Friske Žanna Vladimirovna

Рувики-späi
Žanna Friske
Фриске, Жанна Владимировна.jpg
Üleižed tedod
Nimi sündundan aigan Žanna Vladimirovna Kopilova
Täuz' nimi Žanna Vladimirovna Friske
Sündundpäiv 8. heinkud 1974(1974-07-08)
Sündundsija
Kolendpäiv 15. kezakud 2015(2015-06-15) (40 лет)
Kolendsija
Mahapanendan sija
Ma
Professijad pajanik, aktrisa, fotomodel', TV-vedäi
Radon aig 1996—2013
Žanrad pop-muzik, kargmuzik
Pajosebrad "Blest'aščije" (1996—2003)
Allekirjutuz
Изображение автографа
Логотип РУВИКИ.Медиа Mediafailad RUWIKI-tedoiš

Žanna Vladimirovna Friske (ven.: Жа́нна Влади́мировна Фри́ске, neiččen familii — Kopilova[1]; 8. heinkud 1974, Moskva — 15. kezakud 2015, Balaših, Moskvan agj) — venälaine estradan pajanik, TV-vedäi da kinoaktrisa. Vozil 1996-2003 — "Blest'aščije"-gruppan päpajanik. Vodhesai 2013 Friske pajati üksnäze (10 vot).

Elostarin

Oli sündunu 8. heinkud vodel 1974 Moskvas, üks' kaksjaižišpäi. Vel'l' koli pigai jäl'ghe sündundpäiväd genetižes läžundaspäi.

Openzihe Moskvan agjan školas № 406 Perovos (lopi sen 1991). Ühtni aktivižesti školan radho. Sportati taidehgimnastikad da akrobatikad, käveli baletstudijaha da kargškolha[2].

Jäl'ghe školad tahtoi putta opendamhas filosofižehe tedokundaha Moskvan valdkundaližehe universitetha, no ei päzund ekzamenoid; läksi opendamhas Moskvan gumanitarižehe universitetha kul'turvedändan tedokundaha, kuspäi sirdihe žurnalistikan tedokundaha, no ei lopind sidä[3][4].

Vodel 1996 zavodi pajatada popul'arižes "Blest'aščije"-muzikgruppas. Ezmäks openzi kaikid kargaidamha, sid' pajataškanzi[5]. Pajatades gruppas Friske kirjuti 4 diskad da 3 koncertprogrammad.

Vodel 2001 pästi eloho ičeze ezmäižen klipan "Lendan pimedaha"-pajoho, miččen tegi Roman prigunov[6].

Vodel 2003 ühtni ven.: «Последний герой-4»-realiti-šouhu, mäni lophusai. Konz pörzihe sarelpäi, kus oliba sjomkad, läksi "Blest'aščije"-muzikgruppaspäi da zavodi pajatada üksnäze[7].

Vodel 2004 läksi eloho ezmäine fil'm, kuna ühtni Friske, nece oli Sergei Lukjanenkon fantastine "Ödozor"-roman, kus Žanna vändi noidad[8].

Vodel 2005 Friske ühtni ven.: «Последний герой»-realiti-šoun videndehe palaha. Ühtni ven.: «Сердце Африки», «Империя», «Цирк со звёздами», «Цирк»-teleprojketoihe.

Vodel 2010 läksi eloho "Miš pagižeba mužikad"-fil'm, miččes Friske vändi ičtaze[9]. Vändi päakanrolid "Ken minä olen?"-detektivas.

Vozil 2011—2012 Friske vedi ven.: «Каникулы в Мексике»-reali-šoud MTV-telekanalal, jäl'ghe händast vedaškanzi Al'ona Vodonajeva. Vodel 2013 jäl'ghe sidä, konz hänel sündui Platon-poig, Žannal kibištaškanzi päd. Sügüzel hän peitihe rahvahaspäi[10]. Vodel 2014 sanutihe läžundas[11].

Koume jäl'gmäšt kud Friske oli komas, 15. kezakud vodel 2015 hän koli ičeze pertiš Balašihas. Hänele oli 40 vot[12]. Om pandud maha Nikolo-Arhangel'skan kaumištol.

Diskografii

Al'bomad

  • 2005 — Žanna

Singlad

  • 2001 — "Лечу в темноту" (Lendan pimedushe)
  • 2004 — "Ла-ла-ла" (La-la-la)
  • 2005 — "Где-то летом" (Kus-se kezal)
  • 2005 — "На губах кусочки льда" (Jän paloižed hulil)
  • 2006 — "Мама Мария" (Marija-mam)
  • 2006 — "Малинки" (Malinkad, feat. Diskoteka Avarija)
  • 2007 — "Я была" (Minä olin)
  • 2008 — "Жанна Фриске" (Žanna Friske)
  • 2009 — "Американец" (Amerikalaine)
  • 2009 — "Портофино" (Portofino)
  • 2009 — "Вестерн" (Vestern, duetal Tan'a Ter'ošinanke)
  • 2009 — "А на море белый песок" (Vauged lete merel)
  • 2010 — "Дождь" (Vihm)
  • 2011 — "Пилот" (Pilot)
  • 2011 — "Ты рядом" (Oled läz, feat. Džigan)
  • 2011 — "Падает снег" (Paneb lunt, feat. In-Grid)
  • 2012 — "Навсегда!" (Kaikeks igäks!)
  • 2012 — "Тихо падает снег" (Hilläšti paneb lunt, duetal Dmitrii Malikovanke)
  • 2012 — "Плачь и умоляй" (Itke da mol'daste)
  • 2012 — "Олимпийский огонь" (Olimpine lämoi)
  • 2015 — "Танго" (Tango)
  • 2016 — "Москва-Лондон" (Moskv-London)
  • 2016 — "Люблю или ненавижу" (Armastan vai kirodan)
  • 2016 — "Конфета" (Kan'fet)
  • 2016 — "Море" (Meri)
  • 2016 — "Горький Шоколад" (Karged šokolad)
  • 2016 — "Я твоя" (Olen sinun)
  • 2016 — "Стеклянная Любовь" (Stökolarmastuz)

