Mail'man velokezran päiv
| Mail'man velokezran päiv | |
|---|---|
.jpg) | |
| Znamoičend | Tervhen elon ladun popul'arizoitand, velokezran unikaližuz' i äipoližuz'. |
| Om tehtud | 12. sulakud vodel 2018 |
| Tegii | Ühthižrahvazkundoiden päassamblei |
| Praznuitas | rahvahidenkeskeine praznik |
| Päiv | 3. kezakud |
 Mediafailad RUWIKI-tedoiš | |
Mail'man velokezran päiv (angl.: World Bicycle Day, ven.: Всемирный день велосипеда) — rahvahidenkeskeine praznik, mitte joga voden pidetas 3. kezakud vodelpäi 2018.
Istorii
Vodel 2015 Amerikan Ühtenzoittud Štatoiš Pol'šan professor, sociologijan tedodoktor, velokezrvoibištelii Lešek Jan Sibilski vaumičiba azjtegon, miččen nimi oli "Stabiline mobiližuz' kaikiden täht". Sen sün oli "Mail'man velokezran päiv"-praznikan vahvištoituz, nece azjtego tugetihe Turkmenistanas i völ 56 mas[1].
- Azjtegon aigan Isaak Fel'd tegi vauged-sinivauvhan logotipan, kus om kuvatud erazvuiččed velokezrad, miččed ajaba kaikedme mirudme, alahan om hešteg #June3WorldBicycleDay. "Eläbanke" kuvanke radoi professor Džon E. Suonson.
12. sulakud vodel 2018 Ühthižrahvazkundoiden päassamblejan 82. plenarižel ištundal vahvištoittihe rahvahidenkeskeine "Mail'man velokezran päiv"-praznik (Rezol'ucii A/RES/72/272)[2].
Praznikan täht valitihe — 3. kezakud[2].
…vahvištoittes velokezran erigoičust, amušt istorijad da äipoližut, velokerz kävutadas jo kaks' voz'sadad, se om kebn kävutandas, ei ole kalliž, om varumatoi i puhtaz ajamiden rod, sen kävutamine abutab kaita londust i olda tervhen, …Rezol'ucii A/RES/72/272, [2]
Praznikan tegend om tervhen elon ladun popul'arizoitand, a mugažo velokezran unikaližuz' i äipoližuz'. Velokezr om mez'kundan progressan simvol, abutab kehitoitta ristituiš arvostandad, kesknäšt el'gendust i mirun kul'turad.
…pidab homaita, miše velokezr om ekologižiden ajamiden simvol, käskeb meletada racionaližen kävutandan da tegendan tarbhuden polhe, se ei to pahut il'mištole, …Rezol'ucii A/RES/72/272, [2]
3. kezakud vodel 2018 ezmäižen kerdan praznuitihe "Mail'man velokezran päiv".
Sidotud aigtegod
15. keväz'kud vodel 2022 Ühthižrahvazkundoiden päassamblei vahvištoiti Rezol'uzijan A/RES/76/255 "Velokezran joukkävutamižen mülütand kundaližiden ajamiden sistemaha kehitoitusen melentartusiš"[3][1].
Niderlandoiš semendkun toižen sobatan gollandcad praznuičeba "Velokezranvedäjan päiväd" (Landelijke Fietsdag)[4].
Azjtegod
"Mail'man velokezran päiväl" azjtegoid vedetas Ühthižrahvazkundoiden päassamblejan keskuzofisas. Konz oficialine praznikan pala lopiše, tehtas velokezrvoibuid[5].
Vodel 2024 Turkmenistanаn edustamišt tegi velokezrvoibuid da kul'tur- i sportazjtegoid mugoižiš maiš da lidnoiš[6]:
- London (kul'tur- da sportazjtegod);
- Er-Rijade (ühtes Saudan Arabijan velokezran federacijanke);
- Gruzii — matk «[Tbilisi]]-Mcheta-Tbilisi»[7];
- Araban Ühtenzoittud Emiratad, Venäma, Germanii, Kazahstan, Francii, Indii.
Venämal
Venämal vedetas mugoižid azjtegoid kut[1][8]:
- Tedotand- da sportazjtegod puištoiš, skveroiš i toižiš kundaližiš tahoiš;
- Mastar'-klassad velokezroiden kohendusen mödhe;
- Voibištelendad da velokezrvoibud;
Joga voden mäneba mugoižed akcijad:
- Ühthižvenälaine ekologine akcii "Radole velokezral". Velokezranvedäjiden täht irdoil tehtas "energetižid sijoid", kus voib kerata väged, mugažo sada lahjan akcijan tegijoilpäi (energetižid magedusid, vezibutulkoid, nomeroid velokezran täht, päivänvauktankuvastujid käzirenhid i tošt)[1];
- Moskvas necil päiväl voib maksuta otta kortomaha velokezran[8];
- Ühthižvenälaižed joukvelokezrvoibud "Mail'man velokezranvedäjan päiv"[8][9].
Homaičendad
- ↑ 1 2 3 4 3 июня — Всемирный день велосипеда: история и традиции праздника, Известия (2 kezakud 2024). Дата обращения: 11 heinkud 2025.
- ↑ 1 2 3 4 Резолюция, принятая Генеральной Ассамблеей 12 апреля 2018 года "Всемирный день велосипеда". docs.un.org. Дата обращения: 11 heinkud 2025.
- ↑ Резолюция, принятая Генеральной Ассамблеей 15 марта 2022 года. Интеграция массового использования велосипеда в системы общественного транспорта в интересах устойчивого развития. docs.yandex.ru. Дата обращения: 11 heinkud 2025.
- ↑ Всемирный день велосипеда 2025: какого числа, история и традиции праздника. Дата обращения: 29 sulakud 2025.
- ↑ 3 июня — Всемирный день велосипеда. ООН Женева. Дата обращения: 11 heinkud 2025.
- ↑ Мероприятия за рубежом в честь Всемирного дня велосипеда. www.mfa.gov.tm. Дата обращения: 11 heinkud 2025.
- ↑ В Тбилиси отметили Всемирный день велосипеда — Turkmenistan and world news. atavatan-turkmenistan.com. Дата обращения: 11 heinkud 2025.
- ↑ 1 2 3 Дугнист, Ася. Всемирный день велосипеда в 2025 году: как ездить с пользой для планеты, ВФокусе Mail (8 sulakud 2025). Дата обращения: 29 sulakud 2025.
- ↑ Всемирный день велосипеда-2023. Как это было :: Федерация велосипедного спорта России. fvsr.ru. Дата обращения: 11 heinkud 2025.
Lähtked
- Резолюция A/RES/72/272 принятая Генеральной Ассамблеей 12 апреля 2018 года «Всемирный день велосипеда». Дата обращения: 28 heinkud 2025.
- Резолюцию A/RES/76/255 «Интеграция массового использования велосипеда в системы общественного транспорта в интересах устойчивого развития». Дата обращения: 28 heinkud 2025.
- Бело-голубой логотип #June3WorldBicycleDay (Исаак Фельд). Дата обращения: 28 heinkud 2025.
- Всемирный день велосипеда 3 июня «Чем полезен велосипед?» Дата обращения: 28 heinkud 2025.
- 3 июня — Всемирный день велосипеда, НТБ МГТУ им. Н. Э. Баумана. Дата обращения: 28 heinkud 2025.
