Bolgar

	Bolgar
Флаг	Герб
	54°58′00″ с. ш. 49°02′00″ в. д.GЯO
Valdkund	Venäma;
Istorii da geografii
Pind	116;
Высота	80
Aigvö	UTC+3[d]
Ekonomik
Eläjad
Eläjad	▼8228 чел. (2023);
Lugud
Telefonan kod	84347
Počtan indeksad	422840
-
	Официальный сайт
	lugeda • diskussii • redaktiruida

Bolgar (Tatarstanan Tazovaldkundan suvipäivlaskmas. Se om Spasskan rajonan administrativine keskuz.

Istorii

Amuine Bulgar-lidn oli olmas 10. voz'sadaspäi. Lidnusen jändused seištas Bolgaran ümbrištos nügüd'-ki, mülütihe niid Mail'man jäl'gusen nimikirjuteshe vl 2014.

Lähine upotadud Spasskoje (Čertikovo)-külä sai makundan lidnan statusad vl 1781, mülüi Kazanin gubernijha. Vhesai 1935 nimitihe lidnad Spassk-Tatarskijaks mugažo (Kuibiševan vezivaradimen täutmišt vl 1957. Sirtihe Kuibiševad täuzin kahtes kilometras suvhe Bolgari-küläspäi (ven.: Болгары), eländpunktad ühtenzoitiba aigan mändes. Vl 1991 udesnimitihe lidnad nügüdläižikš.

Bolgaran ižandusen päsarak om turizm (541 tuhad matknikoid vl 2018), jogiport om lidnas turistlaivoiden täht. Leibänkombinat om tegimišton edheotandaks.

Geografijan andmused

Lidn sijadase Kuibiševan vezivaradimen hural randal, 80 m ü.m.t. keskmäižel korktusel. Matkad Kazanihesai om 90..100 km pohjoižhe orhal vai vezivaradimedme, 190 km avtotedme. Lähembaine lidn om Tetüši 15 km päivlaskmha vezivaradimen vastrandal.

Bolgari-külä (tot.: Болгар авыл, 179 rist. vl 2017) mülüb lidnankundha Bolgaran ližaks. Lidnfartaloiden pind om kahesa nellikkilometrad.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 8 650 ristitud, lidnankundan — 8 841 ristitud, rajonan ristitišton koume seičemendest. Vll 1979−2019 lidnan ristitišt oli 8,3..8,7 tuh. eläjid röunoiš (8 700 rist. vl 2003).

Rahvahad (1989): čuvašalaižed — 2,1 %, toižed rahvahad — 1,6 %.

Islaman akademii i Vauged päpühäpert' (sunnitad) oma avaitud Bolgaras. Ortodoksižen hristanuskondan kaks' jumalanpertid om saudud lidnas.

Spasskan saraktehnologijoiden tehnikum^[2] om profopendusen toižeks aluzkundaks.

Edeline lidnan da rajonan pämez' om Kamil' Nugaev (1995 — sügüz'ku 2019).

Galerei

Türkiž-tatarižen kirjkelen istorijan muzei (2018)
Vauged pämečet', vn 2012 nägu
Istoriž-arheologine Sur' Bulgar-kompleks vl 2007. Mülüb UNESCO:n Mail'man jäl'gusen nimikirjuteshe vspäi 2014
Bolgaran islaman akademii (2021)
Bolgar P5181921 2200.jpg

Jogistancii vl 2018

Homaičendad

↑ ¹ ² https://rosstat.gov.ru/storage/mediabank/Bul_MO_2023.xlsx
↑ Spasskan saraktehnologijoiden tehnikum edu.tatar.ru-saital. (ven.) (tot.)

Irdkosketused

Lidnan da Spasskan rajonan tobmuden sait (spasskiy.tatarstan.ru) Tatarstanan Tazovaldkundan oficialižel portalal. (ven.) (tot.)

Bolgar Vikiaitas

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[_ffc0ebc4237a74a3-1] ¹ ² https://rosstat.gov.ru/storage/mediabank/Bul_MO_2023.xlsx

[2] Spasskan saraktehnologijoiden tehnikum edu.tatar.ru-saital. (ven.) (tot.)

[1]

[2]