Aleksandrovsk Sahalinal
| Aleksandrovsk Sahalinal | |||
|---|---|---|---|
 | |||
|
|||
| 50°54′ с. ш. 142°09′ в. д.GЯO | |||
| Valdkund | |||
| Istorii da geografii | |||
| Tegemižen päiv | 1869 | ||
| Pind |
|
||
| Высота | 10 da 36 | ||
| Aigvö | UTC+11:00[d] da VLAT[d][1] | ||
| Eläjad | |||
| Eläjad |
|
||
| Lugud | |||
| Telefonan kod | 42434 | ||
| Počtan indeksad | 694420 | ||
|
|
|||
| Официальный сайт(ven.) | |||
 Mediafailad RUWIKI-tedoiš | |||
Aleksandrovsk Sahalinal (ven.: Алекса́ндровск-Сахали́нский) om Venäman lidn Sahalinan agjan Sahalin-saren päivlaskmas. Se om «Aleksandrovskan Sahalinal rajon»-lidnümbrikon administrativine keskuz (vspäi 2005).
Istorii
Eländpunktan aluz om pandud Venäman imperijha kaičendsodapostaks, tetas Aleksandrovskii-postaks vspäi 1862. Nimitihe Aleksandr II-imperatoran mödhe, šingotihe mecan varhapanendal i kivihilen samižel, kävutihe katargan türmatud mehiden töid. Anttihe lidnan statusad vl 1917. Vozil 1920−1925 lidn oli okkupiruidud Japonijal. Vl 1926 udesnimitihe nügüdläižikš i kätihe Sahalinan ümbrikon keskuseks Edahaižen Päivnouzmpolen randas. Vll 1932−1947 oli Sahalinan agjan administrativižen keskusen.
Aleksandrovsk Sahalinal šingotase kivihilen samižel i sömtegimištol (leibänkombinat, kalanpüdand), mugažo meriport radab.
Geografijan andmused
Lidn sijadase Tünen valdmeren Tataran sal'men pohjoižpäivnouzmaižel randal, 31 m ü.m.t. keskmäižel korktusel. Matkad Suvisahalinskhasai om 440 km suvhe orhal vai 550 km avtotel. Lähembaižed lidnad om Poronaisk i Uglegorsk 200 km suvhe orhal. Avtote ühtenzoitab lidnad lähembaiženke Timovskoje-raudtestancijanke (ven.: Тымовское), se om 60 km päivnouzmha.
Klimat om ven. Lidnan tahondan londuseližed arvoimižed om Edahaižen Pohjoižen arvoimižihe tazostadud. Voden keskmäine lämuz om +0,9 C°, heinkun-elokun +16..+17 C°, tal'vkun-uhokun −12..−16 C°. Paneb sadegid 677 mm vodes, enamba elokus-redukus (93..97 mm kus), vähemba uhokus-sulakus (28..31 mm kus).
Kaik 13 žilod mülüdas lidnümbrikho Aleksandrovskan Sahalinal ližaks. Lidnümbrikon pind — 4 777,4 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 10 613 ristitud, lidnümbrikon — 13 404 ristitud. Kaikiš suremb lidnan ristitišt oli 24 905 eläjad vl 1939 i 19 400 eläjad vl 1992. Vl 2018 kaik 9 504 ristitud elihe lidnas i 11 143 ristitud kaikes lidnümbrikos.
Ortodoksižen hristanuskondan Pühän Jumalanmaman Katken jumalanpert'[3] om udessaudud vll 1993−2012.
Sahalinan bazižen medicinižen kolledžan filial[4] i Sahalinan valdkundaližen universitetan filial[5] oma lidnan professionaližen opendusen aluzkundoikš.
Galerei
- Администрация Александровск-Сахалинского района 1.jpg
Rajonan-lidnümbrikon administracijan sauvuz (2016)
- Церковь Покрова Пресвятой Богородицы в Александровск-Сахалинске.jpg
Pühän Jumalanmaman Katken jumalanpert', vn 2011 nägu
- Медицинский колледж в Александровск-Сахалинске.jpg
Sahalinan bazižen medicinižen kolledžan filial (2005)
- Anton Chekhov monument Alexandrovsk-Sakhalinsky file 2.jpg
Monument Anton Čehovan muštoks
- Дом Чехова А.П.jpg
Anton Čehovan muzei (2018)
Homaičendad
- ↑ Федеральный закон от 09.03.2016 № 59-ФЗ (рус.) — 2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Aleksandrovskan Sahalinal pühäpertid sobory.ru-saital. (ven.)
- ↑ Aleksandrovskan Sahalinal filialan lehtpoled Sahalinan bazižen medicinižen kolledžan sbmk.sakhalin.gov.ru-saital. (ven.)
- ↑ Aleksandrovskan Sahalinal kolledž (filial) Sahalinan valdkundaližen universitetan sakhgu.ru-saital. (ven.)
Irdkosketused
- Lidnan da lidnümbrikon tobmuden aluzkundoiden oficialine sait (aleks-sakh.ru). (ven.)
- Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)
| Sahalinan agjan lidnad | ||
| Aleksandrovsk Sahalinal | Aniv | Dolinsk | Holmsk | Korsakov | Kuril'sk | Makarov | Nevel'sk | Oh | Poronaisk | Severokuril'sk | Suvisahalinsk | Tomari | Uglegorsk | ||