Elo-ozan ironii, libo Kebnäd löunud!

Рувики-späi
Kodvdud kirjutez
Ирония судьбы, или С лёгким паром!
Постер фильма
Žanr melodrama
tragikomedii
Ohjandai El'dar R'azanov
Kinotarinan avtor Emil' Braginskii
El'dar R'azanov
Päroliš Andrei M'agkov
Barbara Bril'ska
Jurii Jakovlev
L'ubov' Dobržanskaja
Rolid
änestiba		 Sergei Nikitin[d], Valentina Talizina[d] da Alla Pugačova
Kameramez' Vladimir Nahabcev (päoperator)
Vadim Alisov
Sergei Armand
Boris Kočerov
Montažor Valeria Belova
Muzikan tegii Mikael Tariverdijev
Taidehpirdai-tegii Aleksandr Borisov
Originaline telekanal Keskuztelevidenijan ezmäine programm
Kompanii "Mosfil'm"-kinostudii. Telefil'moiden sädaiühtištuz
Distribjutor Sovetskijan Sojuzan ministroiden nevondišton valdkundaline komitet televidenijan da radion mödhe
Piduz' 184 мин
Valdkund  SSSR
Kel' Venän kel'
Lähtendpäiv 1976
Serijoiden lugumär 2
Uz' fil'm Elo-ozan ironii. Jatkund[d]
Internet Movie Database ID 0073179

Elo-ozan ironii, libo Kebnäd löunud! — (ven.: «Иро́ния судьбы́, и́ли С лёгким па́ром!»), sovetskii kahten serijan voden 1975 telefil'm, miččen snimi režiss'or El'dar R'azanov. Premjer Sovetskijas Sojuzas oli 1. vilukud vodel 1976 "Keskuztelevidenijan ezmäižen programman mödhe"[1].

Tegemižen istorii

Fil'man pohjaze om pandud Emil' Braginskijan da El'dar R'azanovan pjesa, miččen nimi om "Kebnäd löunud! libo Kerdan uz'vozližel öl…". Pjesa oli kirjutadud vodel 1969 da, konz tehtihe fil'mad, se ozutihe jo erazvuiččiš Sovetskijan Sojuzan teatroiš. Möhemba sidä ozutihe valdkundan 110 teatran laval[2], mugažo irdpolel-ki.

R'azanov starinoiči, miše kut pjesan s'užetan, muga fil'man s'užetan pohjaze, oli pandud todesižed azjtegod. Tozi oli ristit, mitte 31. tal'vkud mäni kül'betihe, a homendeseks putui toižehe lidnaha. Mil lopihe hänen istorii, R'azanov da Braginskii ei tekoi — hö meletiba lopud iče.

Sügüzel vodel 1975 edel premjerad Sovetskijas Sojuzas Kaiken Venäman fil'moiden telefestivalin programman aigan Gruzijan eläjad ezmäižin nägištiba "Elo-ozan ironijad". Necil festivalil, mitte mäni Tbilisijas, fil'm sai ezmäižen sijan[3].

S'užet

S'užetan pätemas ozutadas tuskaline üks'laduine Brežnevan aigkeskustan arhitektur. Se sel'genzoittas jumoristižes animacijan ezipaginas, kus arhitektorad oma politikoiden da b'urokratijan valdas (režiss'or da animator Vitalii Peskov). Lopuks ühtejiččed, pojavad, no sil-žo aigal funkcionaližed äižiruižed pertid sünduiba kaikuččes lidnas, küläs da ezilidnas kaikes Sovetskijas Sojuzas[4].

Jogavoččen tradicijan mödhe sebranikad vastasoiš ühtes Moskvan kül'betiš, miše praznuita Ut Vot. Kaik tegesoiš humaloikš praznuites pägerojan Žen'an lukašinan käziiškud Gal'anke (hän päti kucta neittušt mehele uz'vozližel öl). Jäl'ghe kül'betid ühtele hänen sebranikoišpäi Pavlikale pidi ehttä leta Leningradha, kus händast varasti ak. Kaik sebranikad keradasoiš vedäda händast aeroportaha.

