Aleksei Sulima

Aleksei Sulima
Aleksei Sulima
	Aleksei Mehr'akov
	; Golos-projektan aigan
Üleižed tedod
Täuz' nimi	Aleksei Borisovič Mehr'akov
Sündundpäiv	8. uhokud 1990 (36 лет)
Sündundsija	Barnaul, RSFSR[d], Sovetskii Sojuz;
Ma	Venäma; Sovetskii Sojuz;
Professijad	pajatai, artist
Radon aig	2008 — täl aigal
Žanrad	hip-hop
Psevdonim	Sulima

Aleksei Sulima (ven.: Алексей Сулима), todesine nimi om Aleksei Mehr'akov (ven.: Алексей Мехряков; om sündunu 8. uhokud 1990, Barnaul), om venälaine pajatai hip-hop-žanras.

Om «Faktor A»-projektan 2. sezonan (2012) vägestai. 12 sezonas «Golos»-projetal sai koumanden sijan (2024).

Elostarin

Sündui 8. uhokud vodel 1990 Barnaul-lidnas, Altajan agjas äilapsižes kanzas. Hänel om kaks' vel't da sizar'. Aleksei om noremb laps' kanzas. Tat radoi avtomehanikan, mam oli kirjištonholitajan.

Laps'aigaspäi mel'dui muzikaha da jaugmäčvändoho.

Vodel 1998 mam andoi händast estradan taidehen "7 not"-studijaha. Sidä jäl'ghe hän zavodi ühtneda erazvuiččihe konkursoihe da vägestada niiš. Konz hänele oli 9 vot hän mäni muzikaližehe školha da openzihe sigä kuz' vot gitaran klassas^[1].

Vodel 2008 lopi Barnaulan licejan №112, sidä jäl'ghe kanz sirdihe elole Moskvaha. Moskvas päzui opendamhas Rahvahidenkeskeižehe slav'anilaižehe imstitutaha vokaltedokundale. Ehtoil radoi Moskvan restoranoiš. Mel'dui repha da zavodi kirjutada pajoid rep-žanras, kirjuti niid studijas da pani internet-verkoho.

Vodel 2012 Aleksei Mehr'akov vägesti valičendturas «Rossia 1»-telekanalan «Faktor A»-projektan toižehe sezonaha, hänen ohjandajan oli Igor' Nikolajev. Aleksei sai ezmäižen sijan konkursas da ühtni gala-koncertaha. Sidä jäl'ghe hän allekirjuti muzikan prod'useranke Maksim Fadejevanke kontraktan da radoi hänenke läz kaks' vot^[2].

Sidä jäl'ghe zavodi rata ühtes vellenke — Taras TRUEten'-artistanke^[3].

Vodel 2022 radoi ühtes Jeva Vlasovanke.

Vodel 2023 ezini Vitalii Bel'anan Status-kriminaldramas.

Vodel 2024 vilukus Aleksei tegihe 12 sezonan «Golos»-projetan ühtnikan Ezmäižel kanalal. Sai koumanden sijan^[4].

Kanz

Aleksei om nainu, hänen ak om Julia Baiga. Julia om Venäman rahaministerstvan Ühthižvenälaižen nalogakademijan pästnik. Heiden kanzas om kaks' poigad – Matvei da Boris^[5].

Laps'aigaspäi hän mel'dui jaugmäčvändho. Oli jaugmäčvändon kapitanan. Aleksei om Moskvan CSKA-jaugmäčjoukun laučvoibištelii.

Diskografii

Al'bomad

ven.: 'Время'
ven.: 'День Благодарения'

Singlad

ven.: 'Остаться собой'
ven.: 'Мечта'
ven.: 'Карма'
ven.: 'Не уходи'

Homaičendad

↑ Алесей Сулима. Биография. (рус.) Дата обращения: 8 redukud 2025.
↑ "Настал момент сообщить всю правду": Максим Фадеев расторг контракты со всеми своими артистами (рус.). kp.ru (30 redukud 2019). Дата обращения: 8 redukud 2025.
↑ Алексей «Сулима» Мехряков (рус.). Дата обращения: 8 redukud 2025.
↑ Кто такой Алексей Сулима из Барнаула, который занял третье место в «Голосе»: собрали главное о звезде (рус.). ngs22.ru. Дата обращения: 8 redukud 2025.
↑ Cулима. Личная жизнь (рус.). Дата обращения: 8 redukud 2025.

[1] Алесей Сулима. Биография. (рус.) Дата обращения: 8 redukud 2025.

[2] "Настал момент сообщить всю правду": Максим Фадеев расторг контракты со всеми своими артистами (рус.). kp.ru (30 redukud 2019). Дата обращения: 8 redukud 2025.

[3] Алексей «Сулима» Мехряков (рус.). Дата обращения: 8 redukud 2025.

[4] Кто такой Алексей Сулима из Барнаула, который занял третье место в «Голосе»: собрали главное о звезде (рус.). ngs22.ru. Дата обращения: 8 redukud 2025.

[5] Cулима. Личная жизнь (рус.). Дата обращения: 8 redukud 2025.

[1]

[2]

[3]

[4]

[5]