Fil'mografii (serialoid da massižid scenoid lugemata)

  • "Ökaičend" (2004) — Alisa Donnikova, noidak
  • "Päiväline kaičend" (2005) — Alisa Donnikova, noidak
  • "Ezmäine Kirhuline" (2006) — edestab ičtaze
  • "Ezmäine kodiš" (2007) — edestab ičtaze
  • "Čomuz' tarbhaičeb…" (2008) — edestab ičtaze
  • "Niko: Matk tähthidennoks" — Vil'ma-lasicaine
  • "Kus minä olen?" (2010) — Anna Levina
  • "Udenvoččed kozimehed" (2010) — edestab ičtaze
  • "Miš mužikad pagištas" (2010) — edestab ičtaze
  • "Tačkad 2" (2011) — Holli Delüks
  • "Odnoklassniki.ru: CLICKoitele satust" (2013) — Elena Vilenovna

Mušt

  • 26. tal'vkud vodel 2016 kaumištol oli pandud muštpacaz vestatusenke[13].
  • Vodel 2017 Dmitrii Šepelev pästi eloho "Žanna"-kirjan[14].
  • 15. kezakud vodel 2022 tuli eloho uzišt, miše Moskvas tahtoidas panda muštpacaz Žannan muštoks[15].
  • 1. uhokud vodel 2023 Nikolo-Arhangel'skan kaumištol Moskvas oli pandud muštpacaz st'oklaspäi da sinna om pandud Žannan fotokuva[16].

Homaičendad

  1. ↑ «Фальшивые биографии». Документальный фильм о звездах шоу-бизнеса (недоступная ссылка — история). Первый канал. Дата обращения: 12 vilukud 2026.
  2. ↑ Жанна Фриске. Вокруг ТВ. Дата обращения: 12 vilukud 2026.
  3. ↑ История болезни Жанны Фриске. Дата обращения: 12 vilukud 2026.
  4. ↑ Жанна Фриске: "Не мыслю себя без сумок". InterMedia (21 sulakud 2006). Дата обращения: 12 vilukud 2026.
  5. ↑ Жанну Фриске похоронили на Николо-Архангельском кладбище. РБК (18 kezakud 2015). Дата обращения: 12 vilukud 2026.
  6. ↑ Участница «Блестящих» поглощена побочным проектом. InterMedia (1 elokud 2001). Дата обращения: 12 vilukud 2026. Архивировано 7 kezakud 2022 года.
  7. ↑ Жанна ушла из «Блестящих», но недалеко. InterMedia (10 tal'vkud 2003). Дата обращения: 12 vilukud 2026. Архивировано 7 kezakud 2022 года.
  8. ↑ Жанна Фриске превратилась в аморальную ведьму. InterMedia (25 kezakud 2003). Дата обращения: 12 vilukud 2026. Архивировано 7 kezakud 2022 года.
  9. ↑ Жанна Фриске вернется на экраны в "О чем говорят мужчины 2". Lenta.ru (13 sügüz'kud 2010). Дата обращения: 12 vilukud 2026. Архивировано 9 kezakud 2022 года.
  10. ↑ Страшная новость о болезни Жанны Фриске шокировала страну. НТВ (18 vilukud 2014). Дата обращения: 12 vilukud 2026. Архивировано 20 vilukud 2014 года.
  11. ↑ У певицы Жанны Фриске обнаружен рак. Российская газета (20 vilukud 2014). Дата обращения: 12 vilukud 2026. Архивировано 23 vilukud 2014 года.
  12. ↑ Скончалась Жанна Фриске (16 kezakud 2015). Дата обращения: 12 vilukud 2026.
  13. ↑ На могиле Жанны Фриске установили памятник. ФОТО. Дата обращения: 12 vilukud 2026. Архивировано 20 sügüz'kud 2022 года.
  14. ↑ Дмитрий Шепелев выпустил книгу о Жанне Фриске и рассказал о ней в программе Андрея Малахова. Дата обращения: 12 vilukud 2026.
  15. ↑ В Москве установят памятник Жанне Фриске. Дата обращения: 12 vilukud 2026.
  16. ↑ Фотография на могиле Жанна Фриске в Москве. Дата обращения: 12 vilukud 2026.

Lähtked

Om sadud "https://vep.ruwiki.ru/w/index.php?title=Friske_Žanna_Vladimirovna&oldid=530509"