Konz sebranikad tuleba aeroportaha, Žen'a da Pavlik jo magadaba. A Saša Mišanke ei voigoi muštelta, kenele heišpäi pidab leta. Pavlikan sijas hö ištutaba vigan mödhe Žen'ad lendimehe.

Žen'a magadab kaiken dorogan ičeze susedan ougel, mitte oli pahas meles da lopuks abuti hänele lähtta lendimespäi Leningradas. Nor' mužik heraštub Leningradan aeroportas meletades, miše hän om Moskvas. Hän tabadab taksi-mašinad da sanub mašinan vedäjale ičeze adresad.

Muga tegese, miše Leningradas om mugoine-žo adres pertiš, mitte nahodib Žen'an pertihe Moskvas. Moskvalaine lendase liftal "ičeze" fateraha, i, midä čudutoitab, miše hänen avadim avaidab uksen (kut sanutas ezipaginas: "…standartižiden fateroiden sauvomine standartižiden lukloidenke"). Pertin südäimes eskai kaik kaludišt om mugoine-žo, kut Žen'an fateras, no nor' mužik om mugoine humalaz, miše ei voi nägištada nimiččid eroid.

Sil aigal fateran emäg Nad'a Ševel'ova pördase kodihe. Hän vaumičese vastata Ut Vot ičeze prihanke Ippolitanke. I äkkid löudab ičeze magaduzsijal tundmatomad ristitud, kudamb nukkub. Hän tahtoib ajada varastamatoman adivon irdale, no hän käregoitase da ei voi el'geta, midä "hänen" fateras tegeb veraz naine da mikš hän pakičeb midä-se. Ozutades toine toižele pasportad eländsijanke, fil'man gerojad lopuks el'gendaba azjad. Žen'a om pahas meles: Moskvas händast varastab Gal'a. A Ippolit, tuldes Nad'annoks, ei tahtoi uskta Žen'an da Nad'an sel'genzoitusihe. Nor' priha keradase ajamaha Moskvaha, no el'gendab, miše hänel ei ole kerdal rahoid. Hän möst pördase Nad'an fateraha. Ippolit tuleb tahaze mel'he da lähteb. Nad'a tahtoib pigemba küksta Jevgenijad, no udhe homendehesai aviareisoid Moskvaha ei ole. Žen'a äi kerdoid tahtoib zvond'a Moskvaha da sel'genzoitta Gal'ale, midä tegihe. Lopuks hän ühtenzoitase ičeze neiččenke, no hän, kulištades Leningradan polhe, tacib trubkad. Nad'a mäneb Moskvan vokzalale da ostab ičeze udele tutabale biletan pojezdale Moskvahasai, no hän rebitab sidä da ei tahtoi ajada.

Žen'a i Nad'a mänetaba uz'vozližen ön ühtes. Ezmäks hö ei navet'koi toine tošt i oma kuti vihanikad, no aigan sirttes heiden henged tegesoiš pehmdoikš, hö mel'dütoitaba toine toižehe. Homendesel hö el'gendaba, miše kaik midä tegihe heiden keskes, oli viga, hö pätaba erigoittas. Nor' priha pördase Moskvaha. Väzunu jäl'ghe dorogad da unetomad öd, hän undab. Konz heraštoitab, meletab, miše Nad'a tuli hänennoks unes, no hän ištub hänenke rindal. Hän päti tulda hänennoks Moskvaha da hänele ei olend-ki jüged löuta armhad ristitud, ved' heiden adresad oma ühtejiččed, a avadimed voiba avaita lukkon.

Novellizacii

Om "Elo-ozan ironijan" novellizacii (drama avaitud remarkoidenke), mitte om paindud erazvuiččiš kogomusiš, miččed om keratud El'dar R'azanovan fil'moiden novellizacijoišpäi[5]. Sen südäin nahodib fil'maha da pjesaha.

