Beregovo

Beregovo
ukr.: Берегове mad'j.: Beregszász
Флаг Герб
48°12′09″ с. ш. 22°38′15″ в. д.
Valdkund	Ukrain
Istorii da geografii
Pind	19
Высота	115 ± 1
Aigvö	UTC+2:00[d], летом UTC+3[d]
Eläjad
Eläjad	23 732 чел. (1 vilukud 2019)
Lugud
Počtan indeksad	90200
Официальный сайт
Mediafailad RUWIKI-tedoiš

Beregovo (ukr.: Берегове, mad'j.: Beregszász) om Ukrainan lidn Karpatantagaižen agjan suvipäivlaskmas. Lidn alištub agjan tobmudele, om maižanduzrajonan keskuseks. Om mad'jarižen kul'turan päkeskusen Karpatantaguižes: mad'jarine pedagogine institut, mad'jarine teatr.

Istorii

Eländpunkt mainitase ezmäižen kerdan vl 1063 kuti mad'jarine Lamperthaz (mad'j.: Lamperthaza) Lambert-princan-alusenpanijan nimen mödhe. Mad'jarine Bela IV-kunigaz (ohj. 1235−1270) kucui Saksonijan saksalaižid udessündutamha lidnad Mongolijan kalaidajiden heimoiden londan jäl'ghe, andoi eländpunktale torguindoiktusid, i hö sirtihe. Vspäi 1247 om lidnan statusanke. Vozil 1504−1946 lidnan oficialine nimi oli Beregsas (mad'j.: Beregszasz tähäsai) — «saksan rand».

Mülüb Ukrainha vspäi 1946, kudamb edel 1991 vot oli NSTÜ:n palaks.

Geografijan andmused

Lidn sijadase 10 kilometras suvipäivlaskmha Karpatiden pautkilpäi, Mad'jaranman röunanno, Mad'jarižel tazangištol, 115 m ü.m.t. keskmäižel korktusel. Matkad agjan Užgorod-keskushesai om 72 km avtotedme vai 65 km raudtedme.

Verke-kanal (mad'j.: Vérke) läbitab lidnad, se om 5..12 m levette i ühtenzoitab Boržav- da Latoric-jogid (Tisan bassein). Kazvatadas vinmarjoid madalil mägil Beregovon ümbrištos.

Eläjad

Vl 2012 eläjiden lugu oli 24 505 ristitud. Kaikiš suremb ristitišt oli 30 157 eläjad vl 1989.

Rahvahad (vn 2001 rahvahanlugemine): mad'jaralaižed — 48,1%, ukrainalaižed — 38,9%, čiganalaižed — 6,4%, venänikad — 5,4%. Edel Tošt mail'man sodad evrejalaižiden lugu oli znamasine lidnas (nelländeshesai), no nacistižen Germanijan sodaväged rikoihe heid.

Irdkosketused

• Lidnan tobmuden aluzkundoiden oficialine sait (beregovo-beregszasz.gov.ua). (ukr.) (mad'j.)