Coi Anita Sergejevna

Рувики-späi
Anita Coi
Исполнительница Анита Цой.png
Üleižed tedod
Nimi sündundan aigan Anna Sergejevna Kim
Täuz' nimi Anita Sergejevna Coi
Sündundpäiv 7. uhokud 1971(1971-02-07) (55 лет)
Sündundsija
Ma  Venäma
Professijad pajatai, runoilii, aktris, kompozitor, filantrop, televedai, biznesmez'
Radon aig 1996 — наст. время
Pajoän' meccosoprano[d] da kontral'to[d]
Muzikvändimed fortepiano, skripk, fleit, gitar
Žanrad pop-muzik, pop-rok, estrada, kargaiduzmuzik, ritm-end-bl'uz
Leiblad Sojuz (1997), New Hollywood International (1998), Real Records (2003), Universal Music Russia (2005—2011), Monolit Rekords, Velvet Music
Pauklahjad
Официальный сайт
Логотип РУВИКИ.Медиа Mediafailad RUWIKI-tedoiš

Anita Sergejevna Coi[1] (ven.: Ани́та Серге́евна Цой, nimi sündundan aigan — Anna Sergejevna Kim; vodelpäi 1990 vodehesai 2016 — Anna Sergejevna Coi, kor.: 아니타 초이; om sündunu 7. uhokud 1971, Moskva) om venälaine pajatai, kompozitor, TV-vedai da filantrop korejažen sündundad;Venäman rahvahaline artistka (2021)[2]. Rahvahidenkeskeižen Pillar-konkursan laureat (2004).

Oficialižen sädairadon zavodi Anita-nimel vodel 1996[3]. Pajatab pop-muzikan, pop-rokan, R&B-žanroiš. Mahtab väta erazvuiččil muzikvändimil. Nügüd' pajatajal om pästud seičeme al'bomad, enamba 20 singlad, 10 adivajeluzkoncertad. Om ičeze pajoiden enambišton avtor da kompozitor. Ühtni Ezmäižen TV-kanalan ven.: Цирк со звёздами-teleozuteshe, ven.: «Ледниковый период. Кубок профессионалов»-, ven.: «Один в один!»- programmoihe. Oli Domašnii-telekanalan ven.: «Свадебный размер»-šoun vedai[4].

Biografii

Anitan dedoi vodel 1921 tuli Sovetskijaha Sojuzaha Korejaspäi da 14-ččes aigas tegihe batrak-radnikaks. Vodel 1937 hän oli oigetud Uzbekistanaha, kus tegihe kolhozan ohjandajaks[5]. Sigä hän oti mehele Anisje Egajan. Kanzas sündui nel'l' last.

Anitan mam — Jun Eloiza Sanhimovna (1944—2021). Sündui Taškent-lidnas, lopi Moskvan valdkundaližen universitetan (ven.) (vep. da tegihe himijan tedodoktoraks[6][7]. Tat — Sergei Kim. Vanhembad erigoitihe, konz Anitale oli kaks' vot. Tat koli vodel 2021.

Anita openzihe školas № 55 Moskvan Kuz'minki-rajonas. Hänenke ühtes, no toižes klassas, openzihe Kristina Orbakaite. Koumandes klasas Anita zavodi kirjutada runod živatoiden, bobaižiden polhe da parodijad opendajiden polhe. Openzihe muzikškolas skripk-klassas 2 vot[8].

Vozil 1986—1990 openzihe Moskvan pedagogižes "Arbat"-učiliščas № 9 školedeližen kazvatusen tedokundal. Lopi Moskavan valdkundaližen universitetan juridižen tedokundan, fortepianon da skripkan školan da GITIS-institutan estradan tedokundan vokalan klassadme.

Vodel 2012 Anita Coi ühtni ven.: «Один в один!»-muzikšouhu, miččes sai 4 sijan kacujiden mel'pidon mödhe.

27. redukud vodel 2016 Moskvas oli hänen "10|20"-jubileišou.

17. kezakud vodel 2018 Anita Coi lapsiden horanke eziti FIFA laučvoibištelijoiden festivalil Rostov-na-Donu-lidnas ven.: «Победа»-pajon (The Win), mitte om kirjutadud mail'man jaugmäčun čempionataks[9].

Vodel 2025 ühtni ven.: «Без сценария»-šouhu.

Personaline elo

Konz hänele oli 19 läksi mehele Sergei Petrovič Gojan taga[10]. Vastsihe korejan kelen kursil.

Vodel 2006 Sergei Coi tegihe Anita-fondan ühtnikaks, mitte ohjanzi Anita Coi[11].

Kanzas om Sergei-poig. Avoin lähtkiden mödhe hän tegeb ekonomistan karjerad[12].

Anita mužikanke da poiganke. 2019 voz'

Diskografii

Al'bomad

  • 1997 — Полёт (Lendand);
  • 1998 — Чёрный лебедь (Must joucen);
  • 2000 — I’ll remember you (Linnen muštta sindai);
  • 2003 — 1 000 000 минут (1 000 000 minutad);
  • 2007 — На Восток (Päivnouzmpolehe);
  • 2011 — Твоя_А (Sinun_A);
  • 2015 — Без вещей (Kaluita).

Homaičendad

  1. ↑ Анастасия Гнединская. Анита Цой поменяла имя по совету нумеролога. Московский комсомолец (29 uhokud 2016). Дата обращения: 21 redukud 2025.
  2. ↑ Указ Президента Российской Федерации от 29 марта 2021 года № 182 «О награждении государственными наградами Российской Федерации».
  3. ↑ Сегодня, 7 февраля, свой день рождения отмечает Анита Цой. ВКонтакте (7 uhokud 2024). Дата обращения: 21 redukud 2025.
  4. ↑ Свадебный размер — Портал «Домашний». Домашний. Дата обращения: 21 redukud 2025.
  5. ↑ Чен Валентин Сергеевич. Улыбка в наследство // Российские корейцы : Ежемесячная газета. — Москва, РФ, 2009, март-апрель. — № 111. — С. 7.
  6. ↑ anitatsoy.ru
  7. ↑ Мама Аниты Цой умерла после тяжелой болезни. Дата обращения: 21 redukud 2025.
  8. ↑ Анита Цой: «Мечтала о Шварценеггере, а встретила… Цоя». Дата обращения: 21 redukud 2025.
  9. ↑ Анита Цой презентует в Ростове песню «Победа», написанную к ЧМ-2018. worldcup2018.tass.ru. Дата обращения: 21 redukud 2025.
  10. ↑ Цой, Сергей, Lenta.RU. Дата обращения: 21 redukud 2025.
  11. ↑ Карпенко, Е. "Горячее сердце" Аниты Цой // Вечерняя Москва. — 2006. — Uhoku.
  12. ↑ Анита Цой рассказала, почему её единственный сын не стал певцом. muz-tv.ru. Дата обращения: 23 semendkud 2025.

Lähtked

Om sadud "https://vep.ruwiki.ru/w/index.php?title=Coi_Anita_Sergejevna&oldid=530497"