Artistan päiv
| Artistan päiv | |
|---|---|
 | |
| Tip | Professionaline |
| Tegii | Venäman valdmehišt |
| Praznuitas | kaikuččen voden |
| Päiv | 17. vilukud |
Artistan päiv (ven.: День арти́ста) — professionaline praznik Venämal, mitte om tehtud heinkus vodel 2025. Praznik oli tehtud Venäman teatrradnikoiden ühtištusen pämehen Vladimir Maškovan taričendan mödhe. Praznuičendan päiv om ühtenzoitud akt'oroiden mastaruden sisteman tegijan Konstantin Stanislavskijan sündundpäivänke[1]. Praznik om professionaline muzikantoiden, pajanikoiden, kinon, teatran da cirkan artistoiden täht[2].
Venäman kul'turministerstvale pidab pästta normativine akt, miše vahvištoitta necidä pätust[3].
Istorii
Vodel 1917 Venämal ezmäižen kerdan mäni Venälaižen akt'oran päiv, miččen pidi Venälaine teatrsebr, miše kerata rahoid teatran kehitoitusen täht da tugeta akt'oroid, kenele ei täudu rahoid[4].
Tal'vkun augotišes vodel 2024 Vladimir Maškov Venäman teatrradnikoiden ühtištusen levitoitud sekretariatan ištundal tariči tehta Artistan päiväd. Hänen sanoiden mödhe: "nece päiv tegese znamasižeks teatrradnikoiden keskes. Sen nimi om valitud ei muite, sen jured oma arvnimiš: rahvahaline da arvostadud artist, miččed anttas arvtegoiš da satusiš teatran, muzikan, cirkan, estradan da kinotaidehen alovehes"[5].
Maškov mugažo homaiči, miše muga Venäman teatrradnikoiden ühtištusen ezitajad tahtoiba udessündutada Maria Gavrilovna Savinovan da Teatrsebran istorilišt iniciativad, konz Akt'oran päiväl kerdan vodes artistad ozutiba spektaklin, sadud rahoid oigetihe Scenan veteranoiden pertin ezmäižele sauvomižele Piteriš[5].
Akt'oroiden toižed praznikad
26. elokud kaikes mirus, siš lugus Venämal-ki, praznuitas Rahvahidenkeskeine akt'oran päiv, mitte om tehtud amuižrimalaižen ak'oran Genezii Rimskijan muštoks, kudamb eli III voz'sadal meiden erad, hän ozuti ortodoksižid ristituid laval, ühtni udehe siloi uskondaha da iče tegihe ortodoksižeks, hän sanui siš avonaižesti rahvahale da oli surmitadud. Möhemba hän oli kanoniziruitud da nimitadud akt'oroiden, muzikantoiden da epileptikoiden kaičijaks[6][7].
Homaičendad
- ↑ В России 17 января будет отмечаться День артиста, Interfax.ru (18 elokud 2025). Дата обращения: 3 elokud 2025.
- ↑ В России 17 января будут отмечать новый праздник — День артиста, Коммерсантъ (3 elokud 2025). Дата обращения: 18 elokud 2025.
- ↑ В России будет отмечаться День артиста. government.ru (18 elokud 2025). Дата обращения: 3 elokud 2025.
- ↑ День русского актера. Проект 1917. project1917.ru. Дата обращения: 18 elokud 2025.
- ↑ 1 2 Машков предложил учредить День артиста, TACC. Дата обращения: 18 elokud 2025.
- ↑ Генесий Мим. www.pravenc.ru. Дата обращения: 18 elokud 2025.
- ↑ Catholic Encyclopedia: Genesius (англ.). www.newadvent.org. Дата обращения: 18 elokud 2025.