Roliš

Akt'or Rol'
Andrei M'agkov Jevgenii Lukašin (pajatab — Sergei Nikitin)[6] hirurg Jevgenii Lukašin (pajatab — Sergei Nikitin)[6]
Barbara Bril'ska Nadežda Ševel'ova (änestab Valentina Talizina, pajatab Alla Pugačova) venän kelen da literaturan opendai Nadežda Ševel'ova (änestab Valentina Talizina, pajatab Alla Pugačova)
Jurii Jakovlev Ippolit Georgijevič Nad'an ženih Ippolit Georgijevič
L'ubov' Dobržanskaja Marina Dmitrijevna Žen'an mamoi Marina Dmitrijevna
Ol'ga Naumenko Gal'a Žen'an nevest Gal'a
Lija Ahedžakova Tan'a Nad'an sebranik da ühtesradnik Tan'a
Valentina Talizina Val'a Nad'an sebranik da ühtesradnik Val'a
Aleksandr Širvindt Pavel/ Žen'an sebranik Pavel/ än' kadran taga fil'man augotižes
Georgii Burkov Miša Žen'an sebranik Miša
Aleksandr Bel'avskii Saša Žen'an sebranik Saša
L'ubov' Sokolova Nad'an mam[7] Nad'an mam[7]
Gotlib Poninson passažir Krasnojarskaspäi varastab ištta lendimehe passažir Krasnojarskaspäi
El'dar R'azanov passažir lendimes (ei ole titroiš) passažir lendimes (ei ole titroiš)
Boris Rudnev taksist (ei ole titroiš) taksist (ei ole titroiš)
Nikolai Pogodin äkkiline adiv bajananke (ei ole titroiš) äkkiline adiv bajananke (ei ole titroiš)
Aleksandr Postnikov siriči mänii (ei ole titroiš) siriči mänii (ei ole titroiš)
Jelena Naumkina bufetan radnik aeroportas (ei ole titroiš) bufetan radnik aeroportas (ei ole titroiš)
Nikolai Kuznecov sused (ei ole titroiš) sused (ei ole titroiš)
Mihail Bočarov sused koiranke (ei ole titroiš) sused koiranke (ei ole titroiš)

Kadrad fil'maspäi

  • Andrei M'agkov Žen'an roliš da Ol'ga Naumenko Gal'an roliš

    Andrei M'agkov Žen'an roliš da Ol'ga Naumenko Gal'an roliš

  • Aleksandr Širvindt Pavlan roliš

    Aleksandr Širvindt Pavlan roliš

  • Barbara Bril'ska Nad'an roliš

    Barbara Bril'ska Nad'an roliš

  • Jurii Jakovlev Ippolitan roliš

    Jurii Jakovlev Ippolitan roliš

  • L'ubov' Dobržanskaja Žen'an maman roliš

    L'ubov' Dobržanskaja Žen'an maman roliš

  • Andrei M'agkov (Žen'a) da Barbara Bril'ska (Nad'a)

    Andrei M'agkov (Žen'a) da Barbara Bril'ska (Nad'a)

Sjomkoiden grupp

  • Scenarijan avtorad: Emil' Braginskii, El'dar R'azanov
  • Ohajndai-tegii: El'dar R'azanov
  • Päkameramez': Vladimir Nahabcev
  • Pätaidehpirdai: Aleksandr Borisov
  • Toine ohajndai: Игорь Петров
  • Änenohjandai: Jurii Rabinovič
  • Muzikan tegii: Mikael Tariverdijev
  • Diriž'or: Georgii Garan'an
  • Taidehpirdai sädoiden mödhe: Ol'ga Kručinina
  • Taidehpirdai griman mödhe: Ol'ga Struncova
  • Kino-operatorad: Vadim Alisov, Sergei Armand, Boris Kočerov
  • Segoitud sjomkad: Boris Travkin (kameramez'), Valentin Glass (taidehpirdai)
  • Videon čapatez: Valeria Belova
  • Ohajndajan abunikad: Nina Koreneva, Grigorii Torčinskii
  • Kameramehen abunikad: Vladimir Gorškov, Vladimir Batuzov, Aleksandr Mihaličev, Sergei Kočeburov, Nikolai Korobeinik
  • Montažoran abunik: Eleonora Praksina
  • Taidehpirdai-dekoracijan tegii: I. F'odorov
  • Mastar' lämoin mödhe: Mark Vaisman
  • Toimitai: I. Naumova
  • Muzikaližed toimitajad: Raisa Lukina, V. Lapisov
  • Mul'tiplikacijan kuva fil'man augotižes: Vitalii Peskov
  • Fil'man pämez': Jefim Golinskii

