Huttunen Ivan Matvejevič

Ivan Matvejevič Huttunen
Ivan Matvejevič Huttunen
Sündundpäiv	21. sügüz'kud 1927
Sündundsija	Gatčinan rajon, Piterin agj, RSFSR[d], Sovetskii Sojuz;
Kolendpäiv	20. sulakud 2010 (82 года)
Kolendsija	Vantaa, Uusimaa[d], Suomi;
Valdkund	Sovetskii Sojuz;

Ivan Matvejevič Huttunen (ven.: Хуттунен, Иван Матвеевич, 21. sügüz'kud 1927, Gatčinan rajon, Piterin agj — 20. sulakud 2010, Vantaa, Uusimaa^[d]) — Sovetskijan Sojuzan Mecan, cell'uloza-bumagan da pun tegeližuden ministerstvan Petroskoin pert'sauvotusen kombinatan pressovščik, Karjalan ASSR. Socialistižen radon Geroi. RSFSRan Ülembaižen nevondišton 7. kucundan deputat^[1].

Elostarin

Huttunen sündui vodel 1927 suomaližes manradnikan kanzas Leningradan agjan Vähtelevo-küläs (tämbei — Gatčinan rajon). Konz hän oli penen lapsen, jäi tatata. Suren Kodiman voinan aigan hänen kanz oli oigetud Suomehe. Hänen vel'l' oli ičetahtnikan nacistoiden sebras, händast riktihe Laplandijan voinan aigan. Voden 1944 tal'vkus ühtes mamanke Ivan pördihe Sovetskijaha Sojuzaha i eli Kesk-Venämal. Jäl'ges voinad eli Tallinas, kus lopi avtoškolan. Vodel 1949 tuli elämaha Petroskoihe i zavodi rata pert'sauvotusen kombinatal vedäjan. 1950.-voziden kekes openzihe pressovščikaks pert'sauvotusen kombinatal Nevskaja Dubrovka-küläs. Konz pördihe Petroskoihe, zavodi rata pressovščikan sijaližel pert'sauvotusen kombinatal.

Joga voden üliči tulotandplanan. Edel aigad tegi seičemevoččen planan (1959—1965). Sovetskijan Sojuzan Ülembaižen nevondišton prezidiuman (ven.) (vep. käskön mödhe voden 1966 sügüz'kun 17. päiväspäi korktoiš satusiš, miččid Huttunen sai tehtes seičemevoččen planan mecan, cell'uloza-bumagan da pun tegeližuden kehitoitusen mödhe, sai Socialistižen radon Geroijan nimi, oli pauklahjoitud Leninan ordenel i kuldaižel "Sirp da pal'l'"-medalil^[1].

Händast valitihe RSFSRan Ülembaižen nevondišton 7. kucundan deputataks Petroskoin valičuzümbrusespäi (1967—1971).

Huttunen radoi kombinatal pensijahasai.

Vodel 1999 läksi elämaha Suomehe. Eli Vantaa-lidnas, kus koli vodel 2010.

Kanz

Poig — Vladimir Ivanovič Huttunen
- Vunuk — Juha Vladimirovič Huttunen
Poig — Nikolai Ivanovič Huttunen
- Vunuk — Jevgenii Nikolajevič Huttunen

Homaičendad

↑ ¹ ² Хуттунен Герой Социалистического Труда (рус.). Интернет-проект "Герои страны". Дата обращения: 8 elokud 2025.

Lähtked

Хуттунен Герой Социалистического Труда (рус.). Интернет-проект "Герои страны". Дата обращения: 8 elokud 2025.
Л. И. Вавулинская. Карелия:энциклопедия. — Петрозаводск, 2011. — 234 с.
Mietinen H., Krjukov A., Mullonen J., Wikberg P. Inkerilaiset kuka kukin on. — Tallinna, 2013. — 56 с.
Группа депутатов ВС СССР 7-й сессии 7-го созыва на Красной площади (рус.). Дата обращения: 8 elokud 2025.

[0""-1] ¹ ² Хуттунен Герой Социалистического Труда (рус.). Интернет-проект "Герои страны". Дата обращения: 8 elokud 2025.

[1]