Mail'man radion päiv
| Mail'man radion päiv | |
|---|---|
 | |
| Tip | Rahvahidenkeskeine |
| Toižin | World Radio Day |
| Mugažo | WRD |
| Om tehtud | JUNESKO |
| Praznuitas | OON-organizacijan ühtnikad |
| Päiv | 13. uhokud |
| Praznuičend | joga voden 13. uhokud |
 Mediafailad RUWIKI-tedoiš | |
Mail'man radion päiv (ven.: Всеми́рный день ра́дио, toižil JUNESKO oficialižil kelil: angl.: World Radio Day, arab.: اليوم العالمي للإذاعة, isp.: Día Mundial de la Radio, kit.: 世界广播日, franc.: Le jour mondial de la radio) om OON-organizacijan oficialine praznik, mitte om sätud JUNESKOn Päkonferencijal 19 redukud vodel 2011. Praznuičese joga voden 13. uhokud. Ezmäižen kerdan praznuičihe vodel 2012.
Istorii
Praznikan tegemižen idei sündui Ispanian radioakademijan prezidental Horhe Al'varesal. Vilukus vodel 2008 hän sai JUNESKO-organizacijan pämehen Koitiro Macuuran tugedusen.
19. redukud vodel 2011 JUNESKOn Päkonferencii rezol'ucijas 36 C/63[1] tedoti 13. uhokud Mail'man radion päiväks. Necil päiväl vodel 1946 Ühtenzoittud rahvahiden organizacii sädi Radio OON. Ezmäi taričend tuli Ispanian kaikenaigaižen ezitaikundaspäi JUNESKOnno[2][3].
Jäl'ges vodelpäi 2012 Ispanian radioakademii sirdab Mail'man radion päivän rahvahidenkeskeižen komitetan tegemižen, miše virigzoitta necen päivän jogavoččen praznuičendan, ka muga, ülenzoita necen kommunikacijan sidotarbeht[4].
14. vilukud vodel 2013, OON Päassamblei oficiališti vahvištoiti Mail'man radion päivän. OON päassamblejan 67.-ndel ištundal om vahvištoitud rezol'ucii JUNESKO Päkonferencijan 36.-nden sessijan mödhe, mitte tedoti 13. uhokud Mail'man radion päiväks. Tomotuz mugažo oli Ispanii kuniguden da OON Ispanian kaikenaigaižen ezitaikundan polespäi[5].
Ezituz
Praznik ezini 19. redukud vodel 2011 JUNESKOn Päkonferencijan pätandan mödhe[1]. 14. vilukud vodel 2013 sidä oficiališti vahvištoiti OON Päassamblei. Tomotuz tuli eloho Ispanii kuniguden da OON Ispanian kaikenaigaižen ezitaikundan polespäi[5]. Venämal Mail'man radion päiv-praznikan sijas paksumba praznuitas Radion päiv-praznikad.
Ezmäine Mail'man radion päiv
Velikobritanias
Ezmäižen Mail'man radion päivän muštoks vodel 2012 Lifeline Energy, Frontline SMS, SOAS Radio da Empower house organizacijad vediba seminar Londonas. Radiotehnikan oblastin tundijoiden, praktikoiden, opendajiden, tehnikan azjtedajiden keskhe ühtniba Päivnouzman da Afrikan oppindoiden školiden ezitajad (SOAS), miše pagišta min abul radio voib sadas kaikiden edahaižiden da välliden mez'kundoidennoks[6]. Ezitajiden keskes oliba Gai Berger (JUNESKO-organizacijan sanavaldan da vestištoiden kehitoitusen erišton pämez'), doktor Čege Gitiora (SOAS Afrikan oppindkeskusen pämez'), Bridžit Jallov (Empower house / Panos London), Emi О’Donnell (FrontlineSMS: Radio), Karlos Čirinos (SOAS Radio) da Linje Manjozo (LSE). Paginan vedai oli L'usi Duran (SOAS, BBC Radio 3, Human Planet).
Italijas
Pizan universitetas (Italii) 13. uhokud vodel 2012 oli avoin azjtego Mail'man radion päivän muštoks. Sidä sädi Italradio da völ inženerijan da telekommunikacijoiden fakul'tet. Vastusen aigan pagišttihe radion kävutamižes da maksmižes kut tedoiden lähtes[7].
Ispanijas
Vodel 2012 Barselonas (Ispanii) 21. uhokud Katalonian inžener-telekommunikacijan radnikoiden kollegijan (COETTC) tomotusen mödhe vedatihe vastusen, mitte oli omištadud Mail'man radion päiväle. Azjtego oli sätud Katalonian valdmehišton tugedusen abul. Päazjtegoks tegihe ühthine pagin ven.: «За более глобальное и конкурентоспособное радио» teman mödhe[8].