Pajod da runod

Fil'man scenarijas oli kirjutadud 9 runod. 8 niišpäi tahtoitihe tehta pajoikš. El'dar R'azanov meletaškanzi, miše üks' muzikan tegii ei voi kerdalaz kirjutada 8 erazvuittušt muzikad. Siloi hän kirjuti nellžle tegijale: Jan Frenkelile, Isaak Švarcale, Andrei petrovale da Mukael Tariverdijevale. Hänen idejan mödhe kaikuččele pidi kirjutada kaks' pajod. Ezmäks kaik hökkähtiba, no jäl'ges koume mest pučihe erazvuiččiden süiden taguiči: kelle-se taritihe ajada verhaze maha, ken-se ei ehti, sikšk ku om äi radod. Jäi vaiše Mukael Tariverdijev[2].

Muzikan tegii Mukael Leonovič lugi scenarijan da čududelihe, kut sigä om äi erazvuiččid žanroid. Lopuks hän pirdi ičeze päs kuvan, kuti Raštvoiden sarnan.[8] Kompozitor kirjuti muzikad da pani sidä Marina Cvetajevan, Jevgenii Jevtušenkon, Bella Ahmadulinan da toižiden tetabiden runoilijoiden runoihe.

Kaik muzikad fil'maha kirjuti Mikael Tariverdijev. Hänen ak Vera johtuti[9]:

"Kerdan Tariverdijev mäni siriči sömsijad, kus toižiden ristituiden kekses ištui R'azanov da pajati "Na Tihoreckuju sostav otpravitsja..." - pajon. Necen pajon hän tahtoi otta ičeze udehe fil'maha i lujas hänele oli žal', miše nece om rahvahan pajo. Hot' todeks pajo oli kirjutadud minun mužikan operan täht. A pajati sen Vladimir Visockii, sikš R'azanov kulišti sidä, no ei tedand, ken om avtor"

Mužikan änel fil'mas enamba kaiked pajatab Sergei Nikitin (venäks: "So mnoju vot čto proishodit", "Ja sprosil u jasen'a", "Nikogo ne budet v dome" da "Jesli u vas netu t'oti"), akan änel pajatab Alla Pugačova("Po ulice mojei", "Na Tihoreckuju", "Mne nravitsja", "U zerkala"). "Balladan pipkutadud vagonas" Aleksandr Kočetkovan runoihe fil'man lopus lugeba Andrei M'agkov da Valentina Talizina. Augotišes pajatada pajoid fil'man täht vaumičihe Anna German, no änestamišt ei olend — средства на приглашение зарубежной певицы не были включены в смету[10].

Saundtrek fil'maha oli poleks pästtud Tariverdijevan plastinkal vodel 1976 "Melodia"-firmal[11]. Täuz' saundtrek oli tehtud CD-diskal vodel 2009 "Bomba-Mjuzik"-firmal[12]. Vodel 2016 saundtrek oli pästtud vinilal Velikobritanijas "Earth"-leiblal[13], vodel 2019 — mujukahal vinilal "Bomba-Mjuzik"-firmal[8].

Издание «Бомба-Мьюзик» 2009 года
№ НазваниеСловаВокал Длительность
1. «Увертюра» (инструментал)   2:43
2. «Со мною вот что происходит» Евгений ЕвтушенкоС. Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме» Борис ПастернакА. Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится[14]» Марина ЦветаеваА. Пугачёва 1:35
12. «Если у вас нету тёти (Ария московского гостя)» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «С любимыми не расставайтесь» Александр КочетковА. Мягков и В. Талызина 4:26
17. «Мелодия» (инструментал)   4:33
41:03

Vodel 2014 "Serebr'anii dožd'"-radiostancii pani plastinkad pajoidenke kinofil'maspäi ičeze «50 tetabad „Melodia“-firman plastinkad »- lugetišehe [15].

