Ergenč Halit

Halit Ergenč
Halit Ergenç
Sündund päiv	30. sulakud 1970(1970-04-30) (56 лет)
Sündund sija	Stambul, Turkanma
Rahvahuz'	Turkanma Turkanma→  Velikobritanii
Professii	akt'or
Radon aig	vodelpäi 1996
IMDb	ID 1669979
Mediafailad RUWIKI-tedoiš

Halit Ergenč (ven.: Хали́т Эрге́нч, turk.: Halit Ergenç; om sündunu 30. sulakud 1970, Stambul) — turkialaine akt'or, om tetab Suleiman I-sultanan roliš "Parahim voz'aig"-serialas.

Elostarin

Halit om sündnus 30. sulakud vodel 1970 Stambul-lidnas, Sajit Ergenč-akt'oran kanzas. Sai keskopendust licejas Atatürkan nimev vodel 1989. Halit openzihe Stambulan tehnikan universitetas üks' voz', sid' jätksi üläopendust Čomiden taidehiden universitetas Mimar Sinanan nimel, opendusen aigan radoi operatoran da marketologan. Kuverdad-se aigad oli pajanikan da kargnikan Aiše Pekkan-pajatajanke ühtes.

Karjer

Vodel 1996 Halita ühtni "Dormen"-teatraha da sai ezmäižen pärolin "Kuningaz da minä"-mjuziklas. Hän ühtni sjomkoihe televidenijal "Must angel"-serialas. Vändi teatras erazvuiččiš ezitusiš: Čokaida mindai, Ket!, Tatlı Charity, "Armasta mindai", "Amphitrion", Evita, "Prizrak da toižed", Şarkılar Susarsa. Jäl'ghe radod Köşe Kapmaca da Böyle mi Olacaktı serialoiš läksi Nju-Jorkaha da vändi Zakan ilosižed azjad-mjuziklas.

Voziden 1990 lopus läksi Amerikaha, kus radoi kaks' vot Brodvejan scenal. Konz pörzihe Turcijaha, Ergenč tahtoi pästta eloho muzikališt spektaklid, sai pärolin romantižes "Ezmäine armastuz"-fil'mas.

Vodel 2000 hän vändi erazvuiččiš fil'moiš, teatrozutelusiš. Vodel 2004 hän sai rolin "Alije"-serialas ühtes San'a Čelik da Nežat Išler — akt'oroidenke. Vozil 2003—2004 vändi pärolid popul'arižes "Zerda"-teleprojektas.

Vodel 2006 Ergenč ühtni sjomkoihe "Tuha da üks' ö"-serialas, neciš rados hän sai "Kuldaine lipikaine"-prmijad. Vodel 2011 sai rolin "Parahim voz'sada"-serialas, kus vändi Suleimanad Sured.

Vodel 2019 akt'or vändi Irfan-professorad dramatižes "Vavilon"-serialas, vodel 2024 — dramatižes remeikas. Ühtni turkilaižehe "Kargud aigvoččoden täht"-programmaha.

Kriminaline azj

Vilukun lopus vodel 2025 halit andoi kelastuztedoid sudas kasting-menedžeran Aiše Bariman azjan mödhe. Aigemba se oli pandud t'ur'maha, sikš ku tegi libutandoid Gezin puištos, tahtoi ajada valdmehištod. 27. semendkud vodel 2025 halit sai voden da 10 kud kelastuztedoiš.

Personaline elo

Halit Ergenč nai 2007 Gizem Soisaldal, eriganzi kül'mkus vodel 2008.

Vodel 2009 nai toižen kerdan aktrisal Berg'uzar Korelil. Vodel 2010 heil sündui Ali-poig. Vodel 2020 - toine Han-poig. Vodel 2021 - Leila-tütär.

Vodelpäi 2022 Halit kanzanke eläb kahtes valdkundas: Turcijas da Velikobritanijas, sikš ku äjan radab.

Valitud fil'mografii

• "Must angel" (1996, TV-serial) — Küšrat;
• "Zeibek-lämoi" (2002) — Aleko;
• "Zerda" (2002−2004, TV-serial) — Devran;
• "Tatam" (2003) — Kartal;
• "Škol" (2004) — Sebeli-bei;
• "Alije" (2006−2008, TV-serial) — Sinan Karahan;
• "Verk 2.0." (2006) — Igor' Ivankov;
• "Ezmäine armastuz" (2006) — Kemal';
• "Tuha da üks' ö" (2006−2009, TV-serial) — Onur Aksal;
• "Čomakulu voz'sada" (2011−2014, TV-serial) — Suleiman I;
• "Ali da Nino" (2016) — Fatah Han Hoiski;
• "Rusked Stambul" (2017) — Orhan;
• "Vavilon" (2019) — Irfan;
• "Ku kuningaz ei tule vägestajaks" (2025) — Kenan.

Homaičendad