Kižin živattedon kaičendtaho
| Kižin živattedon kaičendtaho | |
|---|---|
 | |
| Pätedod | |
| Pind | 50000 gа |
| Sündundpäiv | 1989 voz' |
| Olendsija | |
| Ma | |
| Region | Karjala |
| Rajon | Medvežjegorskan rajon |
 | |
 Mediafailad RUWIKI-tedoiš | |
Kižin živattedon kaičendtaho (ven.: Зоологи́ческий зака́зник "Ки́жский") om valdkundaline federaližen znamoičendan londusine živattedon kaičendtaho Karjalan Sennaja Guba-külän ümbrištos, Medvežjegorskan rajonas, Venämal. Om Änižen Kižin sarišton vezipindan da man taho, miččel valdkundaližen kaičendan valdas oma erasiden harvoiden živatoiden da kazvmusiden eländtahod, miše kaita faunad da vezi-sokahiden linduiden udištusen oloid.
Fiziko-geografižed tedod
Kaičendtaho om tehtud 22. sügüz'kud vodel 1989. Sen pind om 500 km². Sihe mülüb Änižen Kižin sarišt kilometrižen vezipindanke, Änižtagaine nem' da Čornii-sar' 500-metriženke vezipindanke. Kaičentahon röunoiš om Kiži (muzei-kaičuztaho) sen ümbištonke, regionaližed geologižed londusižed muštpachad —Južnii Olenii-sar', sod läz Bojarščina-küläd, Petrikovan da Zamošje lahted[1][2].
Kaičendtahon pätedod
Kaičendtaho om tehtud, miše kaita Kižin sarišton unikališt londuzkompleksad da harvoiden živatoiden da kazvmusiden roduid, miččed oma mülütadud Rusttaha kirjaha, da mezolit- da neolitaigan endevanhan ristitun eländtahoid[3].
Flor da faun
Kaičendtahon floras om 552 kazvmusiden rodud, miččed oma kaičendan al. Sen lugus oma lujas harvad, a völ suvifloran ezitajad, mugomad kut lehmuz, lep', jalam. Sid' kazdas koiv, hab, hahk lep', kuz', pedai, vastase raid, pihl' da punvuitte tomičaine[4].
Vastasoiš kaik živatoiden rodud, kudambad elädas necel Karjalan levedudel, sen lugus jäniš, händikaz, hirb', orav, reboi, pormoi, il'bez[4].
Linduiden lugetišes om 231 rodud (sen lugus om 136 rodud, miččed sid' pezaduba da kaik pohjoižed, miččed letas regionan päliči)[4].
Kaičendtahon aigmäričez
Vodelpäi 2011 Kižin živattedon kaičendtahon territorijan, azjtegod biologižen äjüden da londuzkompleksoiden objektoiden kaičendan täht vedäb Vodlojärven rahvahaline puišt. Kaičendtahos om kel'tüd mectuz, mahtmatoi turizm, mecan čapand, seniden da marjoiden keraduz (paiči sijaližid eläjid) da toižed[1].
Galerei
Homaičendad
- ↑ 1 2 Особо охраняемые природные территории Республики Карелия / Министерство природных ресурсов и экологии Республики Карелия, Бюджетное природоохранное рекреационное учреждение Республики Карелия "Дирекция особо охраняемых природных территорий регионального значения Республики Карелия", Карельский научный центр Российской академии наук; [сост.: Кипрухин И. В. и др.]. — Петрозаводск: Министерство природных ресурсов и экологии Республики Карелия, 2017. — С. 432. — ISBN 978-5-4386-1458-6.
- ↑ Зоологический заказник «Кижский». ptzgovorit.ru. Дата обращения: 23 vilukud 2026.
- ↑ Государственный природный заказник Кижский. Дата обращения: 23 vilukud 2026.
- ↑ 1 2 3 Государственный природный заказник федерального значения «Кижский». vodlozero.ru. Дата обращения: 23 vilukud 2026.
Literatur
- Т. Ю. Хохлова, В. К. Антипин, П. Н. Токарев. Особо охраняемые территории Карелии. — Петрозаводск, 2000.
- Карелия: энциклопедия: в 3 т. / гл. ред. А. Ф. Титов. Т. 1: А — Й.. — Петрозаводск: ИД «ПетроПресс», 2007. — С. 357—358. — 400 с. — ISBN 978-5-8430-0123-0.