Sjomkad

Fil'man päkameramez' Vladimir Nahabcev päti kävutoitta novatorskijan sen aigan koumekameranke sisteman. Ühtel aigal radoi koume kamerad, miččed snimiba scenoid koumes erazvuiččes sijaspäi. Nece lujas kovas kebnenzoiti radod, no sil-žo aigal sjomkoiden process pideni[2].

Sjomkoiden process zavodihe keväz'kus, a lopihe kezan keskuses. Sikš fil'mas kävutoitihe tegolumi. No sikš ku sil aigal lumipuškoid da toižid agregatoid völ ei olend, lumi tehtihe käzil vanutesespäi, bumagaspäi da penoplastaspäi. A miše tehta tulleid, kävutadihe fen[9].

Läz kaik sjomkad mäniba Moskvas i vaiše erased scenad snimiba Leningradas. Molembad faterad, miččed kävutadihe fil'mas, oliba Vernadskijan prospektal Moskvas: pertiš nomer 125 (sigä oli Lukašinan fater) da 113 (Nad'an fater). Kül'betin scenan täht "Mosfil'mas" oli sauvdud paviljon.

A todesine Koumanz' ird Stroitel'oiden irdal oli neciš-žo Moskvan rajonas, kus oli Vernadskijan prospekt. Vaiše tozi sanuda, vodel 1963 se sai uden nimen - Maria Uljanovan ird[16].

Vodel 2003 pertin seinäl, kus eli Žen'a Lukašin, ripputadihe muštlaud. El'dar r'azanov ühtni sen avaidamižehe[17]. No ezmäižel-žo öl al'uminijan muštlaudan vargastet'he. Vodel 2007 muštlaudad ripputadihe ühtel aigal kahten pertin seinäle Vernadskijan prospektal — pertiš nomer 125, da pertiš nomer 113, — no ned-ki rippuiba ičeze sijoil vähän aigan[18][19][20].

Kinokodvdused

Mužikan Žen’a Lukašinan pärolile tahtoi putta popul’arinw akt’or Andrei Mironov. No R’azanov heiti hänen kandidaturad. Hän eci necile rolile ei lovelasad, a mužikad, kenen irdnägod da vedändad ei homaičižigoi naižed. Mironovale taritihe väta Ippolitan rolid, no hän küksi necidä rolid. Žen’a Lukašinan rolid tahtoitihe väta Oleg Dal’, P’otr Veljaminov, Stanislav L’ubšin da Innokentii Smoktunovskii[9]. Andrei M’agkov äkkid tegihe Lukašinaks. Ohjandai kritiženke kacui hänehe, no hän ozuti ičtaze paremba kaikid.

Oli jüged vatita aktrisad-ki naižen pärolikš. R’azanov “ei nägištanu Nad’ad”Надю» ni Lüdmia Gurčenkos, ni Valentina Talizinas, Ni Svetlana Nemol’ajevas, ni Antonina Šuranovas da ni äjiš sovetskijoiš tähthaižiš. Ezmäks hän tahtoi, miše geroin’ad vändaiži Alisa Freindih: hän lujas hüvin vändab komedijan rolid, nece oli tärged azj necen fil’man täht, hüvin pajatab. No taidehnevondišt ei vahvištanu händast[2]. Pol’šan aktrisas Barbara Bril’skas, kut kandidatas naižen pärolile, R’azanov meleti jäl’ghe sidä, konz pagižeškanzi toižen ohjandajanke. R’azanov kucui fil’maha verazmaižed aktrisad, no sikš ku hänen paginas kului verazmaine akcent, händast udes änisti Valentina Talizina. Talizina mugažo vändi fil’mas Nad’an podružkaižen Val’an.

Augotižes Ippolitan rolikš oli pandud Oleg Basilašvili. Hän eskai ehti väta erazvuiččiš epizodoiš. No sjomkoiden aigan läz ühtel aigal koliba hänen tat da ühtesradnik Jefim Kopel’an, I hän ei voind jatkta radod. Siloi hänen sijale tuli Jurii Jakovlev.

Gal’an rolikš ezmäks oli vahvištadud Natalja Gvozdikova[21].

