Himoiden kuz'

"Himoiden kuz'"
"Himoiden kuz'"
	;
Tip	hüväntegii akcii
Om tehtud	2018
Augonpanijad	"Uništa minunke"-projekt
Olendsija
Pämehed	Artur Orlov ("Dviženije pervih"-pämehišton pämez'); Timur Safin ("Dviženije pervih" pämehen nevonik)
Ezituzkund	"Dviženije pervih"
Raderištuz	hüväntegeluz, Venäman socialine tugeduz
Keradamižed	enamba 4 mlrd rubl'ad (kaikes aigas, vodeks 2025)
Hüväntegeluz	enamba 120 tuhad ühtnikad (2025)
Ičetahtnikoiden lugumär	enamba 20 tuhad (2025)
Ühtnikoiden lugumär	enamba 1,5 tuhad partn'ororganizacijad (2025)
Slogan	«Uden voden vastuz — nece om voimuz' tehta čudon da abutada sille, kelle nece abu tarbiž»
Sait	елкажеланий.рф

"Himoiden kuz'" (ven.: Ёлка желаний) om venälaine hüväntegii akcii, miččen pätego om pästand eloho lapsiden, rauhiden da tervhuden röunotadud voimusidenke ristituiden uden voden himoid. Akcijan joga voden vedäb "Dviženije pervih"-organizacii Rosmolodež-agenstvan tugedusel vodelpäi 2018^[1].

Projektas joga mez' ("tegii") voib pästta eloho toižen mehen himon ("tahtnikan"). Akcii tegihe kaikid surembaks hüväntegii tomotuseks Venämal, se ühtenzoiti kuverz'-se tuhad ühtnikad da partn'ororganizacijad kaiked mirudme^[2].

Istorii

"Himoiden kuz'"-akcii tegihe hüväntegii Uništa minunke (ven.) (vep.-projektan palaks, mitte zavodihe vodel 2014, kut volont'ortomotuz Tatarstanas. Ezmäine projektan pätego om lapsiden da rauhiden mehiden jügedoiden läžundoidenke himoiden tegend — lahjoita enamba materialitomid lahjoid, hüvid mel'kuvid. Ezmäine oli tehtud neičukaižen himo, kudamb tahtoi leta lendandmašinan šturvalan taga^[3].

Vodel 2018 projekt mülüi prezidentan "Venäma - voimusiden ma"-platforman joukuhu. Sidä voden tal'vkus Rahvahidenkeskeižel ičetahtnikoiden forumal Moskvas Venäman prezident Vladimir Putin tundištoitihe projektanke da ühtni sihe, hän pästi eloho viden lapsen tahtoid. Pigei uden voden akcii sai "Himoiden kuz'"-nimen^[4].

Ezmäine akcii mäni voden 2019 kanman. 27. tal'vkud vodel 2018 Moskvan Kremliš Valdkundaližen nevondišton ištundan aigal oliba pandud uden voden kuzed, miččed oliba čomitadud ozatelendkartaižil, miččil oliba kirjutadud lapsiden himod. Valdmehišton ühtnikad, ministrad da gubernatorad ühtniba akcijaha, heitiba kuzilpäi šarud himoidenke da pästtihe niid eloho. Aigan mändes akcijaha ühtiba toižed-ki valdkundaližed aktivistad, kommercitomiden organizacijoiden ühtnikad da personad^[4].

Vodelpäi 2022 akcijan ohjandajan om "Dviženije pervih"-organizacii^[1].

Rad

Akcijan pätego om lahjoita ihastust da uden voden čudon tundmust. Ühtnikad, "tahtnikad" jättas ičeze tedotused projektan oficialižel ven.: елкажеланий.рф-saital. Heiden tahtod puttas virtualižele vai todesižile kuzile, miččed om pandud partn'oroiden tandrehil^[4]^[5].

Ühtnikoiden-tahtnikoiden kategorijad^[4]^[5]:

3-17-voččed lapsed da rauhad mehed, kudambile om enamba 60 vot;
armotomad lapsed da lapsed, kudambad jäiba vanhembiden holenpidändata;
lapsed da aigvoččed tervhuden röunotadud voimusidenke vai invalidad;
lapsed, kudambiden tervhuz' grazib elole;
lapsed vähävaraižiš kanzoišpäi;
eriližen voinoperacijan ühtnikoiden kanzoiden lapsed;
lapsed, kudambad elädas Doneckan da Luganskan rahvahaližiš valdkundoiš, Zaporožjan da Hersonan agjoiš, da völ man röunan regionoiš, miččed saiba mokičusid ambundan täht^[4]^[5].

Ühtnikoiden jättud himod (tahtod) voidas olda materialižed (ozutesikš, bobaižed, gadžetad, sportkalud) vai materialitomad (matkajeluz toižehe lidnaha, tetaban mehenke vastuz, ühtnend miččehe-ni azjtegoho). Erašti lahj tahtnikan täht voib olda s'urprizan — om mugoine azjtego, konz "tegii" iče valičeb lahjan, kactes "tahtnikan" melentartuisihe da mel'düsihe^[4]^[5].

Vodeks 2025 joga mez' voib tehtas "tegijaks", hän voib valita himon (tahton) saital vai otta ozatelendkartaižen partn'orkeskusen kuzelpäi. Ühtneda akcijaha voib očnijas da distantformatas. Personoiden paiči akcijaha ühtnedas kompanijad, valdkundaližed azjmehištod da kundaližed sebrad^[6].

