Ded'uško Aleksandr Viktorovič

Aleksandr Ded'uško
Aleksandr Ded'uško
	vaug.: Аляксандр Дзядзюшка
Nimi	Aleksandr Viktorovič Ded'uško
Sündund päiv	20. semendkud 1962
Sündund sija	Volkovisk[d], Grodnenskan agj[d], Belorussian SSR[d], Sovetskii Sojuz;
Surman päiv	3. kül'mkud 2007 (45 лет)
Surman taho	Vladimiran agj, Venäma;
Rahvahuz'	SSSR → ; Venäma
Professii	akt'or
Radon aig	1987—2007
IMDb	ID 1747486

Aleksandr Viktorovič Ded'uško (vaug.: Аляксандр Віктаравіч Дзядзюшка, 20. semendkud 1962, Volkovisk^[d], Grodnenskan agj^[d] — 3. kül'mkud 2007, Vladimiran agj) oli tutab venälaine teatran- da kinoakt'or.

Elostarin

Sündui 20. semendkud vodel 1962[Volkoviskas Grodnenskaja agjas.

Laps'aigaspäi mel'dui raččastamižehe, školaigan käveli sambo- da bokssebraha, navedi jaugmäčun, kargaiži ansambliš, ühtni kapustnikoihe (ven.) (vep., lugi runod.

Vodel 1979 lopi školan, no päzuda opendamhas institutaha ei voind: hän möhöstui ekzamenoile Moskvaha.

Voden radoi avtoslesarin, jäl'ges koume vot služi Baltian laivištol (Doneck-laival), voden radoi ZIL-zavodal (ven.) (vep. cehan fizorgan.

Kezal vodel 1983 päzui opendamhas Nižegorodskan teatraližehe učiliščaha (ven.) (vep., miččen lopi 3,5 voziden aigas.

Učiliščan jäl'ghe pol' vot radoi Minskan teatras, a sidä jäl'ghe kuz' sezonad Vladimirskijan dramteatras, kus ezini päroliš.

Voziden 1995 lopus sirdihe Moskvaha.

Personaline elo

Vodel 1986 nai, oti mehele L'udmila Tomilinan, kudamb openzihe ühtes hänenke učiliščas, vaiše kahtele kursale vanhemba. 12. vilukud vodel 1991 heil sündui tütär — Ksenia Ded'uško. Aleksandr da L'udmila pit'kan aigan eliba da radoiba erazvuiččiš lidnoiš i lopuks erigoittihe toine toižespäi.

Tal'vkus vodel 1996 Ded'uško vastsihe 20-voččenke Vladimirskan teatran aktrisanke Svetlana Černiškovoi. 3. kezakud vodel 1999 hö naiba, 21. sügüz'kud vodel 1999 heil sündui Dmitrii Ded'uško-poig.

Surm

Koli, konz hänele oli 45 vot, ühtes akanke da poiganke avtoavarijas 3. kül'mkud vodel 2007^[1]. 22:15 časul moskvan aigadme 109. kilometral Moskva — Ufa-avtotel Ded'uško (voib olda, uinzi Toyota Picnic-avtomašinan rulin taga) ajoi toižen ajandten palaha da vastsihe "Scania"-mašinanke. Iškend tuli tahoho, kus ištui Svetlana. Aleksandr i Svetlana kerdalaz koliba< a Dmitrii poig völ eli kuverz'-se minutad, no mugažo koli pigaabun tulendad edel.

Aleksandr Ded'uškon, hänen Svetlana-akan da Dmitrii-poigan kaumad Trojekurovan kaumištol Moskvas.

Aleksandr Ded'uškon surmas johtutase venälaižes "Oficeri-2"-bojevikfil'mas Ezmäižes "Oficeri"-fil'mas akt'or vändi Marčenko-polkovnikan roliš.

Pauklahjad da premijad

Venäman FSB-služban premii (ven.) (vep. (nominacii "Akt'oran rad", surman jäl'ghe, 2007) — personaližes panendas eriajmehišton oficeran obran tegemižehe "Psevdonim "Albanec"", "Sarmat", "Operativnii psevdonim" fil'moiš^[2].

Homaičendad

↑ Актер Дедюшко вместе с семьей погиб в автокатастрофе (неопр.). Дата обращения: 30 redukud 2025.
↑ Федеральная служба безопасности Российской Федерации вручила премии за формирование положительного образа спецслужб (рус.). kino-teatr.ru. Дата обращения: 30 redukud 2025.

Lähtked

Ded'uško Aleksandr Viktorovič „Internet Movie Database“-saital (angl.)
Ded'uško Aleksandr Viktorovič „KinoPoisk“-saital (ven.)

[1] Актер Дедюшко вместе с семьей погиб в автокатастрофе (неопр.). Дата обращения: 30 redukud 2025.

[2] Федеральная служба безопасности Российской Федерации вручила премии за формирование положительного образа спецслужб (рус.). kino-teatr.ru. Дата обращения: 30 redukud 2025.

[1]

[2]