Žen’a Lukašinan sebranikoid vändiba El’dar R’azanovan sebranikad — Georgii Burkov da Aleksandr Širvindt. Ohjandai jo radoi heidenke aigemba toižiš fil’moiš. Aleksandr Bel’avskii oli kuctud möhemba. A Nad’an da Žen’an mamoiden rolile oli vahvištadud L’ubov’ Sokolova da L’ubov’ Dobržanskaja, Hö mugažo aigemba radoiba R’azanovanke — snimihe “Beregis’ avtomobil’a”-fil’mas.

Fil’man massovskas snimihe Aleksandr Bel’ajev, tetab sän endustuden televedäi NTV-telekanalal[9].

Fil'man premjer

1. Vilukud vodel 1976 18:00 časud ehtad “Ezmäižen programman” mödhe mäni “Elo-ozan ironii, libo Kebnäd löunud” - fil’man premjer. Sil oli lujas sur’ satuz’. F’odor Razzakovan sanoiden mödhe, premjerad kacui 100 millionad kacujad[22]. Äiluguižiden kirjeižiden taguiči, konz pakitihe toštta fil’mad, 7. Uhokud vodel 1976 “Elo-ozan ironii, libo Kebnäd löunud” - fil’m pandihe efiraha toižen kerdan. Fil’man lühenzoittud variant ozutihe kinoteatroiš, kus fil’m mugažo oli lujas popul’arine kacujiden keskes. Sigä sidä kacui läz 7 millionad mest[23][24][25].

“Sovetskii ekran”-kulehtesen lugijad nimitiba “Elo-ozan ironii, libo Kebnäd löunud” 1976 voden parahimaks fil’maks, a parahimaks akt’oraks oli valitud Andrei M’agkov, kudamb vändi Žen’a Lukašinad[26]. Vodel 1977 ohjandai El’dar R’azanov, scenarijan tegii Emil’ Braginskii, kameramez’ Vladimir Nahabcev, muzikan tegii Mikael Tariverdijev da fil’man päakt’orad Barbara Bril’ska da Andrei M’agkov saiba Sovetskijan Sojuzan Valdkundaližen premijan hüväs rados fil’man tegemižes[27].

Pauklahjad

  • 1976 — “Sovetskii ekran”-kulehtesen lugijad nimitiba “Elo-ozan ironijad” parahimaks voden fil’maks.
  • 1976 — Andrei M’agkov tegihe Sovetskijan Sojuzan parahimaks akt’oraks “Sovetskii ekran”-kulehtesen küzundlistan mödhe[28]
  • 1977 — ohjandai El’dar R’azanov, päroliden vändajad Andrei M’agkov da Barbara Bril’ska, muzikan tegii Mikael Tariverdijev, kameramez’ Vladimir Nahabcev, scenarijan tegii Emil’ Braginskii oli pauklahjoitud Sovetskijan Sojuzan valdkundaližel premijal.

Toziazjad

Kadr viganke
  • Titroiš fil’man augotižes om viga venälaižes «исключительно»-sanas, kus om kadotud venälaine «л»-kirjain. Orfografii da punktuacii neciš ozuteses om kaitud.

Совершенно нетипичная история которая могла произойти только и искючительно в новогоднюю ночь

  • Kino-ohjandajan melen mödhe fil’man augotišes pidi ozutada ühtejiččed soveskijad pertid, sjomkad oli tehtud pöruilendimespäi. No fil’man b’udžetaha ei olend pandud mugoine sjomk, sikš kacui nägišti sen sijas animacijad.
  • Konz Nad’a otab übusespäi Ippolitan fotokuvan, sil om ozutadud Basiašvili, a ei Jakovlev. Konz tahtoitihe tehta uzid sjomkoid, lunt jo ei ole[29].
  • Päheng Nad’a radab opendajan. No paginas Ippolitanke hän tegeb vigad da sanub: “Minä unohtin panda päle (одеть) praznikališt platjod”. Venän kelen sändoiden mödhe pidi sanuda «надеть».
  • Lukašin lendab Leningradha Domodedovo-aeroportaspäi, sovetskijan aigan kaik pohjoiž- da päivnouzman südäinreisad tehtihe Šeremetjevo-1 - aeroportaspäi[30]
  • El’dar R’azanov vändi ühtes epizodas — passažiran rolid lendimes, kenen ougile lanksi magatud Lukašin[30][31].
  • Venäkeližed «Какая гадость эта ваша заливная рыба» da «О, тёпленькая пошла» — virkehid ei olend fil’man scenarijas. Niid meleti Juri Jakovlev iče[30].
  • Moskvas vodelpäi 1958 oli 3. Stroitel’oiden ird, no vodel 1963 sen nimi vajehtihe Maria Uljanovan irdaks. Piteriš 3. Stroitel’oiden irdad ei olend nikonz, no vodelpäi 1955 vodhesai 1962 oli kaks’ Stroitel’oiden irdad, toine — promzonas Krasnogvardeiskan rajonas; nügüd’ nece om Boksitogorskan ird, toine — Kirovskan rajonas, nügüd’ — Marineskon ird.

