Ivanova Larisa Vasiljevna
| Larisa Vasiljevna Ivanova | |
|---|---|
 | |
|
| |
|
Vepsläižen rahvahaližen küläkundan
administarcijan pämez' |
|
| 2009 — 2023 | |
|
|
|
| Sündundpäiv |
11. kezakud 1969 (57 лет)
|
| Partii | |
| Openduz | Vologdan maidinstitut (1990) |
| Ma |
 SSSR →  Venäma |
Larisa Vasiljevna Ivanova (ven.: Лариса Васильевна Иванова, om sündunu 11. kezakud 1969, Ploskovo[d], Vologdan agj) - Vologdan agjan Babajevon rajonan Vepsläižen rahvahaližen küläkundan pämez' (2009-2023)[1].
Elostarin
Om sündunu 11. kezakud vodel 1969 Ploskovo-küläs Čerepovcan rajonas Vologdan agjas Venämal, vozil 1983-1986 openzihe Jagnican školas.
Vodel 1990 lopi Vologdan valdkundaližen maidelomišton akademijad Vereščaginan nimel, ekonomižen tedokundan, Buhgalteran učotan, analizan da auditan special'nostin mödhe.
Vozil 2009-2023 oli Vepsläižen rahvahaližen küläkundan administarcijan pämehen[2]. Vepsläine rahvahaline küläkund oli tehtud 13. sulakud vodel 2009, konz oli ühtenzoittud Timošinan, Kujan rahvahaližed küläkundad da Komonevan küläkund. Ned oli tehtud vähäižen aigemba 1. kezakud vodel 2006 sel'sovetoiden sijaks.
Vozil 2009, 2013, 2017 ühtni Vologdan agjan Babajevon rajonan Vepsläižen rahvahaližen küläkundan valičusihe da tegihe vepsläižen küläkundan pämeheks. Larisa Ivanova oli ezitadud valičusile Venäman politižel "Ühthine Venäma"-partijan sijaližel erištol da vägesti[3].
Vodel 2023 Vepsläine rahvahaline küläkund oli heittud da mülüškanzi babajevon municipaližehe ümbrusehe. Vepsläižen rahvahaližen küläkundan administarcii lopi ičeze radod 28. kül'mkud vodel 2023[4].
Eläb Vologdan agjas Babajevon rajonas Timošino-küläs, radab kul'turpertiš da laukas.
Kritik
Larisa Ivanova oli heittud ičeze radsijalpäi 21. kül'mkud vodel 2023. Hän oli Vologdan agjan Babajevon municipaližen ümbrusen territorialižen "Vepsläine rahvahaline"-erišton pämez'. Hän oli pandud "Valdkundaližehe ristituiden lugetišehe, ked oli heittud radolpäi pahoiš azjoiš". Hän keskusti federališt zakonad kirjutet 10, palad 1, kirjutest 11 palad 2 25. tal'vkud vodel 2008 № 273-ФЗ "Korrupcijad vasthapäi"; Federališt zakonad palad 2.3 kirjutest 14.1 2. keväz'kud vodel 2007 № 25-ФЗ "Municipaližes službas Venämal", sikš ku tegi korrupcionnijad oiktusiden keskustust[5][6].
Kanz
Om mehel. Hänel om kaks' velled. Om mehel, hänel om kaks' last. Oma vunukad[7].
Melentartused
Pajatab vepsläižes "Päiveine"-ansambl'as. Vodel 2025 kollektiv ühtni vepsän rahvahan kul'turan "KODIMA" - onlain-festivalihe, miččen tegeb Vologdan agjan sijaližen politikan ministerstv. Täl vodel festivalihe ühtni 30 mest kudes nominacijas: "runo, epos, starin", "endevanh pajofol'klor", "rahvahaližed sädod, stilizacii", "rahvahaline pajo nügüd'aigaližes čomenzoituses", "vepslän rahvahan sarn, teatrozutand"? "stilizoittud rahvahaline karg". Oli kirjutadud videorolikad, miččed keraziba 18 000 kacundad[8].
Navedib kundelta šansonad. Armhad fil'mad oma ven.: Белое солнце пустыни da ven.: Вечный зов.
Homaičendad
- ↑ Список работающих в администрации сельского поселения Вепсское национальное. Дата обращения: 12 kül'mkud 2025.
- ↑ Жизнь вепсов в Вологодской области. Портал муниципальных образований. Дата обращения: 12 kül'mkud 2025.
- ↑ Выборы Главы сельского поселения Вепсское национальное Бабаевского муниципального района Вологодской области. База данных о выборах в России (10 sügüz'kud 2017). Дата обращения: 12 kül'mkud 2025.
- ↑ Администрация сельского поселения Вепсское. Дата обращения: 12 kül'mkud 2025.
- ↑ Внесена в "Государственный реестр лиц, уволенных в связи с утратой доверия". Дата обращения: 12 kül'mkud 2025.
- ↑ Реестр лиц, уволенных в связи с утратой доверия. Дата обращения: 12 kül'mkud 2025.
- ↑ Иванова Лариса. Личная страница Вконтакте. Дата обращения: 12 kül'mkud 2025.
- ↑ Первый онлайн-фестиваль вепсской культуры «KODIMA» (12 kül'mkud 2025). Дата обращения: 12 kül'mkud 2025.