Aburahoiden da pensijoiden maksmine elektronižil rublil

Рувики-späi
Aburahoiden da pensijoiden maksmine elektronižil rublil
Цифровой рубль.jpg
Augotišen päiv 2025-2026
Sija Venäma
Sü Pidoiden vähenzoitamine rahasirdämižen aigan

Aburahoiden da pensijoiden maksmine elektronižil rublil (ven.: Вы́плата посо́бий и пе́нсий в цифровы́х рубля́х) — valdkundan socialižiden maksmižiden sirdämine elektronižehe formataha elektronižen rubl'an hilläižen tegemižen aigan Venämal. Elektronine rubl' — koumanz' rahoiden form, mitte ühtenzoitab elektronižid rahoid da elektronižid maksmižid[1].

1. redukuspäi vodelpäi 2025 om planoiš maksta elektronižil rublil erasid maksmižid federaližes büdžetaspäi. Nece koskeb mugažo erasid socialižid aburahoid. Maksmižiden loplugetišt heinkun lopuks vodeks 2025 vadkund völ ei olend ozutaud. Vodelpäi 2026 Venäma voib kävutada ut formatad hot' miččile maksmižile, siš lugus pensijoiden da bütžetan radnikoiden paukoiden täht[2].

Kontekst

Elektronižen rubl'an pilotprojektad Venäman Bank (ven.) (vep. jo pästi eloho elokus vodel 2023. Neciš aigaspäi ristitud, bankad da kompanijad tegeba testradoid elektronižiden rublidenke[3].

Sulakun lopus vodel 2025 Venäman rahoiden ministr (ven.) (vep. Anton Siluanov sanui, miše varastab elektronižen rubl'an levitoitust vodel 2026[4]. Necikš aigaks pidab pästta eloho da testiruida kaiked tarbhašt rahoiden infrastrukturad.

Elektronine rubl' planiruitas kävutoitta virtualižes avarudes: Venäman Bank pästaškandeb elektronižid rublid elektronižen kodan abul, uden val'utan cčotad (rahansijadused) linneba Keskuzbankan platformal[1].

Rahvaz da juridižed personad kaičeškandeba rahoiden ut formad elektronižiš kukroiš. Kukrad ei linneba sidotud konkretižen bankanke, no kävutoitta elektronižid rublid voib tradicionaližesti: bankližaprogrammoiden abul. Laskendad putta kukroho voib sada hot' miččes bankas, kuna käveleb klijent. Om planoiš, miše tulebas aigas voib kävutoitta elektroništ rubl'ad ilman internetata[5].

Voib kävutoitta elektronižid rublid maksmižen da rahoiden sirdämižen täht, voib sirtta niid bankkartoile, a sid' sada käzirahoid, ku tariž. Ristituiden tranzakcijoil elektronižiš rubliš ei linne bankkomissijoid. Niid ei koskkoi kreditorganizacijoiden rahamärad. Juridižile personoile linneba minimaližed komissijad[6].

Valdmehed pagižeba val'utan uden forman hüvä pol' tranzakcijoiden rahasirdämižen täht[1].

Elektronižen rubl'an pästamižen plan

15. heinkud vodel 2025 Valdkundaline Duma vahvišti zakonan elektronižen rubl'an hilläižen pästamižen polhe rahvahale[7], se oli allekirjutadud prezidental 23. heinkud vodel 2025. Uden zakonan mödhe, elektronižen rubl'an levitadud sirdämine zavodiše 1. sügüz'kud vodel 2026. Nece koskeb ezmäks surid bankoid da möndverkoid, kus sadas rahad enamba 120 mln, sid' kosked kaikid möjid da toižid bankoid vodeks 2028.

1. redukuspäi vodelpäi 2025 elektronine rubl' kävutoitaškatas federaližiden maksmižen täht da eriližiden socialižiden abumaksuiden täht. miččiden polhe om pagin — heinkuks vodeks 2025 ei ole sel'ged.

1. vilukuspäi vodelpäi 2026 elektronine rubl' voiškatas kävutada kaikiden maksmižiden täht federaližes büdžetaspäi.

Vodel 2027 elektronine rubl' tuleb regionaližihe maksmižihe, mugažo irdbüdžetoiden fondoiden sistemoihe[2].

Ičetahton princip

Keskuzbankas homaičeba, miše elektronižen rubl'an tulendanke ei linne nimittušt käsköd kävutoitta sidä:

Rahvaz, kut nügüd'-ki, voiba iče valita, miččid rahoid kävutoitta — käzirahoid libo elektronižid rahoid. Ristit voib iče valita[8].

Ku Venäman eläi ei tahtoškande kävutoitta elektronižid rublid, hänele ei pida avaita bankas elektroništ kukrod[1]. pagin mäneb ristituiš, ked saba aburahoid da pensijoid: hö iče valičeba, miččid rahoid tahtoiba sada (elektronižed libo käzirahad)[2].