Kul'turan painastamine

  • Vodel 1981 XXVI KPSSan keradusel Leonid Brežnev sanui fil’mas:

Ei pida sel’genzoitta, kut om tärged, miše rahvaz nägiži ümbri čomut. Olimpikobjektad da Moskvan pertid, Leningradan vanhad arhitekturan ansamblid, Alma-Atan, Vil’n’usan uded pertid — nece om meiden ülenduz. No lidnan sauvotused pidab čomenzoitta, vajehtada. Miše ei oliži muga, kut fil’man gerojanke, kudamb putui toižehe lidnaha elo-ozan ironijan mödhe da ei voi erotada ičeze faterad verhan fateranke.[32]

Arvostelend

Ičeze "Nepoladkad venälaižes pertiš" - kijutesiš Sergei Kara-Murza sanui R'azanovale gerojoiden "antisovetsikijoiš azjtegoiš" da siš, miše hän korgenzoitab gerojoiš "sijaližiden emigrantoiden" ozutandad. Hän om sidä mel't, miše "Elo-ozan ironii"-fil'man gerojad oma neniden voziden "tipiližed intelligentad" läheližidenke necile ümbrusele "socialižiden pirdoidenke", kelle om enamba 30 vot, heil ei ole kanzoid da lapsid, no heil oma aktivižed mamad, kudambad holhuba hüväs elos da rahoiš. Gerojoiden "tehtud elitarnostin da aristokratijan" habi nägujid pirdoid sai intelligencijan znamasine enambišt, kudamb "ihastusenke oti perestroikad da hlopiti Saharovale"[33].

S. Kara-Murzan arvostelend fil'man da režiss'oran polhe ei olend üksjaine. Tal'vkus vodel 2018 jogavoččes tradicijas ozutada "Elo-ozan ironijad" televidenijal 31. tal'vkud sanui pahoin mitropolit R'azanskii Mark. Hänen melen mödhe fil'man idei — "miše tegižihe čud, ei pida rata, voib muite vastatas, ištta, tehtas humalaks» — tob pahut ortodoksižen uskondan sändoihe, konz pidab opeta ičtaze, a geroijoiden armastusen löudamižen pohjal om manituz[34].

Istorik da protodiakon Vladimir Vasilik nimiti fil'mas erazvuiččid temoid — armotomuz' da Hruščov-Brežnevan intelligencijan sovetskijad lapsed ilman tatoita, armastuz da manituz, humaluz, uho ku Elo-ozan heng da Uden Voden ilon metafor, — sanui fil'man polhe kut "möhemban socializman aigkeskustan muštpachas sen surudenke da tragizmanke", mitte sil-žo aigal tob ristituiden palanu armastusen kuvahaišt, ked ei uskkoi Jumalaha"; tusk Jumalan mädhe anttas ezmäi kaiked "pajoiš da runoiš, miččed oma horan roliš antičnijas tragedijas»[35].

Reliz DVD-diskal

Reliz DVD-diskal oli tehtud 10. tal’vkud vodel 2009 “Flagman-Treid”-kompanijal[30].

