Karabulak (lidn)
| Karabulak | |||||
|---|---|---|---|---|---|
 | |||||
|
|||||
| 43°18′ с. ш. 44°54′ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1859 | ||||
| Pind |
|
||||
| Высота | 420[3] | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 87344 | ||||
| Počtan indeksad | 386230 | ||||
 Mediafailad RUWIKI-tedoiš | |||||
.png)
Karabulak (ven.: Карабула́к, inguš.: Илдарха-ГӀала / Карабулак) om Venäman lidn da lidnümbrik Ingušetijan Tazovaldkundan keskuzpalan pohjoižes.
Istorii
Eländpunktan aluz om pandud vl 1859 kuti kozakoiden Karabulakskai-stanic (ven.: станица Карабулакская). Vl 1962 kätihe stanicad lidnanvuiččeks žiloks. Žilo sai lidnan statusad vl 1995. Sätihe lidnümbrikod sen alusel vl 2009.
Karabulak šingotase «Himreagent»-tegimel, sauvondmaterialiden edheotandoil (raudbeton, asfal't), mugažo jauhkompleks i kartonažfabrik ratas.
Geografijan andmused
Lidn sijadase Alkančurtskii-kanalan randal i Sunž-jogen hural randal (Terekan bassein), 410 m keskmäižel korktusel valdmeren pindan päl. Matkad Magashasai om 25 km suvipäivlaskmha. Lähembaine lidn om Sunž kahesa kilometrad päivnouzmha.
Karabulak om lidnümbrikon üks'jäine eländpunkt.
Eläjad
Vn 2010 kaiken Venäman rahvahanlugemižen mödhe eläjiden lugu oli 30 961 ristitud. Vl 2017 lidnan ristitišt oli 39 614 eläjad. Kaikiš suremb ristitišt om nügüd'.
Rahvahad (vl 2010, enamba 0,4%): ingušad — 97,1%, čečenalaižed — 1,2%, venälaižed — 0,8%, toižed rahvahad — 0,2%, rahvahuden ozutandata — 0,7%.
Koume islaman pühäpertid oma saudud lidnas, niiden kesken Keskuzline mečet'. Ortodoksine hristanuskond Kazanin Jumalanmaman jumalanpert'[5] om avaitud lidnas.
Mediciniž-tehnologine kolledž[6] om lidnan professionaližen opendusen aluzkundaks, om olmas vspäi 2017.
Edeline Administracijan pämez' om Ahmed Bitiev (tal'vku 2016 — kül'mku 2019). Lidnan Deputatoiden nevondkundan ezimez' om Magomed Martazanov vn 2019 redukuspäi, edeližed oma Jahja Kitiev (vn 2019 viluku — reduku), Magomet Ganiev (2011−2018). Edel vn 2019 redukud Deputatoiden nevondkundan ezimez' oli lidnümbrikon pämehen.
Galerei
Lidnan öline nägu (2015)
Erižpertid sauvomižes (2011)
Uz' eländfartal (2015)
Znam lidnan röunal vl 2011, tulend Jandare-žilon polespäi
Homaičendad
- ↑ http://www.gks.ru/free_doc/2016/oktmo/tom4_oktmo.rar
- ↑ http://www.gks.ru/dbscripts/munst/munst26/DBInet.cgi
- ↑ https://web.archive.org/web/20160806194212/http://www.google.ru/webhp#q=%22K-38-30%22%20OR%20%22K38-30%22
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Karabulakan pühäpertid sobory.ru-saital. (ven.)
- ↑ Mediciniž-tehnologižen kolledžan sait (mtk-ing.ru). (ven.)
Irdkosketused
| Ingušetijan Tazovaldkundan lidnad | ||
| Karabulak | Magas | Malgobek | Nazran' | Sunž | ||