Malgobek

	Malgobek
	Флаг
	43°31′00″ с. ш. 44°35′00″ в. д.GЯO
Valdkund	Venäma;
Istorii da geografii
Tegemižen päiv	1934
Pind	17;
Высота	409
Aigvö	UTC+3:00[d]
Ekonomik
Eläjad
Eläjad	▼36 480 чел. (2021);
Lugud
Telefonan kod	8734
Počtan indeksad	386300
-
	Официальный сайт
	lugeda • diskussii • redaktiruida

Malgobek (inguš.: МагӀалбике) om Malgobekan rajonan administrativižeks keskuseks, ei mülü rajonha. Vn 2007 redukuspäi om Venälaižen Federacijan sodahoštusen lidnaks.

Istorii

Nügüdläižen eländpunktan aluz om pandud vl 1934, Voznesenskoje-külä kändihe Malgobek-radnikžiloks samha kivivoid. Vspäi 1939 se om lidnan statusanke.

Malgobek šingotase kivivoin samižen edheotandal, lämuzdiodižiden lampoiden tegimel i sömtegimištol (leibtegim, jauhkombinat). Nevondkundaližen aigan savičuntegim radoi mugažo.

Geografijan andmused

Lidn sijadase Alhančurt-alangištos, 409 m keskmäižel korktusel valdmeren pindan päl. Om ümbärtud mägil: Terekan mägisel'g om pohjoižes, Sunžan mägisel'g om severziš-se kilometriš lidnaspäi suvhe. Matkad Alhančurtan kanalan päivlaskmaine sarak jokseb pidust' lidnan röunad suvipäivnouzmas.

Malgobek om ümbrikon üks'jäine eländpunkt. Kaik nevondkundaližed žilod ümbri lidnas oma hudrad kivivoin samižen da reduvaluiden tagut, pidab sirta niiden eläjid lidnha.

Eläjad

Vn 2010 kaiken Venäman rahvahanlugemižen mödhe eläjiden lugu oli 31 018 ristitud. Vl 2017 lidnan ristitišt oli 36 870 eläjad. Kaikiš suremb lidnan ristitišt oli 55 200 eläjid vl 2000 (lühüdaks aigaks).

Rahvahad (enamba 0,4% vl 2010): ingušad — 89,7%, čečenalaižed — 6,6%, turkad — 1,0%, toižed rahvahad — 0,4%, rahvahuden ozutandata — 0,7%.

Ingušan Islamine universitet Hamathan-Hadži Barzievan nimed^[3], sen kolledž^[4] i privatine Pohjoižkazvkazan sarakoidenkeskeine kolledž (vspäi 2022) oma lidnan professionaližen opendusen aluzkundoikš.

Edeližed Lidnan Administracijan pämehed (municipaližen ühtnikan pämehed) oma Suleiman Egiev (kül'mku 2018 — sügüz'ku 2019) i Šarpudin Mamilov (Шарпудин Мамилов, tal'vku 2016 — kül'mku 2018). Lidnan Nevondkundan ezimez' om Usman Jevloev vn 2016 tal'vkuspäi. Edeline Nevondkundan ezimez' om Šarpudin Mamilov (2013−2016).

Galerei

Allei Geidar Alievan nimed (2018)
Nevondkundaližiden sodamehiden velleskaum (Suren sodan pölištunuded), vn 2018 nägu
IS-3-tank monumentaks Malgobekan kaičijoile Suren sodan aigan (1942−1943), 2011. voz'

Homaičendad

Irdkosketused

Lidnan tobmuden aluzkundoiden sait (malgobek.ru). (ven.)

Malgobek Vikiaitas

	Ingušetijan Tazovaldkundan lidnad
	Karabulak \| Magas \| Malgobek \| Nazran' \| Sunž

[_d518245106254cfa-1] 1,0 ^1,1 http://www.gks.ru/free_doc/2016/oktmo/tom4_oktmo.rar

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Ingušan Islamižen universitetan sait (ingislamuniver.ru). (ven.)

[4] Ingušan Islamižen kolledžan sait (ingislamcollege.ru). (ven.)

[1]

[2]

[3]

[4]