Aburahoiden maksmine

Uhokus vodel 2025 "Interfaks"-agenstv kirjuti, miše Venäman Bank ühtes Federaližen kaznačeistvanke (ven.) (vep. planiruičeba pästta eloho eksperimantad elektronižen rubl'an kävutamižen mödhe, maksta socialižid aburahoid da tehta maksmižid kapitaližen sauvomižen täht. Agenstvan tedoiden mödhe nece tuleb eloho 25. elokud vodel 2025. "Interfaks" oigendab kacmaha "radplanad", kut elektronine rubl' tuleškandeb büdžetprocessaha. eksperiment jatktase sügüz'kun lophusai. Azjdokumentas ei ole tedoid, miččed maksmišed putuškandeba testiruičendaha[9].

Vahvištadud zakonan mödhe redukuspäi vodelpäi 2025 erasid aburahoid makstas elektronižes formatas[2]. No kut sanutihe Keskuzbankas, avtomatižesti nikelle ei linne avaitud elektronine kukkor[8].

Kut sanuba azjantundijad, valdmehile om kebnemba maksta rahvahale elektronižid rublid, sikš ku siloi valdkund voib voib nähta da el'geta, kuna da kelle mäneba rahad. Rahaopendusen kehitoitusen associacijan pämez' Veniamin Kaganov sel'genzoiti muga:

…Büdžetan täht om tärged, miše kaz'onnijad rahad putuižiba nenile ristituile, kelle ned om oigetud. Ozutesikš, lapsiden aburahoile vanhembad ei voinuižigoi ostta ičeleze humalad da sigaretad. Elektronine rubl' ei anda heile necidä tehta[6].

Pensijoiden maksmine

Runetas sünduiba vestid, miše valdmehiden planoiš sirtta kaik pensijad elektronižehe formataha. Kut om sanutud Venäman Bankan saital, mugoižid planoid ei ole[10].

Uhokus vodel 2025 Valdkundaližen Duman man da elomišton küzundoiden komitetan pämez' Sergei Gavrilov sanui feikoiš socialižiš verkoiš, konz kirjutadas, miše "venänikad nügüd' saškandeba pensijoid elektronižil rublil, miše heittä necidä, pidab aigeta pakičusen bankaha". Deputat homaiči, miše valdkund ei voi märitada vaiše üht pensijoiden samižen mahtod, eskai ku pagin mäneb tradicionaližiš bankan rahoiden sirdämižiš, a mi koskeb elektronižid rublid, ned oma ani uded meiden täht[11].

Ku pensioner iče tahtoškandeb sada pensijad elektronižil rublil (vodelpäi 2026), ka hänele pidab avaita elektroništ kukrod (siš lugus elektronižen aburahan samižen täht). Jäl'ghe necidä pidab kirjutada pakičusen Socialižehe fondaha (ven.) (vep., miše sanuda ičeze tahtos sada rahad elektronižen kukron abul da kirjutada sen nomeran. Kuni Socialine fond ei saškande mugošt pakičust pensioneraspäi, maksta pensijad elektronižil rublil niken ei voiškande. Sid' mugažo voib heitta necidä formatad da pörttas tradicionaližihe käzirahoihe[12].

Homaičendad

  1. ↑ 1 2 3 4 Будут ли платить пенсии в цифровых рублях?. Дата обращения: 22 elokud 2025.
  2. ↑ 1 2 3 4 С 1 октября 2025 года пособия и пенсии будут выплачивать в цифровых рублях. Что это значит для получателей, Банки.ру. Дата обращения: 22 elokud 2025.
  3. ↑ Цифровой рубль Банк России. cbr.ru. Дата обращения: 22 elokud 2025.
  4. ↑ Силуанов ждет масштабного внедрения цифрового рубля в 2026 году, Interfax.ru (28 sulakud 2025). Дата обращения: 22 elokud 2025.
  5. ↑ Цифровой рубль Банк России. cbr.ru. Дата обращения: 22 elokud 2025.
  6. ↑ 1 2 Социальные выплаты в цифровых рублях. Насколько это реально? Мнения экспертов - Российская газета, Российская газета (10 uhokud 2025). Дата обращения: 22 elokud 2025.
  7. ↑ Госдума определила сроки массового внедрения цифрового рубля, РИА Новости (15 heinkud 2025). Дата обращения: 22 elokud 2025.
  8. ↑ 1 2 Что такое цифровой рубль, зачем он и как работает, нужно ли заявление на отказ от цифрового рубля. Банк России. www.cbr.ru. Дата обращения: 22 elokud 2025.
  9. ↑ ЦБ и Казначейство РФ намерены осенью протестировать выплату пособий в цифровых рублях, Interfax.ru (5 uhokud 2025). Дата обращения: 22 elokud 2025.
  10. ↑ Миф 4. Все зарплаты бюджетников и выплаты для пенсионеров переведут на цифровые рубли, как когда-то заставили всех перейти на «Мир». | Банк России. www.cbr.ru. Дата обращения: 22 elokud 2025.
  11. ↑ В Госдуме назвали фейком сообщения о переводе пенсий в цифровые рубли, TACC. Дата обращения: 22 elokud 2025.
  12. ↑ sberbank.ru. www.sberbank.com. Дата обращения: 22 elokud 2025.
Om sadud "https://vep.ruwiki.ru/w/index.php?title=Aburahoiden_da_pensijoiden_maksmine_elektronižil_rublil&oldid=528145"