Jevropan ühtištuses
Šveicarijas Jevropan vestišton ühtištuz sädi "Cifrovijan radion nedalin" (Digital Radio Week). Tehnižiden azjtegoiden serii zavodihe 13. uhokud vodel 2012 ühtes päorganizacijoidenke, miččed tehtas radion standartizacijad: DRM Consortium, WorldDMB и RadioDNS. Sigä oli ezitadud sijaline ozutez DAB+-formatas, mitte ozuti radiopaginan "demokratizacijad" voimusid maksmižeta.
Bangladešiš
Bangladešiš valdkundatoi organizacii Bangladesh NGOs Network for Radio and Communication (BNNRC) tomotab praznuita Mail'man radion päiväd 13. uhokud valdkundaližen, kommercižen da kundaližen radion ühtes sijaližen da rahvahaližen korktudel. Sen täht valdkundas om tehtud Rahvahaline komitet Mail'man radion päivän praznuičendan täht[9].
Azjtegod
Mail'man radion päivän muštoks JUNESKO tomotab vedädada azjtegod, miččiden pätego om kehitoitta sidomusid radioorganizacijoiden keskes. Säta pagištoitusid, lekcijoid, ezitusid da toižid azjtegoid, miččed kehitoitas radiod[10]. Ozutesikš, vodel 2025 JUNESKO-organizacii tariči 13 idejad, kut voib praznuita Mail'man radion päiv[11]. Joga voden JUNESKO valičeb radiostancijoiden täht paginteman, mitte om omištadud praznikale.
JUNESKOn Mail'man radion päivän temad
| Voz' | Tem |
|---|---|
| 2025 | Radio da il'mišton vajehtamine |
| 2024 | Radio: Tedotusen, ilotusen da opendusen voz'sada |
| 2023 | Radio da mail'm |
| 2022 | Radio da uskomuz |
| 2021 | Uz' mir, uz' radio |
| 2020 | Udištuz |
| 2019 | Pagin, tirpand da mir |
| 2018 | Radio da sport |
| 2017 | Radio — nece oled sinä |
| 2016 | Radio gor’an da ozatomusen aigoiš[12]. |
| 2015 | Norišt da radio[13] |
| 2014 | Mužikoiden da akoiden ühtenarvokahuz'[14] |
| 2013 | Mail'man radion päiv 2013[15] |
| 2012 | Mail'man radion päiv 2012[16] |
Homaičendad
- ↑ 1 2 Резолюция 36 C/63. Дата обращения: 13 tal'vkud 2025. Архивировано 21 kül'mkud 2021 года.
- ↑ Día Mundial de la Radio. Дата обращения: 13 tal'vkud 2025. Архивировано 21 kül'mkud 2021 года.
- ↑ Всемирный день радио | Организация Объединённых Наций. Дата обращения: 13 tal'vkud 2025. Архивировано 11 kül'mkud 2020 года.
- ↑ world radio day history. Дата обращения: 13 tal'vkud 2025.
- ↑ 1 2 ООН официально утвердила Всемирный день радио | Организация Объединённых Наций по вопросам образования, науки и культуры. Дата обращения: 13 tal'vkud 2025.
- ↑ World Radio Day (англ.). UNESCO (8 kezakud 2020). Дата обращения: 13 tal'vkud 2025.
- ↑ A Pisa la Prima Giornata Mondiale della Radio (итал.). Italradio (22 vilukud 2012). Дата обращения: 13 tal'vkud 2025.
- ↑ Jornada Fia Mundial de la Radio (кат.). PIMEC. Дата обращения: 13 tal'vkud 2025.
- ↑ Bangladesh Observing 7th World Radio Day. bdplatform4sdgs.net (18 uhokud 2018). Дата обращения: 13 tal'vkud 2025.
- ↑ Nations, United. Всемирный день радио | Организация Объединенных Наций, United Nations. Дата обращения: 13 tal'vkud 2025.
- ↑ 13 идей для празднования Всемирного дня радио 13 февраля. unesco.org. Дата обращения: 13 tal'vkud 2025.
- ↑ О Всемирном дне радио. World Radio Day. Дата обращения: 13 tal'vkud 2025.
- ↑ Всемирный день радио 2015: Молодежь и радио. diamundialradio.org (13 uhokud 2015). Дата обращения: 13 tal'vkud 2025.
- ↑ Всемирный день радио 2014 | Организация Объединённых Наций по вопросам образования, науки и культуры. Дата обращения: 13 tal'vkud 2025.
- ↑ Всемирный день радио 2013 | Организация Объединённых Наций по вопросам образования, науки и культуры. Дата обращения: 13 tal'vkud 2025.
- ↑ World Radio Day 2012 | United Nations Educational, Scientific and Cultural Organization. Дата обращения: 13 tal'vkud 2025.