 sulakud 2015). Дата обращения: 7 kezakud 2026.
  2. ↑ Пименов Марк Пименович. Имена в истории Карелии. Дата обращения: 7 kezakud 2026. Архивировано 21 tal'vkud 2023 года.
  3. ↑ Родился выдающийся общественный деятель, меценат... Марк Пименович Пименов. Президентская библиотека имени Б. Н. Ельцина (23 redukud 2023). Дата обращения: 7 kezakud 2026.
  4. ↑ Мост через Лососинку // Олонецкие губернские ведомости. 1852. 26 июня. Дата обращения: 7 kezakud 2026. Архивировано 24 tal'vkud 2013 года.
  5. ↑ Ночь. Улица. Фонарь. История городского освещения. Дата обращения: 7 kezakud 2026.
  6. ↑ Мостоотряд Петрозаводск. Дата обращения: 7 kezakud 2026. Архивировано 24 tal'vkud 2013 года.
  7. ↑ Постановление Администрации Петрозаводского городского округа от 11 июня 2013 года № 2396 "О присвоении наименования мосту через реку Лососинку в г. Петрозаводске"
  8. ↑ Торжественное открытие памятной доски. Дата обращения: 7 kezakud 2026.
  9. ↑ Движение по Пименовскому мосту в Петрозаводске открыто. karelia.news. Дата обращения: 7 kezakud 2026.
  10. ↑ Движение по Пименовскому мосту открыли в Петрозаводске. Республика (17 redukud 2024). Дата обращения: 7 kezakud 2026.
  11. ↑ Стала известна стоимость ремонта Пименовского моста. Республика (7 redukud 2024). Дата обращения: 7 kezakud 2026.
  12. ↑ Движение по мосту на Луначарского в Петрозаводске открыли. Московский Комсомолец Карелия (17 redukud 2024). Дата обращения: 7 kezakud 2026.
  13. ↑ В Петрозаводске начался ремонт моста на Луначарского. Московский Комсомолец Карелия (10 redukud 2024). Дата обращения: 7 kezakud 2026.
  14. ↑ Проезд для грузовиков ограничат по Пименовскому мосту в Петрозаводске. Республика (19 sulakud 2024). Дата обращения: 7 kezakud 2026.
  15. ↑ В Петрозаводске запустили троллейбус через Пименовский мост. Республика (31 keväz'kud 2025). Дата обращения: 7 kezakud 2026.
  16. ↑ В Петрозаводске обновят ограждения и указатели Пименовского моста. Республика (9 sulakud 2025). Дата обращения: 7 kezakud 2026.
  17. ↑ В Петрозаводске меняют асфальт на Пименовском мосту. Аргументы и Факты — Карелия (18 sulakud 2025). Дата обращения: 7 kezakud 2026.

Literatur

  • Мосты Петрозаводска // Машиностроитель Карелии. — 2012. — Sulaku (№ 14).

Lähtked

Om sadud "https://vep.ruwiki.ru/w/index.php?title=Mark_Pimenovan_sild&oldid=530530"