Satused da suruz'

Vodel 2018 "Himoiden kuz'"-akcijan aigan om pästtud eloho 450 himod. Joga vodenke niiden lugumär kazvab^[4]:

2020: om pästtud eloho enamba 13,5 tuhad himod;
2021: om pästtud eloho enamba 38 tuhad himod;
2022—2023: om pästtud eloho läz 47 tuhad himod;
2023—2024: om pästtud eloho läz 60 tuhad himod^[4].

Voden 2025 lopun tedoiden mödhe, akcijan aigas om pästtud eloho enamba 320 tuhad himod, miččiden ühthine rahasuruz' om enamba 4 mlrd rubl'ad. Akcijaha ühtni enamba 120 tuhad tegijad da 1,5 tuhad partn'orarganizacijad. Akcii tegihe rahvahidenkeskeižeks: sihe ühtnedas venälaižed, kudambad elädas Ispanijas, Italijas, Francijas, Kipral da Serbijas^[2]^[4].

Partn'orad

Akcijan päpartn'or om Federaline Rosmolodež-agenstv. Akcijan tugetas hüväntegii fondad, kundaližed da kommercijan organizacijad: ozutesikš, ühthižen radon "Vunukad"-fondanke ramkoiš tuleba eloho rauhiden mehiden himod^[7].

Uded formatad

Vodelpäi 2025 pästiba eloho arcijan uded formatad:

"Praznik stolale" — ühthine akcii sömtavaroiden "Rus'"- da X5 Group (ven.) (vep.-fondanke, miše tugeta vähävaraižid kanzoid sömtavarkogomusil^[8];
"Vunukad lahjoidenke" — ühthižen radon levenzoituz "Vunukad"-fondanke rauhile mehile abun täht^[7].

Homaičendad

↑ ¹ ² Ёлка желаний 2025 (неопр.). Ёлка желаний. Дата обращения: 8 tal'vkud 2025.
↑ ¹ ² Всероссийский Дед Мороз из Великого Устюга дал старт акции "Ёлка желаний" (неопр.). РИА Новости. Дата обращения: 8 tal'vkud 2025.
↑ О проекте (неопр.). Мечтай со мной. Дата обращения: 8 tal'vkud 2025.
↑ ¹ ² ³ ⁴ ⁵ ⁶ ⁷ ⁸ ⁹ Что известно о всероссийской акции "Ёлка желаний" (неопр.). ТАСС. Дата обращения: 8 tal'vkud 2025.
↑ ¹ ² ³ ⁴ Загадать желание (неопр.). Ёлка желаний. Дата обращения: 8 tal'vkud 2025.
↑ «Елки желаний»: как выбрать площадку, партнеров и не промахнуться с подарком (неопр.). Милосердие.ru. Дата обращения: 8 tal'vkud 2025.
↑ ¹ ² Акция "Внуки с подарками" (неопр.). VK: Акция «Ёлка желаний». Дата обращения: 8 tal'vkud 2025.
↑ Фонд X5 «Выручаем» поможет нуждающимся семьям в подготовке новогоднего стола (неопр.). Сибирское Агентство Новостей. Дата обращения: 8 tal'vkud 2025.

[Ёлка_желаний_2025-1] ¹ ² Ёлка желаний 2025 (неопр.). Ёлка желаний. Дата обращения: 8 tal'vkud 2025.

[Всероссийский_Дед_Мороз_из_Великого_Устюга_дал_старт_акции_Ёлка_желаний-2] ¹ ² Всероссийский Дед Мороз из Великого Устюга дал старт акции "Ёлка желаний" (неопр.). РИА Новости. Дата обращения: 8 tal'vkud 2025.

[О_проекте-3] О проекте (неопр.). Мечтай со мной. Дата обращения: 8 tal'vkud 2025.

[Что_известно_о_всероссийской_акции_Ёлка_желаний-4] ¹ ² ³ ⁴ ⁵ ⁶ ⁷ ⁸ ⁹ Что известно о всероссийской акции "Ёлка желаний" (неопр.). ТАСС. Дата обращения: 8 tal'vkud 2025.

[Загадать_желание-5] ¹ ² ³ ⁴ Загадать желание (неопр.). Ёлка желаний. Дата обращения: 8 tal'vkud 2025.

[«Елки_желаний»:_как_выбрать_площадку,_партнеров_и_не_промахнуться_с_подарком-6] «Елки желаний»: как выбрать площадку, партнеров и не промахнуться с подарком (неопр.). Милосердие.ru. Дата обращения: 8 tal'vkud 2025.

[Акция_Внуки_с_подарками-7] ¹ ² Акция "Внуки с подарками" (неопр.). VK: Акция «Ёлка желаний». Дата обращения: 8 tal'vkud 2025.

[Фонд_X5_«Выручаем»_поможет_нуждающимся_семьям_в_подготовке_новогоднего_стола-8] Фонд X5 «Выручаем» поможет нуждающимся семьям в подготовке новогоднего стола (неопр.). Сибирское Агентство Новостей. Дата обращения: 8 tal'vkud 2025.

[1]

[2]

[3]

[4]

[5]

[6]

[7]

[8]