Jatkund

“Elo-ozan ironii” – fil’man jatkundan nimi oli “ Elo-ozan ironii. Jatkund”, mitte läksi tal’vkus vodel 2007 da kerazi enamba 55 millionad dollarad, fil’man tegemižen b’udžet oli 5 millionad dollarad. Žen’a Lukašinan da Nad’a Ševel’ovan vanhembiden lapsiden roliš oliba Konstantin Habenskii da Jelizaveta Bojarskaja[36].

Andrei M’agkov ühtni sjomkoihe, no lopuks oli pahas meles tehtud rados[37].

Homaičendad

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Дата обращения: 26 kül'mkud 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 tal'vkud.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 keväz'kud 2023).
  7. ↑ В пьесе, по которой снят фильм, указано имя и отчество мамы Нади — Ольга Николаевна, — а в самом фильме — нет.
  8. ↑ 1 2 Šablon:Discogs release, аннотация
  9. ↑ 1 2 3 4 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 tal'vkud.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 heinkud.
  11. ↑ Šablon:Discogs master
  12. ↑ Šablon:Discogs release
  13. ↑ Šablon:Discogs release
  14. ↑ «Мне нравится, что вы больны не мной» Цветаевой — любовный треугольник. pishi-stihi.ru. Дата обращения: 26 kül'mkud 2019. Архивировано 8 kezakud 2021 года.
  15. ↑ 50 культовых пластинок фирмы «Мелодия» | Серебряный Дождь. web.archive.org. Дата обращения: 18 kül'mkud 2024.
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 tal'vkud.
  17. ↑ Самый новогодний фильм увековечен мемориальной доской, РБК. Дата обращения: 18 kül'mkud 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Дата обращения: 18 kül'mkud 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013. www.m24.ru. Дата обращения: 18 kül'mkud 2024.
  20. ↑ Со стены дома, где снимали «Иронию судьбы», украли памятную табличку. Дата обращения: 18 kül'mkud 2024.
  21. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  22. ↑ Почти рождественская История Архивная копия от 25 keväz'kud 2013 на Wayback Machine. market.umh.ua.
  23. ↑ 40 лет с «Иронией» - Газета.RU. Газета.RU.
  24. ↑ Ирония судьбы или с легким паром. Рождение легенды - Первый канал на YouTube, начиная с Šablon:YouTube/Time converter
  25. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Дата обращения: 2 vilukud 2020.
  26. ↑ Победители конкурса журнала "Советский экран" // akter.kulichki.com. — 1983. — Reduku.
  27. ↑ Телефильм "Ирония судьбы, или С легким паром!". Досье - ТАСС, TACC. Дата обращения: 18 kül'mkud 2024.
  28. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10 vilukud 2007). Дата обращения: 26 kül'mkud 2019. Архивировано из оригинала 21 elokud 2009 года.
  29. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 tal'vkud 2022). Дата обращения: 18 kül'mkud 2024.
  30. ↑ 1 2 3 4 Ирония судьбы, или С легким паром! (ТВ, 1975). www.kinopoisk.ru. Дата обращения: 18 kül'mkud 2024.
  31. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Дата обращения: 18 kül'mkud 2024.
  32. ↑ 26-й съезд КПСС (23 февраля — 3 марта 1981 года): Стенографический отчёт. Т. 1. — М.: Политиздат, 1981. — С. 81.
  33. ↑ Кара-Мурза С. Г., Телегин С. А. Неполадки в русском доме Архивная копия от 23 tal'vkud 2021 на Wayback Machine. — М.: Алгоритм. — Серия «Горячая линия». — 443 с. — 3000 экз. — ISBN 5-699-09616-7.
  34. ↑ Митрополит Рязанский раскритиковал фильм «Ирония судьбы». Дата обращения: 23 tal'vkud 2021. Архивировано 23 tal'vkud 2021 года.
  35. ↑ Протодиакон Владимир Василик. О духовном содержании фильма «Ирония судьбы, или С легким паром!» / Православие.Ru. Дата обращения: 18 kül'mkud 2024.
  36. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 tal'vkud.
  37. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 tal'vkud.

Literatur

Tarkendused

Om sadud "https://vep.ruwiki.ru/w/index.php?title=Elo-ozan_ironii,_libo_Kebnäd_löunud!&oldid=528169"