Korablino

Korablino
Korablino
Флаг	Герб
	53°55′00″ с. ш. 40°01′00″ в. д.GЯO
Valdkund	Venäma;
Istorii da geografii
Tegemižen päiv	1676
Высота	135
Eläjad
Eläjad	▼10 334 чел. (2021);
Lugud
Telefonan kod	49143
Počtan indeksad	391200
	Mediafailad RUWIKI-tedoiš

Korablino (ven.: Кораблино́) om Venäman lidn da lidnankund Räzanin agjan suves. Se om Korablinon rajonan administrativine keskuz.

Istorii

Eländpunkt mainitase ezmäižen kerdan vl 1594 Pehlecan stanan maksmižkirjas kuti Korabjinsk-žilo (ven.: село Корабьинск) i mec senno, varhapanihe ninid peniden venehiden täht, niiden venän nimituz oli короб («konor'»). Lidn sijadase amuižel tarabošsijal Donan i Okan basseinoiden keskes. Šingotihe sijaližen villän i tabakon oigenduzbazaks. Kätihe Korablinod rajonkeskuseks vn 1929 heinkus. Buran hilen samine oli Toižen mail'man sodan aigaspäi, i žilo sai radnikžilon statusad vn 1958 semendkus. Lidn vs 1965 sulakun 1. päiväspäi.

Korablino šingotase metalližiden modul'pertiden tegimel, sauvondan edheotandoil i sömtegimištol (maidtegim, leibproduktoiden tegim), mugažo medicinižen kaluišton edheotand radab lidnas. Nevondkundaližen aigan šuukkanghiden kombinat oli olmas lidnas.

Geografijan andmused

Lidn sijadase rajonan suves, 135 m ü.m.t. keskmäižel korktusel. Alešn'-jogi zavodiše lidnan päivlaskmas (ven.: Алешня, Pronän oiged ližajogi, Okan oigedpol'ne bassein). Pron'-jogen rand om 10 km pohjoižhe, sen Ranov-ližajogen rand (ven. Ранова) — 4 km päivnouzmha lidnaspäi. Matkad Räzanihesai om 81 km pohjoižhe orhal, 97 km avtotel vai 91 km raudtel. Lähembaižed lidnad oma Räžsk 24 km suvhe orhal, 31 km avtotedme vai 26 km raudtedme, i Novomičurinsk 23 km lodeheze orhal vai 27 km avtotedme. Korablino-raudtestancii radab lidnan päivlaskmas «Räzan' — Mičurinsk»-keskustal vspäi 1866.

Korablino om lidnankundan üks'jäine eländpunkt.

Eläjad

Vl 1939 žilon ristitišt oli 2 098 eläjad, vl 1959 — 5 265 eläjad. Vn 2010 Venäman rahvahanlugemižen mödhe lidnan eläjiden lugu oli 12 658 ristitud, rajonan pol'. Kaikiš suremb lidnan ristitišt oli 15..16 tuhad eläjid vll 1989−2001 (16 100 rist. vll 1996−1998). Ortodoksižen hristanuskondan kaks' jumalanpertid^[2] oma olmas lidnas.

Rahvahad (2010): venälaižed — 98,2%, toižed rahvahad — 1,8%.

Professionaližen opendusen aluzkund om Korablinon agrotehnologine tehnikum.^[3]

Galerei

Lidnan Administracijan pert' (2013)
Церковь Покрова Богородицы г. Кораблино.jpg

Jumalanmaman Katken jumalanpert'
(vn 2017 nägu)
Kul'turkeskuz vl 2013
Raudtestancii

Homaičendad

Irdkosketused

Lidnan tobmuden aluzkundoiden sait (gorod-korablino.ru). (ven.)

	Räzanin agjan lidnad
	Kasimov \| Korablino \| Mihailov \| Novomičurinsk \| Ribnoje \| Räzan' \| Räzanin Spassk \| Räžsk \| Sasovo \| Skopin \| Spas-Klepiki \| Šack

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Korablinon pühäpertid sobory.ru-saital. (ven.)

[3] Korablinon agrotehnologižen tehnikuman sait (atkorablino.ru). (ven.)

[1]

[2]

[3]