Kambark

Kambark
Kambark
Флаг	Герб
	56°16′00″ с. ш. 54°12′00″ в. д.GЯO
Valdkund	Venäma;
Istorii da geografii
Tegemižen päiv	1767
Pind	26,473;
Высота	75
Aigvö	UTC+4:00[d]
Eläjad
Eläjad	▼10 080 чел. (2021);
Lugud
Telefonan kod	34153
Počtan indeksad	427950–427959
	Mediafailad RUWIKI-tedoiš

Kambark (udm.: Камбарка, ven.: Камба́рка) om Venäman lidn da lidnankund Udmurtijan Tazovaldkundan suvipäivnouzmas. Se om Kambarkan rajonan administrativine keskuz.

Istorii

Eländpunktan aluz om pandud kuti žilo kaugedraudan valamižtegimenno, saudihe tegint vozil 1761−1767 (nüg. mašiništonsauvomižen tegim). Om nimitadud Kambark-jogen mödhe, jogen nimituz sündui baškiralaižiden Kanbar-rodun nimespäi. Vl 1936 kätihe Kambarkad radnikžiloks, vspäi 1937 mülüb Udmurtijha. Vl 1945 radnikžilo sai lidnan statusad.

Kambarkan ižandusen päsarakod oma transportmašinoiden sauvomine (Kambarkan mašinansauvomižen tegim^[2]: lämuzvedimed, raudteiden kohenduzmašinad), metallkonstrukcijoiden tehmine, mecan ümbriradmine, pompiden da metalližiden peitkonoriden pästand, himine sarak (reagent kivivoin samižen täht).

Geografijan andmused

Lidn sijadase ühesas kilometras Kamanjogespäi, sen hural randpolel, Kambarkan uiton randoil (om olmas vspäi 1767), 75 m ü.m.t.keskmäižel korktusel. Matkad Iževskhasai om 116 km lodeheze.

Avtotesild om läz lidnad Kam-joges päliči vspäi 2016, se om maksline. Kambark-raudtestancii om olmas vspäi 1919, «Kazan' — Jekaterinburg»-raudtekeskust läbitab lidnad.

Kambark om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 11 021 ristitud, rajonan ristitišton koume videndest. Kaikiš suremb ristitišt oli 14 121 eläjad vl 1970.

Ortodoksižen hristanuskondan Jumalanmaman Emäganpäivän pühäpert'^[3] om avaitud lidnas, kaks' tošt jumalanpertid oma kaičenus vaiše paloin.

Kambarkan mašiništonsauvomižen kolledž^[4] om professionaližen opendusen aluzkundaks, se om Iževskan valdkundaližen tehnižen universitetan filial.

Lidnan üks' jäl'gmäižiš pämehišpäi om Marat Suleimanov (2015 — sulaku 2019). Kambark-lidnan erine administracii om likvidiruidud vn 2021 lopus.

Galerei

Lidnan administracijan sauvuz (2012)
Jumalanmaman Emäganpäivän jumalanpert', vn 2009 nägu
Kambarkan mašinansauvomižen tegim vl 2012
Kambarkan jogiport vl 2012
Kambark-raudtestancii vl 2017

Homaičendad

Irdkosketused

Kambark-lidnan i sen rajonan tobmuden aluzkundoiden sait (город-камбарка.рф). (ven.)

	Udmurtijan Tazovaldkundan lidnad
	Glazov \| Iževsk \| Kambark \| Možg \| Sarapul \| Votkinsk

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Kambarkan mašinansauvomižen tegiman sait (zavod-kmz.ru). (ven.)

[3] Kambarkan pühäpertid sobory.ru-saital. (ven.)

[4] Kambarkan mašiništonsauvomižen kolledžan sait (kmk.istu.ru). (ven.)

[1]

[2]

[3]

[4]