Fernandes Žaklin
| Fernandes Žaklin | |
|---|---|
| Jacqueline Fernandez | |
 | |
| Sündund päiv | 11. elokud 1985[1] (40 лет) |
| Sündund sija | |
| Rahvahuz' | |
| Professii | Indijan aktrisa, Šri-Lankan fotomodel' |
| Radon aig | 2009 — nügüdehesai |
| IMDb | ID 2596365 |
 Mediafailad RUWIKI-tedoiš | |
Žaklin Fernandes (ven.: Фернандес Жаклин, angl.: Jacqueline Fernandez; om sündunu 11. elokud 1985, Manam) - Šri-Lankan da Indian aktrisa da enzne fotomodel'. Ühtneb sjomkoihe Bollivudan fil'moiš hindi-kelel da anglijan kelel. "Šri-Lankan Miss"-konkursan vägestai (angl.: Miss Universe Sri Lanka) vodel 2006, "Mail'man voden 2006 Miss"-konkursan ühtnik.
Elostarin
Žaklin om sündnu Manam-lidnas, pagenuded Elroi-muzikantan Šri-Lankaspäi da Kim-st'uardessan Malaizijaspäi kanzas. Mamal oma indialaižed da kanalaižed jured. Hän om noremb laps' kanzas, kus om völ kaks' vellid da sizar[3]. Openzihe Bahreinas i ühtni sen TV-serialoihe. Lopi Sidnejan universitetan Avstralijas (joukkommunikacijad). Radoi TV-lehtmehen Šri-Lankas. Openzi ispanijan, francijan da araban keled Berlitz-školas.
Vodel 2006 tegihe "Šri-Lankan Miss"-konkursan vägestajaks, ühtni "Mail'man voden 2006 Miss"-konkursaha, mitte mäni Los Andželesas. Necil-žo vodel ühtni muzikaližen klipan sjomkoihe "O Sathi"-duetan pajoho, mittušt pajatiba Bathja da Santhuš.
Karjer
Vodel 2019 Žaklin ühtni bojevikan sjomkoihe, miččen nimi om Drive ühtes Sušant singh rapžputanke. Mugažo ühtni fil'moiden sjomkoihe anglijan kelel: "Varaidusen märičend" da According to Mathew[4].
Vodel 2024 Žaklin ühtni "Tervhen tulda džunglijoihe"-fil'man sjomkoihe, sil om toine nimi "Tervhen tulda 3", se läksi eloho 20. tal'vkud vodel 2024. Fil'man režiss'or - Ahmed Han. Žaklin mugažo ühtneb "Fateh"-draman sjomkoihe kiberazjoiš, fil'man režiss'or - Vaibhav Mišri. Konz fil'm lähteb eloho, ei ole tedoid[5].
19. semendkud vodel 2024 Žaklin ühtni kannoiden festivalihe, mitte mäni Francijas 77. kerdad[6].
Valitud fil'mografii
- "Aladin" (2009) — Žasmin (änetoiti Mona Ghoš Šetti, Žaklinan hindi oli paha völ);
- "Tezižin, kuspäi om tulnu" (2010) — Tara;
- "Täuz' pert'" (2010) — Dhanno;
- "Rikond 2" (2011) — Prija;
- "Täuz' pert' 2" (2012) — Bobbi Kapur;
- "Voibištelend 2" (2013) — Omiša;
- "Išk» (2014) — Šaina Mehra;
- "Trilogii" / "Roi" (2015) — Ajiša / Tija;
- "Velled" (2015) — Dženni Fernandes;
- "Täuz' pert' 3" (2016) — Ganga "Greisi" Pateli;
- "Ambund" (2016) — Mira Bel / Išika;
- "Lendai Džatt" (2016) — Kirti;
- "Holematomad kaks'jaižed" (2017) — Ališka;
- "Voibištelend 3" (2018) — Džessika;
- "Nügüd' ühtes" (2022) — Divii;
- "Lopi heid kaikid 2" (2024) — Vanessa.
Homaičendad
- ↑ Internet Movie Database (англ.) — 1990.
- ↑ http://www.hindustantimes.com/brunch/guys-get-away-with-so-much-like-food-says-actor-jacqueline-fernandez/story-yn6CuFWk1XETwdqbqWk4XJ.html
- ↑ Gupta, Priya Jacqueline Fernandez: Thank my lucky stars to have Salman Khan in my life (англ.). The Times of India (7 heinkud 2014). Дата обращения: 23 tal'vkud 2025.
- ↑ Definition of Fear trailer: Jacqueline Fernandez has her first on-screen lesbian kiss. Дата обращения: 23 tal'vkud 2025.
- ↑ Cannes 2024: Jacqueline Fernandez CONFIRMS Her Appearance At Red Carpet; Will Collaborate With THIS Big Brand. Дата обращения: 23 tal'vkud 2025.
- ↑ Жаклин Фернандес на красной дорожке показа фильма «Горизонты: Американская сага». Дата обращения: 25 tal'vkud 2025.
Lähtked
- Fernandes Žaklin „Internet Movie Database“-saital (angl.)
- Fernandes Žaklin „KinoPoisk“-saital (ven.)